Martine Hansen
D'Martine Hansen, gebuer den 10. Dezember 1965 zu Wolz[1], ass eng lëtzebuergesch Politikerin (CSV).
| Martine Hansen | |
|---|---|
| Gebuer |
10. Dezember 1965 Wolz |
| Nationalitéit | Lëtzebuerg |
| Educatioun | Universitéit Hohenheim |
| Aktivitéit | Politiker, Ingenieur |
| Partei | CSV |
 | |
Ausbildung Änneren
No hirer Première am Dikrecher Lycée huet d'Martine Hansen op der Universitéit Stuttgart-Hohenheim Agronomie studéiert, mat Spezialisatioun op d'sozial- a wirtschaftswëssenschaftlech Aspekter vun der Landwirtschaft. Vun 2005 un huet si iwwer en zweejärege Fernstudium e Master an der Gestioun vu Schoulen op der Universitéit Kaiserslautern gemaach.[1] Als Masteraarbecht huet si e Schoulentwécklungsplang fir Ettelbréck gemaach.
Beruff Änneren
D'Martine Hansen war vun 1993-2006 Professesch an der Akerbauschoul. Vun 2006 bis zu hirer Ernennung als Ministesch, 2013, war si Direktesch vun där Schoul.[1]
Politesch Ämter Änneren
Den 30. Abrëll 2013 gouf si als nei Ministesch an der Regierung Juncker-Asselborn II vereedegt, zoustänneg fir d'Recherche an d'Héichschoul.[2] Si huet d'Marie-Josée Jacobs ersat, déi demissionéiert hat, an en Deel vun den Dossiere vum François Biltgen iwwerholl, deen och als Minister opgehalen hat.[3] Déi Regierung gouf am Dezember 2013 derch d'Regierung Bettel-Schneider ofgeléist.
Bei de Chamberwale vum 20. Oktober 2013 gouf si an d'Chamber gewielt a bei deene vum 14. Oktober 2018 erëmgewielt.[4]
Si war vu Februar 2014[5] bis Januar 2019[6] Ko-Vizepresidentin vun der CSV.
Zanter Dezember 2018 ass si Fraktiounschefin vun der CSV an der Chamber.[7]
Gielercher Änneren
- Grand-Officier vum Ordre de Mérite du Grand-Duché de Luxembourg (Promotioun 2014)[8].
Literatur Änneren
- Revue Nr. 22 vum 29. Mee 2013, S. 14-19: Die Macherin
Referenzen Änneren
- ↑ 1,0 1,1 1,2 Fiche "Martine Hansen" op gouvernement.lu, gekuckt 2013-05-06.
- ↑ "Martine Hansen a Marc Spautz sinn elo offiziell Minister." RTL.lu - 29.04.2013, 18:29 | Fir d'lescht aktualiséiert: 30.04.2013, 14:13.
- ↑ "Remaniement ministériel." Communiqué vun der Regierung, 27-04-2013 op gouvernement.lu.
- ↑ elections.lu.
- ↑ "CSV-Nationalkongress: Spautz neie Parteipresident, Zeimet bleift Generalsekretär." rtl.lu, 08.02.2014, 14:41:16.
- ↑ "De Frank Engel mat 54% neie Parteipresident." rtl.lu, 26.01.2019.
- ↑ "Martine Hansen ist neue CSV-Fraktionschefin." wort.lu, 05.12.2018.
- ↑ « Compte-rendu des séances publiques n°7 - Séance extraordinaire 2013-2014 », op https://www.chd.lu/