Chamberwale vum 7. Juni 2009
Bei de Chamberwale vum 7. Juni 2009 zu Lëtzebuerg si 60 Deputéiert fir e Mandat vu 5 Joer an dat nationaalt Parlament, d'Chamber, gewielt ginn.
![](http://upload.wikimedia.org/wikipedia/commons/thumb/6/64/WalziedelChamberwalen2009Osten.jpg/350px-WalziedelChamberwalen2009Osten.jpg)
D'Chamberwale waren de selwechten Dag wéi d'Wale fir d'Europäescht Parlament.
No de Walen ass et zu enger weiderer Koalitioun tëscht CSV an LSAP komm.
Méi Informatioun doriwwer am Artikel: Regierung Juncker-Asselborn II.
Parteien
änneren8 Parteie sinn ugetrueden a 452 Leit hu kandidéiert. Et waren 223876 Lëtzebuerger opgefuerdert, wielen ze goen.
Lëscht | Lëtzebuergesch | Franséisch | |
---|---|---|---|
1 | Kommunistesch Partei Lëtzebuerg (KPL) | Parti communiste luxembourgeois | |
2 | Déi Gréng | Les Verts | |
3 | Alternativ Demokratesch Reformpartei (ADR) | Parti réformiste d'alternative démocratique | |
4 | Lëtzebuerger Sozialistesch Aarbechterpartei (LSAP) | Parti Ouvrier Socialiste Luxembourgeois | |
5 | Demokratesch Partei (DP) | Parti Démocratique | |
6 | Déi Lénk | La Gauche | |
7 | Chrëschtlech-Sozial Vollekspartei (CSV) | Parti populaire chrétien social | |
8 | Biergerlëscht | Liste des Citoyens |
D'Biergerlëscht hat just an de Bezierker Süden an Norden eng Lëscht.
Resultater
ännerenPartei | Prozent 2004 | Sëtz 2004 | Prozent 2009 | +/− | Sëtz 2009 | +/− | |
---|---|---|---|---|---|---|---|
CSV | 36,1 | 24 | 38,0 | +1,9 | 26 | +2 | |
LSAP | 23,4 | 14 | 21,6 | −1,8 | 13 | −1 | |
DP | 16,1 | 10 | 15,0 | −1,1 | 9 | −1 | |
Déi Gréng | 11,6 | 7 | 11,7 | +0,1 | 7 | ±0 | |
ADR | 9,9 | 5 | 8,1 | −1,8 | 4 | −1 | |
Déi Lénk | 1,9 | 0 | 3,3 | +1,4 | 1 | +1 | |
KPL | 0,9 | 0 | 1,5 | +0,6 | 0 | ±0 | |
Biergerlëscht | - | - | 0,8 | +0,8 | 0 | ±0 | |
FPL | 0,1 | 0 | - | - | - | - |
D'Fräi Partei Lëtzebuerg ass net méi bei de Walen 2009 ugetrueden.
D'CSV gewënnt par Rapport zu 2004 2 Sëtz a kënnt am Ganzen op 26 Sëtz. Si kann domat hir Avance op déi aner Parteien nach weider ausbauen.
Déi Lénk gewanne fir d'éischt zanter 1999 erëm e Sëtz an der Chamber, an dat mat bal genee dem selwechte Resultat wéi bei de Walen 1999.
D'LSAP verléiert ee Sëtz an huet der nach 13, d'DP verléiert och een a kënnt op 9 Sëtz an och d'ADR verléiert ee vun hire 5 Sëtz an huet der nach 4.
Déi Gréng bleiwen onverännert bei 7 Sëtz, d'KPL kritt och 2009 kee Sëtz an der Chamber.
Resultater no Walbezierk
ännerenCSV | LSAP | DP | Déi Gréng | ADR | Déi Lénk | KPL | BL | |
---|---|---|---|---|---|---|---|---|
Zentrum | 38.6 % | 17.8 % | 19.4 % | 13.2 % | 6.3 % | 3.5 % | 1.1 % | - |
Osten | 41.5 % | 16.2 % | 15.4 % | 14.2 % | 9.5 % | 2.3 % | 1.0 % | - |
Norden | 39.6 % | 17.4 % | 18.2 % | 10.8 % | 10.3 % | 2.0 % | 1.0 % | 0.8 % |
Süden | 35.6 % | 28.2 % | 10.1 % | 10.2 % | 7.9 % | 4.1 % | 2.2 % | 1.7 % |
Osten
ännerenD'CSV bleift staark am Osten a kritt nach 2,9 % bäi fir op 41,5 % ze kommen. Domat huet si am Osten hiert bescht Resultat. D'CSV kritt, wéi och 2004, an alle Gemengen déi meescht Stëmmen.
D'LSAP bleift bal konstant op 16,2 % (-0,3 %) a ka sech am Osten net méi verbesseren nodeem se 1999 ënner 20 % gefall war. Zanter 1999, wéi se an 2 Gemenge stäerkst Kraaft war, konnt d'LSAP a kenger Gemeng am Oste méi gewannen.
Och d'DP, déi 2004 ënner 20 % gerutscht ass, ka sech am Osten net méi erhuelen a verléiert 3,7 % fir nach op 15,4 % ze kommen. Si fält domat hanner d'LSAP. 1999 war d'DP nach a 4 Gemenge stäerkst Partei, 2009 konnt se sech fir d'zweet a kenger Gemeng duerchsetzen.
Déi Gréng verbessere sech zanter 1999 konstant, kënnen 2,1 % bäileeën a kommen op 14,2 %. Dat ass hiert stäerkst Resultat an engem Bezierk.
D'ADR verléiert 2,8 % a kënnt nach op 9,5 %. Si fält domat hanner déi Gréng.
Déi Lénk kommen op 2,3 % (+1 %) an d'KPL kënnt op 1 %.
D'CSV kënnt lo op 4 Sëtz (+1), d'LSAP, d'DP an déi Gréng op 1. Fir d'ADR geet et net méi fir e Sëtz duer.
Norden
ännerenD'CSV gëtt weider am Norde gestäerkt, gewënnt 2,3 % a kënnt op 39,6 %. Si gewënnt an alle Gemengen ausser Wolz, wou se nach 2004 déi meescht Stëmmen hat.
D'DP verléiert 2 % kënnt lo op 18,2 %. Anescht wéi 2004, wou d'DP sech an 2 Gemengen duerchgesat huet, gewënnt se 2009 a kenger Gemeng.
D'LSAP kann 1,6 % bäileeën a kënnt op 17,4 %. Si kritt, wéi 1999, erëm zu Wolz déi meescht Stëmmen.
Déi Gréng bleiwe konstant a kommen op 10,8 % (-0,1 %).
D'ADR verléiert konstant zanter 1999 a fält mat 10,3 % (-4,4 %) hanner déi Gréng. Am Norden huet d'ADR hiert stäerkst Resultat.
Déi Lénk kommen op 2 % (+0,7 %) an d'KPL kritt 1 %. D'Biergerlëscht kënnt op 0,8 %.
Bei de Sëtz bleift alles beim Alen. D'CSV huet der 4, d'DP der 2 an d'LSAP, déi Gréng an d'ADR 1.
Zentrum
ännerenOch am Zentrum gewënnt d'CSV zanter 1999 staark a kënnt lo op 38,6 % (+3,1 %). Si ka sech an alle Gemengen duerchsetzen.
D'DP verléiert erëm am Zentrum a kënnt op 19,4 % (-1,9 %). 1999 hat se nach iwwer 30 % a war déi stäerkste Partei. Deemools hat se sech an 8 Gemengen duerchgesat (dorënner an der Stad), zanter 2004 ass hinnen dat net méi gelongen. D'DP huet am Zentrum awer nach ëmmer hiert bescht Resultat.
D'LSAP verléiert 1 % a kënnt op 17,8 %. Domat ass d'LSAP zimmlech konstant zanter 1999. Nodeem d'LSAP sech 1999 a 4 Gemenge behaapte konnt, huet si et fir d'zweet net gepackt, déi meescht Stëmmen an enger Gemeng ze kréien.
Déi Gréng verléiere liicht a kommen op 13,2 % (-0,4 %).
D'ADR verléiert 1,6 % a kënnt nach op 6,3 %.
Déi Lénk kommen op 3,5 % (+1,5 %) an d'KPL kënnt op 1,1 % (+0,2 %).
D'CSV kritt 9 Sëtz (+1), d'DP der 4 (-1), d'LSAP bleift bei 4 Sëtz, déi Gréng hunn der 3 an d'ADR 1.
Süden
ännerenAm gréisste Walbezierk huet d'CSV 35,6 % an domat exakt dat selwecht Resultat wéi 5 Joer virdrun. Si ka sech an 22 vu 25 Gemengen duerchsetzen.
D'LSAP verléiert zwar ganzer 4 % a kënnt nach op 28,2 %, de Süde bleift awer bei Wäitem hire stäerkste Bezierk. Si ka sech an 3 Gemengen, Rëmeleng, Käl an Diddeleng, behaapten. 2004 war se nach a 6 Gemenge stäerkste Partei.
Och déi Gréng hu genee dat selwecht Resultat wéi 2004 a kommen op 10,2 %.
D'DP gewënnt 0,6 % a kënnt, nodeem se 2004 ënner 10 % gerëtscht war, lo erëm op 10,1 %.
D'ADR verléiert am Süden 0,5 % an huet nach 7,9 %.
Déi Lénk gewannen 1,8 % a komme lo op 4,1 %. Am Süden hunn déi Lénk domat dat bescht Resultat.
D'KPL huet 2,2 % (+0,5 %), d'Biergerlëscht kritt 1,7 %. Domat hu béid Parteien hiert bescht Resultat am Süden.
D'CSV bleift bei 9 Sëtz, d'LSAP verléiert een an huet der nach 7, d'DP, déi Gréng, an d'ADR hunn alleguer 2 Sëtz an déi Lénk gewanne fir d'éischt zanter 1999 erëm e Sëtz am Süden.
Gewielten Deputéiert
ännerenCSV
änneren- (Jean-Claude Juncker)*
- (Luc Frieden)*
- (François Biltgen)*
- (Jean-Marie Halsdorf)*
- (Claude Wiseler)*
- Michel Wolter
- Nancy Arendt
- Félix Eischen
- Marc Spautz (bis Abrëll 2013, gouf du Minister)
- Jean-Louis Schiltz (bis Mäerz 2011)
- Gilles Roth
- Christine Doerner
- Laurent Mosar
- Lucien Thiel (bis de 25. August 2011; †)
- Martine Stein-Mergen
- (Marie-Josée Jacobs)*
- Paul-Henri Meyers
- Marcel Oberweis
- (Marco Schank)*
- Mill Majerus (bis den 1. Abrëll 2011; †)
- Ali Kaes
- Lucien Weiler
- (Octavie Modert)*
- (Françoise Hetto-Gaasch)*
- Fernand Boden
- Marie-Josée Frank
Nogereéckelt:
- Jean-Paul Schaaf
- Emile Eicher
- Raymond Weydert
- Marc Lies
- Lucien Clement
- Léon Gloden
- Sylvie Andrich-Duval
- Norbert Haupert
- Robert Weber
- Diane Adehm (am Mäerz 2011 amplaz vum Jean-Louis Schiltz)
- Tessy Scholtes (den 3. Mee 2011 amplaz vum verstuerwene Mill Majeurs)
- Serge Wilmes (den 11. Oktober 2011 amplaz vum verstuerwene Lucien Thiel)
- Pierre Mellina (de 14. Mee 2013 amplaz vum Marc Spautz, dee Minister gouf)
LSAP
änneren- (Jean Asselborn)*
- (Mars Di Bartolomeo)*
- Alex Bodry
- Lydia Mutsch
- (Jeannot Krecké)*
- Lucien Lux
- (Lydie Err - bis den 1.2.2012)
- Claudia Dall'Agnol
- (Mady Delvaux-Stehres)*
- Ben Fayot
- (Romain Schneider)*
- Jean-Pierre Klein
- (Nicolas Schmit)*
Nogeréckelt:
- Marc Angel
- Vera Spautz - bis de 14.11.2012
- Fernand Diederich
- Roger Negri
- Ben Scheuer
- Claude Haagen
- Georges Engel (zanter dem 1. Februar 2012)
- Roland Schreiner (zanter dem 22. November 2012)
DP
änneren- Claude Meisch
- Xavier Bettel
- Anne Brasseur
- Lydie Polfer
- (Paul Helminger - bis den 9. Oktober 2012)
- Fernand Etgen
- Eugène Berger
- André Bauler
- Carlo Wagner
Nogeréckelt
- Alexandre Krieps (vum 9. Oktober 2012 un)
Déi Gréng
änneren- Félix Braz
- François Bausch
- Jean Huss (bis de 6. Juli 2011)
- Viviane Loschetter
- Camille Gira
- Claude Adam
- Henri Kox
Nogeréckelt
- Josée Lorsché (de 6. Juli 2011 amplaz vum Jean Huss)
ADR
änneren- Gast Gibéryen
- (Tania Gibéryen) **
- Jacques-Yves Henckes (bis Enn 2012, duerno ouni Partei)
- Jean Colombera (bis Enn 2012, duerno ouni Partei)
Nogeréckelt:
Déi Lénk
änneren- André Hoffmann (bis 15. Nov. 2011)
Nogeréckelt
Explikatiounen:
- *): Verzicht op d'Deputéiertemandat, fir Minister ze ginn.
- **): Verzicht op d'Deputéiertemandat, well onkompatibel mam Walgesetz (Duechter vum Gast Gibéryen).
Literatur
änneren- Steve Bissen, "Erdrutschsieg für CSV." wort.lu, 6. September 2018: och am Luxemburger Wort, 6. September 2018, S.2.
Um Spaweck
änneren- Offiziell detailléiert Resultater
- Etüd vun der Uni Lëtzebuerg iwwer d'Chamber- an Europawale vun 2009 (Gestéckelt).
- Les élections législatives et européennes de 2009 au Grand-Duché de Luxembourg (Den nämmlechte Rapport, mä um Stéck).