Syndicat intercommunal de dépollution des eaux résiduaires du Nord

De Syndicat intercommunal de dépollution des eaux résiduaires du nord, ofgekierzt SIDEN, ass e grenziwwerschreidenden interkommunale Syndikat am Norde vu Lëtzebuerg.

SIDEN

D'Kläranlag vum SIDEN zu Maarnech
Syndicat intercommunal de dépollution des eaux résiduaires du nord
Secteur	Ofwaasser
Leedung	Ali Kaes
Verwaltungssëtz	Bleesbréck
Membergemengen	Ärenzdallgemeng, Bauschelt, Bettenduerf, Biissen, Buerschent, Colmer-Bierg, Dikrech, Ëlwen, Esch-Sauer, Ettelbréck, Feelen, Fiels, Géisdref, Groussbus-Wal, Hiefenech, Ierpeldeng op der Sauer, Kiischpelt, Klierf, Konsdref, Mäerzeg, Noumer, Parc Housen, Pëtschent, Rammerech, Reisduerf, Schieren, Stauséigemeng, Tandel, Veianen, Wäiswampech, Wanseler, Wëntger, Wolz, Verbandsgemeng Neierbuerg, Südeifelwerke
Gegrënnt	23. Mäerz 1994
Websäit	http://www.siden.lu

Den Ofwaassersyndikat këmmert sech ëm d'Ofwaasser an alles, wat domat ze dinn huet, vu ronn 84.000 Leit aus de 34 lëtzebuergesche Membergemengen. Do derbäikommen och nach zwéi Memberen an Däitschland.

De SIDEN exploitéiert 331 Ofwaasserkollekteren, 92 mechanesch an 89 biologesch Kläranlagen.

Geschicht

De SIDEN gouf duerch en Arrêté grand-ducal vum 23. Mäerz 1994 agefouert. D'Statute goufen den 29. Oktober 2007 geännert.

De Verwaltungssëtz vum Syndikat ass an der Kläranlag op der Bleesbréck; President vum SIDEN ass den Ali Kaes.

Membergemengen

Lëtzebuergesch Memberen

• Ärenzdall
• Bauschelt
• Bettenduerf
• Biissen
• Buerschent
• Colmer-Bierg
• Dikrech
• Ëlwen
• Esch-Sauer
• Ettelbréck
• Feelen
• Fiels
• Géisdref
• Groussbus
• Hiefenech
• Ierpeldeng op der Sauer
• Kiischpelt
• Klierf
• Konsdref
• Mäerzeg
• Noumer
• Parc Housen
• Pëtschent
• Rammerech
• Reisduerf
• Schieren
• Stauséigemeng
• Tandel
• Veianen
• Wäiswampech
• Wal
• Wanseler
• Wëntger
• Wolz

Auslännesch Memberen

Südeifelwerke Irrel AöR

Zanter 2014 sinn d'„Südeifelwerke Irrel AöR“ - als rechtlech Nofollger vun der der däitscher Uertsgemeng Irrel a Rheinland-Pfalz - Member vum SIDEN. D'Memberschaft geet zeréck op e Beschloss vum deemolege Gemengerot vun Irrel vum 25. November 2009.

432 Awunner vun Irrel profitéiere vum Uschloss un de SIDEN.

VG Neuerburg

D'Verbandsgemeng Neierbuerg aus dem rheinland-pfälzechen Äifelkrees Béibreg-Prüm ass och un de SIDEN ugeschloss.

Kuckt och

• Lëscht vun de Kläranlagen zu Lëtzebuerg

Um Spaweck

Commons: Syndicat intercommunal de dépollution des eaux résiduaires du Nord – Biller, Videoen oder Audiodateien

• Websäit vum SIDEN