Wolzer Festival

De Wolzer (oder Wëlzer) Festival, offiziell: Festival de Wiltz, ass e Musek- an Theaterfestival, deen zanter 1953 all Joer an de Méint Juni a Juli zu Wolz am Fräiliicht-Amphitheater beim Wolzer Schlass organiséiert gëtt.

D'Fräiliichtbün beim Schlass

Zanter 1991 ass den Amphitheater, dee ronn 1000 Sëtzplaze bitt, iwwerdaacht.

Am Ufank stoung just Theater um Programm, duerno sinn déi meescht Museksrichtungen no an no derbäikomm: Klassik, Oper an Operett, awer och am Beräich Jazz, Musical a World Musek gëtt eppes gebueden. Am Laf vun der Zäit war et sou méiglech, vill grouss Artisten op Lëtzebuerg z'engagéieren, vill dovu fir déi éischt Kéier.

D'Lëscht vun den Jazzmuseker z. B., déi zu Wolz gespillt hunn, liest sech wéi en Who's who vun der Jazzgeschicht:

1968 - Memphis Slim 1969 - Ella Fitzgerald 1969 - Tommy Flanagan 1970 - Duke Ellington 1972 - Claude Luter 1973 - Friedrich Gulda 1974 - Erroll Garner 1975 - Oscar Peterson 1976 - Lionel Hampton 1979 - Earl Hines 1984 - Chick Corea 1985 - Astor Piazzolla

1986 - The Golden Gate Quartet 1988 - The Modern Jazz Quartet 1989 - Dizzie Gillespie 1990 - Cab Calloway 1991 - Miles Davis 1992 - Gerry Mulligan 1993 - Wynton Marsalis 1996 - Herbie Hancock 2005 - Jan Garbarek 2005 - Dee Dee Bridgewater 2005 - Philip Catherine

Um Spaweck

• Websäit vum Wolzer Festival