Anne Kremer

D'Anne Kremer, gebuer de 17. Oktober 1975 zu Lëtzebuerg, ass eng lëtzebuergesch Tennisspillerin an Olympionickin.^[1]

Anne Kremer

Nationalitéit: Lëtzebuerg
Gebuertsdag: 17. Oktober 1975
Gréisst: 165 cm
Gewiicht: 55 kg
1. Profisaison: 1998
Spillhand: Riets, beidhänneg Réckhand
Trainer: Henri Faberga
Eenzel
Titel: 2
Bescht Plaz: 18 (29.Juli 2002)
Dubbel
Bescht Plaz: 140 (6. Mee 2002)

Si spillt am beschten op haardem Belag. Hir bescht Plaz an der Weltranglëscht hat se den 29. Juli 2002 mat der Nummer 18 erreecht.

Si huet hir Karriär den 12. Oktober 2014 mat engem Dubbel beim WTA-Turnéier op der Kockelscheier ofgeschloss.^[2]

Palmarès

Eenzel

Turnéier vum Grand Chelem (0)

Masters (0)

Turnéier Kategorie I (0)

Turnéier Kategorie Tier II (0)

Turnéier Kategorie III (0)

Turnéier Kategorie IV (2)

Titelen am Eenzel (2)

No.	Datum	Turnéier	Fläch	Géigner an der Finall	Resultat
1.	20. Mee 2000	Auckland Neiséiland	Haarde Belag	Cara Black (Simbabwe)	6-4 6-4
2.	19. November 2000	Pattaya City, Thailand	Haarde Belag	Tatiana Panova (Russland)	6-1 6-4

Verluere Finallen am Eenzel (2)

1999: Pattaya City (géint Magdalena Maleeva)
2001: Budapest (géint Magdalena Maleeva)

Titelen am Dubbel (0)

Bis elo keen

Olympesch Spiller

Si huet Lëtzebuerg dräimol op den Olympesche Spiller vertrueden:

Olympesche Summerspiller 1996 zu Atlanta

Ënner 64 Konkurrentinnen aus 34 Natiounen ass si an der éischter Ronn mat 5:7, 4:6 ausgescheet

Olympesch Summerspiller 2000 zu Sydney

Ënner 64 Konkurrentinnen aus 33 Natiounen huet si an der éischter Ronn an zwee Sätz géint d'Kroatin Iva Majoli gewonnen, an der zweeter Ronn awer an dräi Sätz géint d'Amanda Coetzer aus Südafrika verluer

Olympesch Summerspiller 2004 zu Athen

Eenzel: ënner 32 Konkurrentinnen aus 32 Natiounen ass si an der éischter Ronn ausgescheet
Dubbel: ënner 32 Koppelen aus 21 Natiounen ass si an der éischter Ronn ausgescheet.