Justizkräiz (Wolz)

D'Justizkräiz zu Wolz ass e Justizkräiz, dat zu Wolz an der Groussgaass, no beim Wëlzer Stadhaus, steet. Et ass 5 m héich a gouf 1502 vum Gérard V. vu Wolz a vu senger Fra, der Elisabeth vu Buerschent, opriichte gelooss. Et symboliséiert d'Justiz-, Fräiheets- a Maartrecht, dat Wolz zanter dem 13. Joerhonnert hat.[1]

Justizkräiz
Justizkräiz Wolz Bommenzinnes.jpg
Typ Justizkräiz
Land Lëtzebuerg
Gemeng Wolz
Koordinaten 49°57'57,78"N, 5°56'13,31"O
Opgeriicht 13. Joerhonnert
Säit mat der Muttergottes.

Drop ze gesinn sinn d'Wope vun de Famille vu Wolz, Buerschent, Bettstein a Bellenhausen. Am 16. Joerhonnert gouf eng Muttergottesstatu op der nordëstlecher Säit dru gesat, a géint 1750-1770, nodeem Wolz vun engem Feier 1748 zerstéiert gi war, op der südwestlecher Säit eng Statu vum Bommenzinnes, déi de Wëlzer Sculpteur Nicolas Jacques gemaach huet.

An der Zäit vun der Franséischer Revolutioun an am Zweete Weltkrich gouf d'Geriichtskräiz beschiedegt, an duerno all Kéier nees restauréiert.

Als eenzegt Original-Justizkräiz am Lëtzebuerger Land gouf et de 15. Februar 1937 als nationaalt Monument klasséiert.[2]

Kuckt ochÄnneren

Um SpaweckÄnneren

Commons: Justizkräiz (Wolz) – Biller, Videoen oder Audiodateien

ReferenzenÄnneren

  1. Quell, wou net anescht uginn: Informatiounsplack beim Kräiz (Sentier culturel, no. 3).
  2. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 24. Mäerz 2021).