Claude Fontaine

De Claude Fontaine, gebuer den 12. Mäerz 1940 zu Wolz, a gestuerwen de 7. Juli 2000 zu Zürich, war e lëtzebuergesche Graphiker a Moler.

Claude Fontaine
Gebuer	12. Mäerz 1940 Wolz
Gestuerwen	7. Juli 2000 Zürich
Nationalitéit	Lëtzebuerg
Aktivitéit	Moler

Hien huet seng Primärschoul zu Lëtzebuerg a seng Mëttelschoul an der Schwäiz gemaach. Duerno huet en 2 Joer zu Paräis Konscht studéiert.

Hie war graphesche Mataarbechter am Atelier E+U Hiestand zu Zürich an huet vill mat Absolvente vun der Hochschule für Gestaltung vun Ulm zesummegeschafft, wou d'graphescht Konzept vun der sougenannter analytescher Grëndlechkeet geléiert an ëmgesat gouf.

Mat 29 Joer ass de Claude Fontaine hannescht op Lëtzebuerg komm, wou e virun allem als Plakatkënschtler bekannt gouf. Hie war ee vun de Pionéier vun der Escher Kulturfabrik a Matgrënner vun der Galerie Terre Rouge.

Literatur

• Fontaines Claude: Graphik - affiches - Biller. Luxemburg: Ed. Kremer-Muller; Esch/Alzette: Centre culturel Kulturfabrik, [2001], 224 p.: ill.; ISBN 2-919978-05-5

Kuckt och

• Lëscht vu lëtzebuergesche Konschtschafenden

Um Spaweck

• Houere Claude... een Noruff vum Guy W. Stoos am forum, № 208, Mee 2001