Zypern

Dëse Geographiesartikel iwwer Europa ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Republik Zypern (griisch.: Κυπριακή Δημοκρατία; tierk. Kıbrıs Cumhuriyeti) ass en Inselstaat am Mëttelmier. Zypern läit nëmmen eng 70 km westlech vu Syrien a ronn 100 km südlech vun der Tierkei. Domat läit Zypern zwar geographesch an Asien, gëtt awer politesch a kulturell traditionell éischter zu Europa gerechent.

Κυπριακή Δημοκρατία Kypriakí Dimokratía (Griichesch) Kıbrıs Cumhuriyeti (Tierkesch) Republik Zypern
Detailer Detailer
Offiziell Sprooch:	Griichesch, Tierkesch
Haaptstad:	Nikosia
Staatsform:	Republik
• President:	Nikos Anastasiades
Fläch:	de facto: 5 896 km² de jure: 9 251 km² (162.)
Bevëlkerung:	1.198.575
• Bevëlkerungsdicht:	130/km²
Onofhängegkeet:	vu Groussbritannien, de 16. August 1960
Nationalfeierdag:	1. Oktober
Nationalhymn:	Imnos pros tin Eleftherian (Lauschteren)
Wärung:	Euro (EUR)
Zäitzon:	UTC +2
Internet TLD:	.cy
Internationalen Telefonsprefix:	+357

D'Insel Zypern ass déi drëttgréisst Insel am Mëttelmier.

Déi fréier brittesch Kolonie gouf 1960 vu Groussbritannien onofhängeg an ass schonn nëmmen e Joer drop, 1961 an de Commonwealth agetrueden. Zanter dem 1. Mee 2004 ass d'Republik Member vun der Europäescher Unioun.

D'Republik Zypern ass en international unerkannt Land an huet de jure d'Souveränitéit iwwer ronn 97 % vum Territoire vun der Insel. Groussbritannien kontrolléiert déi 3 % déi Rescht bleiwen. D'Insel ass awer de facto a véier gedeelt:

• den Territoire (am Süde vun der Insel) deen effektiv ënner Kontroll vun der Republik Zypern ass,
• de vun den Tierken occupéierten Norde vun der Insel, dee sech selwer Tierkesch Republik Nordzypern nennt an nëmme vun der Tierkei als eegestännege Staat unerkannt gëtt,
• eng vun de Vereenten Natiounen kontrolléiert gréng Linn (Pufferzon) déi tëscht deenen zwéi Bléck läit,
• den zwou brittesche Militärbasen Akrotiri an Dekelia (en: Sovereign Base Areas), extraterritorial Gebidder an Iwwerreschter aus der Kolonialzäit déi ënner der Souveränitéit vu Groussbritannie stinn.

Ekonomie

Den 1. Januar 2008 ass Zypern der Eurozon bäigetrueden an huet zanterhier den Euro als Wärung.

Um Spaweck

Commons: Zypern – Biller, Videoen oder Audiodateien

• (gr)(en) Portal vun der Regierung