1975

◄ | 19. Joerhonnert | 20. Joerhonnert | 21. Joerhonnert
◄◄ | ◄ | 1971 | 1972 | 1973 | 1974 | 1975 | 1976 | 1977 | 1978 | 1979 | ► | ►►

Dës Säit befaasst sech mam Joer 1975.

D'Joer 1975 huet op engem Mëttwoch ugefaangen.

Evenementer

Europa

01. Januar: Verfassungsännerung a Schweden, de Kinnek huet just nach representativ Aufgaben.
13. Februar: De Rauf Denktaş proklaméiert den Tierkesche Bundesstaat vun Zypern am Norde vun der Insel.
10./11. Mäerz: Éischt Reunioun vum Europäesche Conseil.
05. Juni: Bei engem Referendum iwwer d'Memberschaft an der EWG stëmme 67% vun de Britten dofir, dranzebleiwen.
01. August: De Schlussakt vun Helsinki gëtt ënnerschriwwen an d'KSZE gëtt gegrënnt.
05. Oktober: Bei den Nationalratswalen an Éisträich kritt d'SPÖ mam Bundeskanzler Bruno Kreisky déi meescht Stëmmen.
10. November: Am Traité vun Osimo eenege sech Italien a Jugoslawien iwwer d'Opdeelung vum fréiere Fräien Territorium Trieste.
20. November: Mam Doud vum Generol Franco geet eng 36-järeg Diktatur op en Enn, de Juan Carlos gëtt 2 Deeg drop Kinnek, a Spuenien nees eng Monarchie.
25. November: Putschversuch a Portugal.
Zu Wien gëtt d'OPEC-Konferenz vun Terroristen iwwerfall. D'Geiselnam vun 11 Ministeren hannerléisst 3 Doudeger.
Griicheland gëtt no engem Referendum eng demokratesch Republik.

Lëtzebuerg

18. Mee: Ronn 12.000 jonk Lëtzebuerger ginn deen Dag groussjäreg well d'Gesetz den Alter fir groussjäreg ze gi vun 21 op 18 Joer erofgesat huet.
01. Juni: Et gëtt obligatoresch fir de Sécherheetsgurt am Auto unzedoen.
16. September: De Gaston Thorn gëtt mat 135 vun 137 Stëmmen zum President vun der 30. UNO-Vollversammlung gewielt.
31. Oktober: Dat neit Gebai vum Fluchhafe Findel gëtt ageweit.

Afrika

25. Juni: Mosambik gëtt vu Portugal onofhängeg.
5. Juli: Kap Verde gëtt vu Portugal onofhängeg.
6. Juli: D'Komoren ginn onofhängeg.
12. Juli: São Tomé a Príncipe gi vu Portugal onofhängeg.
29. Juli: Militärputsch an Nigeria, de Murtala Mohammed iwwerhëlt d'Muecht.
3. August: De Said Mohamed Djohar gëtt no engem Putsch neie President op de Komoren.
23. Oktober: Déi südafrikanesch Arméi intervenéiert am Biergerkrich an Angola wouduerch d'Positioun vum Frente Nacional de Libertação de Angola (FNLA) gestäerkt gëtt.
06. November: Ongeféier 350.000 Marokkaner besetzen déi spuenesch Kolonie West-Sahara fir de marokkaneschen Usproch op d'Regioun ze manifestéieren.
11. November: Angola gëtt vu Portugal onofhängeg.
30. November: D'Volleksrepublik Benin gëtt ausgeruff, als Nofollger vun der Republik Dahomey.
30. Dezember: No engem Putsch op Madagaskar proklaméiert den Didier Ratsiraka déi Demokratesch Republik Madagaskar.
Biergerkrich an Ethiopien.

Amerika

USA

Südamerika

Asien

17. Abrëll: Phnom Penh, d'Haaptstad vum Kambodja gëtt vun de Roude Khmer ënner dem Pol Pot ageholl.
30. Abrëll: De Vietnamkrich geet mat der Eruewerung vu Saigon duerch déi kommunistesch Forcen op en Enn. D'Regierung vu Südvietnam kapituléiert komplett. Een Dag éischter sinn déi lescht US-Amerikaner duerch d'Operation Frequent Wind aus der Stad evakuéiert ginn.
16. Mee: Dat fréiert Kinnekräich Sikkim gëtt den 22. Bundesstaat vun Indien.
25. Juni: An Indie gëtt en nationalen Ausnamezoustand proklaméiert (bis 1977).
15. August: De Sheikh Mujibur Rahman a seng Famill ginn am Bangladesch ermuert.
8. August: An der Volleksrepublik China briechen 62 Staudämm, 231.000 Mënsche kommen ëm d'Liewen.
16. September: Papua-Neiguinea gëtt onofhängeg.
25. November: Surinam gëtt vun Holland onofhängeg.
2. Dezember: Am Laos stierzt d'Laotesch Revolutionär Vollekspartei d'Monarchie a rifft déi Demokratesch Volleksrepublik Laos aus. De Prënz Souphanouvong gëtt éischte Staatspresident.
7. Dezember: Indoneesesch Truppe besetzen Osttimor komplett. Fir d'UNO bleift Osttimor bis 2002 en „onofhängegen Territoire ënner portugisescher Verwaltung“.

Ozeanien & Pazifik

Arabesch Weltan Noen Osten

6. Mäerz: Iran an Irak eenege sech am Ofkommes vun Algier iwwer hire gemeinsame Grenzverlaf am Schatt el-Arab. Mam Opkënnege vun dësem Ofkommes am September 1980 duerch den Irak fänkt den Éischte Golfkrich un.
Abrëll: Ufank vum Libanesesche Biergerkrich.

Konscht a Kultur

Molerei

Literatur

Musek

22. Mäerz: D'Grupp Teach-In gewënnt fir Holland mam Lidd Ding-a-Dong den 20. Eurovision Song Contest zu Stockholm.

Wëssenschaft an Technik

Bau vum Assuan-Staudamm an Egypten.
4. Abrëll: De Bill Gates an de Paul Allen grënne Microsoft.
30. Mee: Déi European Space Agency (ESA) wgëtt gegrënnt.
11. Juli: D'Volleksrepublik China deelt mat, datt d'Terracotta-Arméi entdeckt gouf.
15. Juli: Mam Apollo-Sojus-Projet fänkt déi éischt gemeinsam Weltraummissioun tëscht den USA an der Sowjetunioun un. De 17. Juli begéine sech déi zwou Ekippen am All.
20. August: D'NASA start hir Mars-Sond Viking 1.
12. September: Déi alleréischt Spillkonsol, den TV Tennis Electrotennis, kënnt op de Maart.
18. Oktober: D'Bréck vu Saint-Nazaire geet fir de Stroosseverkéier op.
22. Oktober: Déi sowjetisch Raumsond Venera 9 lant op der Venus a schéckt éischt Biller vun der Uewerfläch vum Planéit.

Sport

D'Jeunesse Esch gëtt nationale Champion am Foussball, den US Rëmeleng gewënnt d'Coupe du Luxembourg.
16. Mäerz: Déi lëtzebuergesch Foussballnationalekipp verléiert an der Stad Lëtzebuerg, am Kader vun der Qualifikatioun fir d'Foussball-Europameeschterschaft 1976 1:2 géint Éisträich. De Gol fir d'Lëtzebuerger huet den Nico Braun geschoss.^[1]
08. Abrëll: Déi lëtzebuergesch Foussballnationalekipp verléiert an der Stad Lëtzebuerg, am Kader vun der Qualifikatioun fir d'Olympesch Summerspiller 1976 0:1 géint Holland.^[2]
22. Abrëll: Déi lëtzebuergesch Foussballnationalekipp verléiert zu Spakenburg, am Kader vun der Qualifikatioun fir d'Olympesch Summerspiller 1976, 1:2 géint Holland. De Gol fir d'Lëtzebuerger huet de Jean-Louis Margue geschoss.^[3]
01. Mee: Déi lëtzebuergesch Foussballnationalekipp verléiert an der Stad Lëtzebuerg, am Kader vun der Qualifikatioun fir d'Foussball-Europameeschterschaft 1976, 1:3 géint Wales. De Gol fir d'Lëtzebuerger huet de Paul Philipp geschoss.^[4]
15. Oktober: Déi lëtzebuergesch Foussballnationalekipp verléiert zu Wien, am Kader vun der Qualifikatioun fir d'Foussball-Europameeschterschaft 1976, 2:6 géint Éisträich. D'Goler fir d'Lëtzebuerger hunn den Nico Braun a Paul Philipp geschoss.^[5]
19. Oktober: Déi lëtzebuergesch Foussballnationalekipp verléiert zu Szombathely, am Kader vun der Qualifikatioun fir d'Foussball-Europameeschterschaft 1976, 1:8 géint Ungarn. De Gol fir d'Lëtzebuerger huet de Gilbert Dussier geschoss.^[6]
12. November: Déi lëtzebuergesch Foussballnationalekipp verléiert zu Ensdorf 0:1 géint d'Bundesrepublik Däitschland.^[7]

Gebuer

000Gwenaël Kerléo, franséisch Harfspillerin.
11. Januar: Matteo Renzi, italieenesche Politiker.
14. Januar: Annick Sinner, lëtzebuergesch Léierin an Illustratorin.
15. Januar: Fabienne Biever, lëtzebuergesch Schauspillerin.
15. Januar: Sophie Wilmès, belsch Politikerin.
30. Januar: Alex Penning, lëtzebuergeschen Affekot.
04. Februar: Natalie Imbruglia, australesch Sängerin a Schauspillerin.
05. Februar: Mike Feyder, lëtzebuergesche Basketballspiller.
07. Februar: Barbara Samson, franséisch Schrëftstellerin.
10. Februar: Kool Savas, däitsche Rapper.
18. Februar: Igor Dodon, moldawesche Politiker a Staatspresident.
22. Februar: Drew Barrymore, US-amerikanesch Schauspillerin.
28. Februar: Jean-Marie Reding, lëtzebuergesche Bibliothekär.
03. Mäerz: Thorunn Egilsdottir, lëtzebuergesch-islännesch Tëleespresentatrice, Sängerin a Model.
12. Mäerz: Sigmundur Davíð Gunnlaugsson, islännesche Politiker.
15. Mäerz: Wesselin Topalow, bulgaresche Groussmeeschter am Schach.
19. Mäerz: Marco Engleitner, lëtzebuergeschen Handballspiller.
28. Mäerz: Anne Schiltz, lëtzebuergesch Anthropologin.
17. Abrëll: David Laborier, lëtzebuergesche Museker.
26. Abrëll: Joey Jordison, US-amerikanesche Museker.
27. Abrëll: Jeanine Unsen, lëtzebuergesch Fotografin.
30. Abrëll: Alija Bešić, lëtzebuergesche Foussballspiller.
01. Mee: Yves Cruchten, lëtzebuergesche Politiker.
02. Mee: David Beckham, brittesche Foussballspiller.
03. Mee: Marc Limpach, lëtzebuergesche Jurist, Schauspiller, Dramaturg an Auteur.
09. Mee: Pascale Hansen, lëtzebuergesch Affekotin a Politikerin
10. Mee: Frank Engel, lëtzebuergesche Politiker.
12. Mee: Jonah Lomu, neiséilännesche Rugbyspiller.
04. Juni: Angelina Jolie, US-amerikanesch Schauspillerin.
25. Juni: Wladimir Kramnik, russesche Schachmeeschter.
24. Juni: Alain Marchetti, lëtzebuergesche Basketballspiller.
27. Juni: Tobey Maguire, US-amerikanesche Schauspiller.
30. Juni: Ralf Schumacher, däitsche Formel-1-Pilot.
04. Juli: Yann Tonnar, lëtzebuergesche Filmmécher.
06. Juli: 50 Cent, US-amerikanesche Rapper.
25. Juli: Grégoire Colin, franséische Schauspiller.
26. Juli: Liz Truss, brittesch Politikerin.
03. August: Evika Siliņa, lettesch Politikerin.
08. August: Serge Maes, lëtzebuergesche Basketballspiller.
18. August: Natalia Filatkina, russesch Linguistin.
09. September: Michael Bublé, kanadesche Sänger.
14. September: Erik Schmidt, lëtzebuergesche Volleyballspiller.
16. September: Luc Loesch, lëtzebuergesche Basketballspiller.
20. September: Juan Pablo Montoya, kolumbianesche Formel-1-Pilot.
28. September: Ana Brnabić, serbesch Politikerin.
05. Oktober: Kate Winslet, brittesch Schauspillerin.
06. Oktober: Peter Pellegrini, slowakesche Politiker.
08. Oktober: Philippe Felgen, lëtzebuergesche Foussballspiller.
17. Oktober: Anne Kremer, lëtzebuergesch Tennisspillerin.
19. Oktober: Hilde Gerg, däitsch Alpinschileeferin.
30. Oktober: Yves Grandjean, lëtzebuergesche Basketballspiller.
02. November: Mike Majerus, lëtzebuergeschen Handballspiller.
02. November: Tom Majerus, lëtzebuergeschen Handballspiller.
03. November: Alexander De Croo, belsche Politiker.
05. November: Benoît Majerus, lëtzebuergeschen Historiker.
08. November: Cathy Richard, lëtzebuergesch Filmregisseurin.
21. November: Laurent Witz, franséischen Animatiounsfilmregisseur a -produzent.
01. Dezember: Steve Fries, lëtzebuergesche Vëlossportler.
19. Dezember: Milla Jovovich, russesch Schauspillerin a Fotomodel.
21. Dezember: Charles Michel, belsche Politiker.
30. Dezember: Tiger Woods, US-amerikanesche Golf-Spiller.

Gestuerwen

04. Januar: Carlo Levi, italieenesche Schrëftsteller a Moler.
09. Januar: Pierre Fresnay, franséische Schauspiller.
16. Januar: Renée Passeur, franséisch Schauspillerin.
01. Februar: Victor Neuens, lëtzebuergeschen Auteur an Editeur.
05. Februar: Foni Tissen, lëtzebuergesche Konschterzéier a Moler.
06. Februar: Marcel Feller, lëtzebuergesche Politiker.
09. Februar: Pierre Dac (André Isaac), franséischen Humorist.
14. Februar: P.G. Wodehouse, brittesche Schrëftsteller a Komiker.
14. Februar: Mathias Weishaupt, lëtzebuergeschen Turner an Olympionik.
16. Februar: Jacques Hilling, franséische Schauspiller.
17. Februar: François Léon Lefort, lëtzebuergesche Botaniker.
17. Februar: George Marshall, US-amerikanesche Filmregisseur an Dréibuchauteur.
21. Februar: Joseph Lortz, lëtzebuergesche kathoulesche Geeschtlechen an Historiker.
28. Februar: Jean Serres, lëtzebuergesche Boxer.
08. Mäerz: Joseph Bech, lëtzebuergesche Politiker.
08. Mäerz: George Stevens, US-amerikanesche Filmregisseur, Dréibuchauteur a Filmproduzent.
15. Mäerz: John H. Auer, US-amerikanesche Filmregisseur.
15. Mäerz: Aristotelis Onassis, Griichesche Riederei-Besëtzer.
16. Mäerz: Perle Mesta, US-amerikanesch Diplomatin.
18. Mäerz: Louis Bugette, franséische Schauspiller.
19. Mäerz: Harry Lachmann, US-amerikanesche Moler, Zeenograph, Filmregisseur an Dréibuchauteur.
20. Mäerz: Weniamin Pawlowitsch Jechowski, russesch-franséischen Astronom.
22. Mäerz: Paul Verhoeven, däitsche Schauspiller a Filmregisseur.
25. Mäerz: Victor Wassenich, lëtzebuergeschen Ornitholog an Zwangsrekrutéierten.
27. Mäerz: Frantz Heldenstein, lëtzebuergesche Sculpteur a Bannenarchitekt.
02. Abrëll: Alfred Schmitt, franséischen Astronom.
03. Abrëll: Mary Ure, schottesch Schauspillerin.
05. Abrëll: Tschang Kai-Tschek, chineesesche Politiker.
05. Abrëll: Harold Osborn, amerikanesche Liichtathleet.
08. Abrëll: Gordon T. Smith, US-amerikanesche Manager.
12. Abrëll: Josephine Baker, US-amerikanesch/franséisch Dänzerin, Schauspillerin, Sängerin a Resistenzlerin.
03. Mee: Jean-Pierre Urbing, lëtzebuergeschen Turner an Olympionik.
03. Mee: Jean Kraus, lëtzebuergesche Geeschtlechen, Enseignant a Botaniker.
06. Mee: Fernand Verhaegen, belsche Moler.
08. Mee: Pol Albrecht, lëtzebuergesche Museker a Komponist.
18. Mee: Leroy Anderson, US-amerikanesche Komponist.
30. Mee: Michel Simon, franséische Schauspiller.
26. Juni: Josémaria Escriva de Balaguer, Grënner vum Opus Dei.
27. Juni: Robert Stolz, éisträichesche Komponist.
10. Juli: Achille Van Acker, belsche Politiker.
13. Juli: Aloyse Deitz, lëtzebuergesche Sculpteur.
07. August: Ruth Stephan, däitsch Schauspillerin.
09. August: Dmitri Schostakowitsch, sowjetrussesche Komponist.
11. August: Anthony McAuliffe, US-amerikanesche Generol am Zweete Weltkrich.
27. August: Haile Selassie I. vun Ethiopien.
06. September: Marie Clausse, lëtzebuergesch Fraerechtlerin a Resistenzlerin.
07. September: Wilhelm Thiele, éisträichesch-US-amerikanesche Filmregisseur an Dréibuchauteur.
08. September: Pierre Montazel, franséische Kameramann a Filmregisseur.
18. September: Felix Weil, däitsch-argentinesche Mäzen.
20. September: Saint-John Perse, franséischen Dichter, Nobelpräisdréier.
01. Oktober: Eugène Rodenbourg, lëtzebuergesche Magistrat.
27. Oktober: Rex Stout, US-amerikanesche Schrëftsteller.
30. Oktober: Peter Faber, lëtzebuergesche Schrëftsteller, Chansonnier a Kabarettist.
02. November: Pier Paolo Pasolini, italieenesche Schrëftsteller a Filmregisseur.
10. November: Léon Berens, lëtzebuergeschen Industriellen.
17. November: Rudolf Palgen, lëtzebuergesche Philolog.
20. November: Francisco Franco, spuenesche Politiker a Generol.
23. November: Ernest Ludovicy, lëtzebuergesche Pedagog a Schrëftsteller.
30. November: Tony Jungblut, lëtzebuergeschen Auteur, Journalist, Geriichtschroniker an Editeur.
04. Dezember: Hannah Arendt, däitsch Philosophin.
06. Dezember: Franco Pesce, italieenesche Schauspiller.
16. Dezember: Alphonse Turpel, lëtzebuergesche Geeschtlechen a Journalist.
22. Dezember: Mathias Weyrich, lëtzebuergesche Wënzer a Lokalpolitiker.
24. Dezember: Bernard Herrmann, US-amerikanesche Komponist an Dirigent.
26. Dezember: Pierre Hentges sen., lëtzebuergeschen Turner, Auteur an Olympionik.
29. Dezember: Jacques Zenner, lëtzebuergesche Moler.
31. Dezember: Jean Chevrier, franséische Schauspiller.

Um Spaweck

Commons: 1975 – Biller, Videoen oder Audiodateien

Referenzen

[1] D'Detailer vum Foussballlännermatch Lëtzebuerg-Éisträich de 16. Mäerz 1975 op der Websäit vun European Football

[2] D'Detailer vum Foussballlännermatch Lëtzebuerg-Holland den 8. Abrëll 1975 op der Websäit vun European Football

[3] D'Detailer vum Foussballlännermatch Holland-Lëtzebuerg den 22. Abrëll 1975 op der Websäit vun European Football

[4] D'Detailer vum Foussballlännermatch Lëtzebuerg-Wales den 1. Mee 1975 op der Websäit vun European Football

[5] D'Detailer vum Foussballlännermatch Éisträich-Lëtzebuerg de 15. Oktober 1975 op der Websäit vun European Football

[6] D'Detailer vum Foussballlännermatch Ungarn-Lëtzebuerg den 19. Oktober 1975 op der Websäit vun European Football

[7] D'Detailer vum Foussballlännermatch Däitschland-Lëtzebuerg den 19. Oktober 1975 op der Websäit vun European Football

[1]

[2]

[3]

[4]

[5]

[6]

[7]