Gemeng Wolz

Wolz
Wolz
	D'Gemengenhaus
	D'Gemengenhaus vu Wolz
Aussprooch	;
An anere Sproochen	fr: Wiltz; de: Wiltz
Land	Lëtzebuerg
Kanton	Wolz
Buergermeeschter	Fränk Arndt (LSAP)
Awunner	7.949
	1 Januar 2023
Fläch	39,25 km²
Héicht	477 m
Koordinaten	49° 57’ 58’’ N; 5° 55’ 57’’ O
LAU-Code	LU0807
Websäit	https://www.wiltz.lu
	D'Gemeng Wolz (orange); am Kanton Wolz (rout)

Dësen Artikel beschäftegt sech mat der Gemeng Wolz zu Lëtzebuerg. Fir aner Bedeitungen, kuckt wgl. Wolz (Homonymie).

D'Gemeng Wolz (lokal: Wooltz) ass eng vun den 102 lëtzebuergesche Gemengen. Se läit am Kanton Wolz an de Chef-lieu vun der Gemeng ass d'Stad Wolz vun där se och hiren Numm huet.

Uertschaften a Lieu-diten an der Gemeng^[1]Änneren

Uertschaften an der fréierer Gemeng Wolz:
- Rulljen
- Wegdichen
- Wolz
Uertschaften an der fréierer Gemeng Eeschweller:
Häff a Lieu-diten an der fréierer Gemeng Wolz:
Häff a Lieu-diten an der fréierer Gemeng Eeschweller:
- Café Halte
- Klenghouschent

GeographieÄnneren

GeschichtÄnneren

Duerch d'Gesetz vum 24. Februar 1843 krut d'Gemeng d'Recht den Titel Stad ze droen.

Den 1. Januar 2015^[2] ass d'Gemeng Eschweiler mat der Gemeng Wolz zu enger vergréisserter "Gemeng Wolz" fusionéiert. Déi zwéi Gemengeréit haten de 24. Februar 2014 dozou gréng Luucht ginn. De 25. Mee 2014 gouf an deenen zwou Gemengen e Gemengereferendum doriwwer ofgehalen. Zu Wolz hu sech ronn 80 Prozent vun de Leit fir eng Fusioun mat Eschweiler ausgeschwat, zu Eschweiler ware just eng 54% fir eng Fusioun.^[3] D'Gesetz dozou ass den 19. Dezember 2014 gestëmmt ginn.^[4]

Eschweiler...
... a Wolz
...fusionéieren zu Wolz

Entwécklung vun der AwunnerzuelÄnneren

Quell:STATEC

PolitikÄnneren

De Gemengerot gëtt nom Proporz-Walsystem gewielt. E besteet zanter 2017 (an no der Fusioun mat Eschweiler) aus 13 Conseilleren; virdru waren et der 11.

De Schäfferot gouf virun der Fusioun vun der LSAP gestallt, zanterhier vun enger Koalitioun vun LSAP an CSV.

Buergermeeschter ass zanter 2009 de Fränk Arndt.

Joer	CSV	DP	LSAP
2005	3	2	6
2011	3	2	6
2017	5	2	6

Quell: Inneministère / RTL.lu / elections.lu

Buergermeeschteren^[5]Änneren

...
1844 - 1847: Jacques Spedener^[6]^[7]
1847: Jean Joseph Georges Faber^[7]^,^[8]
...
1900 - 1909: Max Schmeltzer
1909 - 1924: Charles Mathieu
1925 - 1934: Eugène Thilges
1934 - 1934: François Lambert
1935 - 1941: Joseph Simon
1944 - 1945: Joseph Simon
1946 - 1957: Nicolas Kreins
1958 - 1963: Alphonse Schiltges
1964 - 1964: Nicolas Kreins
1964 - 1967: René Miller
1967 - 1969: Joseph Merres
1970 - 1981: Emile Gerson
1982 - 1987: Jean-Pierre Dichter
1988 - 1993: André Biver
1994 - 1999: John Muller
2000 - 2009: Romain Schneider
zanter 2009: Fränk Arndt

KuckeswäertesÄnneren

Schlass Wolz
Jardin de Wiltz
Nationaalt Streikmonument: zur Erënnerung un de Streik vum 31. August an 1. September 1942
Rodange-Reenert-Kulturwee mat dem Michel-Rodange-Monument am Schoulbierg
Musée vun der Ardennenoffensiv
Brauerei- a Gierwereimusée Wolz
Blosmuseksmusée an der Villa Faber
Geriichtskräiz bei der Gemeng
Kierch Nidderwolz
Kierch Wolz
Monument Notre-Dame vu Fatima

LogoÄnneren

Logo vun der Gemeng Wolz

Zanter 2010 huet d'Gemeng Wolz en eegene Logo, dee fir eng modern Stad mat ville Facetten an enger multikultureller Populatioun steet. Déi gréng Faarf bezitt sech op déi vill Park- a Grénganlagen an der Stad a fir d'Bëscher ronderëm, matzen an de Lëtzebuerger Ardennen.^[9]

KulturellesÄnneren

De Kino Prabbeli
De Wëlzer Festival all Joer am Juni-Juli;
d'Gënzefest all Joer op Päischtméindeg. E Cortège mat der Gënzekinnigin zitt vun der Uewerstad erof an d'Ënnerstad vu Wolz.

JumelagenÄnneren

Wolz ass zanter dem 22. Juni 2005 mat der nordportugisescher Stad Celorico de Basto, net wäit vu Porto ewech, jumeléiert.
Zavidovići a Bosnien an Herzegowina,
De 17. Juni 2006 huet Wolz e Pacte d'Amitié mat der belscher Stad Baaschtnech ënnerschriwwen.

Interkommunal SyndikaterÄnneren

D'Gemeng Wolz ass Member vu follgenden interkommunale Syndikater:

Economie CirculaireÄnneren

Zanter 2015 huet d'Gemeng Wolz de Statut als "hotspot communal de l'économie circulaire".^[10] Zil ass et, fir d'Prinzipie vun der Economie Circulaire, och "Kreeslafwirtschaft" genannt, no an no an alle Beräicher vum deegleche Liewen anzebannen. 2018 huet de Gemengerot eng entspriechend Charta ënnerschriwwen^[11], an där eng Rei vu Moossname genannt ginn, déi ëmgesat solle ginn. Als Haaptprojet gëllt de Bau vun engem neie Quartier mam Numm "Wunne mat der Wooltz"^[12] an Zesummenaarbecht mam Fonds du Logement, dee ganz no de Prinzipie vun der Economie Circulaire soll opgebaut ginn a bei dem eng 780 Logementer entstoe sollen.

Kuckt ochÄnneren

Um SpaweckÄnneren

Commons: Gemeng Wolz – Biller, Videoen oder Audiodateien

ReferenzenÄnneren

↑ D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.
↑ Loi du 19 décembre 2014 portant fusion des communes d'Eschweiler et de Wiltz. legilux.public.lu (23.12.2014). Gekuckt de(n) 19.07.2020.
↑ "Wolz kloer, Eeschwëller knapp ^[sic] fir Fusioun" rtl.lu, 25.05.2014, 16:13:01.
↑ "Loi du 19 décembre 2014 portant fusion des communes d'Eschweiler et de Wiltz." Mémorial A N° 252, 23 Dezember 2014, S. 4824.
↑ Lëscht vun de Buergermeeschtere vun der Gemeng Wolz op der Webäit vun der Gemeng Wolz
↑ Memorial N°3 vun 1844
↑ ^7,0 ^7,1 Memorial N°50 vun 1847 mam ARRÊTÉ ROYAL GRAND-DUCAL du 25 juillet 1847, n° 1664, portant nomination du sieur Faber aux fonctions de bourgmestre de la ville de Wiltz
↑ Memorial N°16 vun 1849 mat dem ARRÊTÉ ROYAL GRAND-DUCAL du 13 février 1849, n°12, portant nomination de bourgmestres
↑ Säit iwwer de Wopen an de Logo
↑ Présentation de la ville de Wiltz comme futur "hotspot" communal de l'économie circulaire gouvernement.lu, 13.10.2018
↑ Charta für die "Economie Circulaire" wiltz.lu
↑ Wunne mat der Wooltz wiltz.lu

[1] D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.

[2] Loi du 19 décembre 2014 portant fusion des communes d'Eschweiler et de Wiltz. legilux.public.lu (23.12.2014). Gekuckt de(n) 19.07.2020.

[3] "Wolz kloer, Eeschwëller knapp ^[sic] fir Fusioun" rtl.lu, 25.05.2014, 16:13:01.

[4] "Loi du 19 décembre 2014 portant fusion des communes d'Eschweiler et de Wiltz." Mémorial A N° 252, 23 Dezember 2014, S. 4824.

[5] Lëscht vun de Buergermeeschtere vun der Gemeng Wolz op der Webäit vun der Gemeng Wolz

[6] Memorial N°3 vun 1844

[:0-7] 7,0 ^7,1 Memorial N°50 vun 1847 mam ARRÊTÉ ROYAL GRAND-DUCAL du 25 juillet 1847, n° 1664, portant nomination du sieur Faber aux fonctions de bourgmestre de la ville de Wiltz

[8] Memorial N°16 vun 1849 mat dem ARRÊTÉ ROYAL GRAND-DUCAL du 13 février 1849, n°12, portant nomination de bourgmestres

[9] Säit iwwer de Wopen an de Logo

[10] Présentation de la ville de Wiltz comme futur "hotspot" communal de l'économie circulaire gouvernement.lu, 13.10.2018

[11] Charta für die "Economie Circulaire" wiltz.lu

[12] Wunne mat der Wooltz wiltz.lu

[1]

[2]

[3]

[4]

[5]

[6]

[7]

[8]

[9]

[10]

[11]

[12]