Haaptmenü opmaachen

Carlo Back

lëtzebuergesche Physiker a Politiker
Luxembourg politic personality icon.svg Dësen Artikel iwwer e Politiker ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

De Carlo Back, gebuer den 23. Januar 1952[1], ass e lëtzebuergesche pensionéierte Physiker a Politiker (Déi Gréng).

Carlo Back
Gebuer 23. Januar 1952
Wolz
Nationalitéit Lëtzebuerg
Educatioun Universitéit vu Léiwen
Aktivitéit Physiker, Politiker
Partei déi gréng
Wikidata-logo-without-paddings.svg

Formatioun a CarrièreÄnneren

  00Dëst Kapitel ass nach eidel oder onvollstänneg. Hëlleft w.e.g. mat, fir et ze komplettéieren.

De Carlo Back (genannt Karel) huet an de 70er e Bachelor a Biowëssenschaften an e Master an radioprotection et technologie nucléaire op der Universitéit zu Léiwen gemaach. No der Nuklearkatastroph 1979 op der Three Mile Island an der Géigend vun Harrisburg suedelt hien ëm a geet op Guildford fir do e Master a medezinescher Physik ze maachen.

No sengem Studium huet hie vun 1982 bis 2014 um Ministère de la Santé geschafft. Do huet hie sech besonnesch an der Fuerschung fir eng fréizäiteg Detektioun vum Broschtkriibs engagéiert. 2014 gouf hie pensionéiert.[2]

Politesch MandaterÄnneren

De Carlo Back war fir d'éischt Kandidat fir Déi Gréng bei de Gemengewalen 1999; hien ass Conseiller am Gemengerot vun der Stad Lëtzebuerg zanter Dezember 2005.

Hie war Kandidat bei de Chamberwale vum 14. Oktober 2018 am Bezierk Zentrum, gouf awer net direkt gewielt. Hien ass du fir de François Bausch an d'Chamber nogeréckelt, wéi deen an d'Regierung genannt gouf. De Carlo Back ass de 6. Dezember 2018 als Deputéierte vereedegt ginn[3].

Als Deputéierte well hie sech besonnesch mat den Theme Mobilitéit an Energie auserneesetzen, absënns soll d'Qualitéit an d'Energieeffizienz vum ëffentlechen Transport verbessert ginn. Hie wëll och aktiv un der Digitaliséierung vun eiser Gesellschaft, besonnesch vun der Aarbechtswelt, matschaffen a kucken, datt dobäi kee Bierger vergiess gëtt[4].

PrivatliewenÄnneren

Hien ass a verschiddenen ONGen am Beräich vun der Entwécklungshëllef aktiv an intresséiert sech a senger Fräizäit fir Cyclissem, Wanderen a Reesen[5].

Hie wunnt um Belair, ass bestuet a Papp vun zwee Kanner[5].

Um SpaweckÄnneren

Referenzen an NottenÄnneren

  1. Carlo Back, Fiche signalétique op chd.lu, der Websäit vun der Chamber; fir d'lescht gekuckt de 6. Dezember 2018
  2. (fr)Carlo Back, l'Européen convaincu. Wort.lu (2019-01-18). Gekuckt de(n) 2019-11-05.
  3. «Je jure fidélité au Grand-Duc» op wort.lu de 6. Dezember 2018
  4. Mit neuem Schwung ins Parlament op wort.lu de 6. Dezember 2018, fir d'lescht gekuckt den 31. Dezember 2018
  5. 5,0 5,1 Conseil communal - Membres: Fiche signalétique op vdl.lu, der Websäit vun der Stad Lëtzebuerg; fir d'lescht gekuckt de 6. Dezember 2018