Haaptmenü opmaachen

Sophie Wilmès

belsch Politikerin

D'Sophie Wilmès, gebuer de 15. Januar 1975 zu Ixelles / Elsene, ass eng belsch Politikerin vum Mouvement réformateur (MR). Si ass zanter dem 27. Oktober 2019 Premierministesch faisant fonction vun der Belsch, an domat déi éischt Fra an där Funktioun[1].

Sophie Wilmès
Sophie Wilmès.jpg
Gebuer 15. Januar 1975
Ixelles
Nationalitéit Belsch
Educatioun Facultés universitaires Saint-Louis
Aktivitéit Politiker
Partei Mouvement réformateur
Wikidata-logo-without-paddings.svg

Virdru war si an de Regierunge Michel I and II, ënnert hirem Virgänger, dem Charles Michel, vu September 2015 bis Oktober 2019 Budgetsministesch. 2014 war si fir den Didier Reynders an dat federaalt belsch Parlament nogeréckelt. 2000 war si an de Gemengerot vun Uccle / Ukkel gewielt ginn, an 2005 an dee vu Sint-Genesius-Rode, wuer se geplënnert war.

Si huet um Institut des Hautes Etudes de Communications Sociales (IHECS) Kommunikatiounswëssenschafte studéiert an hire Studium 2002 um Institut Supérieur de Commerce Saint Louis, an Owescoursen iwwer Finanzmanagement ofgeschloss. Dono huet si e puer Joer als Assistentin bei der Europäescher Kommission am Beräich Budgetskontroll, an dann als Expert fir Droit économique et commercial an engem Affekotecabinet geschafft.

D'Sophie Wilmès ass bestuet an huet véier Kanner[2].

Um SpaweckÄnneren

Commons: Sophie Wilmès – Biller, Videoen oder Audiodateien

ReferenzenÄnneren