Emile Eicher
Den Emile Eicher [sic], gebuer den 30. Juni 1955 zu Klierf, ass e lëtzebuergesche Politiker (CSV).
| Emile Eicher | |
|---|---|
 | |
| Gebuer |
30. Juni 1955 Klierf |
| Nationalitéit | Lëtzebuerg |
| Aktivitéit | Politiker |
| Partei | CSV |
 | |
Hie war vun 1994 bis 2011 am Gemengerot vun der Gemeng Munzen an och Buergermeeschter, an huet d'Intresse vun der Gemeng Munzen an de Gemengesyndikater SICLER (President), SIVOUR (President), Parc naturel de l'Our (President) a SYVICOL (Vizepresident) vertrueden. Hie presidéiert zanter 1994 d'Leader-Aktiounsgrupp Cliärref-Veianen, e Verband vu Gemengen a Veräiner fir d'Entwécklung vum ländleche Raum.
Am Juli 2009 ass hien als CSV-Deputéierten an d'Chamber nogeréckelt, nodeem de Marco Schank an d'Regierung Juncker-Asselborn II genannt gouf. Bei de Chamberwale vum 20. Oktober 2013 an deene vum 14. Oktober 2018 gouf hien duer erëmgewielt.[1]
No de Gemengewale vum 9. Oktober 2011 gouf den Emile Eicher Buergermeeschter vun der fusionéierter Gemeng Klierf. Zanter dem 7. Mee 2012 ass hie President vum Syvicol (Syndicat des villes et communes luxembourgeoises)[2].
Den Emile Eicher huet als Staatsbeamten an der Stad Lëtzebuerg geschafft bis hien an d'Chamber nogeréckelt ass. Hien ass bestuet, Papp vun 3 Kanner a wunnt zu Maarnech.
GielercherÄnneren
- Officier vum Ordre de Mérite du Grand-Duché de Luxembourg (Promotioun 2014)[3].
Um SpaweckÄnneren
| Commons: Emile Eicher – Biller, Videoen oder Audiodateien |
Referenzen an NottenÄnneren
- ↑ elections.lu.
- ↑ Emile Eicher ist offiziell neuer Syvicol-Präsident. Luxemburger Wort vum 9. Mee 2012, S. 14.
- ↑ « Compte-rendu des séances publiques n°7 - Séance extraordinaire 2013-2014 », op https://www.chd.lu/