Haaptmenü opmaachen

Marcel Oberweis

lëtzebuergesche Politiker an Ingenieur

De Marcel Oberweis, gebuer den 9. Abrëll 1949 zu Diddeleng, ass e lëtzebuergeschen Ingenieur an CSV-Politiker.[1]

Marcel Oberweis
Marcel Oberweis Portrait.jpg
Gebuer 9. Abrëll 1949
Diddeleng
Nationalitéit Lëtzebuerg
Aktivitéit Politiker, Ingenieur
Partei CSV
Wikidata-logo-without-paddings.svg

Hien ass 1968 an d'CSV agetrueden,[2] wou hie sech an den éischte Joren haaptsächlech bei der Parteijugend engagéiert huet. Hei huet sech zemols fir eng besser Politik am Domän vun de Mënschenrechter agesat, virun allem an deene Länner, déi deemools massiv ënnert der Kolonialzäit ze leiden haten. Dësst Thema sollt hien a sengem spéideren Liewen weider begleeden.[3]

De Marcel Oberweis hält den akademeschen Titel "Prof. Dr.- Ing". Hien huet vun 1979 bis 2004 Ëmweltwëssenschaften an Energiewirtschaft um Institut supérieur de technologie a spéider op der Universitéit vu Lëtzebuerg ënnerriicht. Hie publizéiert reegelméisseg am Luxemburger Wort Artikelen iwwert déi komplex Zesummenhäng vun der Globaliséierung. Zenter 2003 bedeelegt hie sech un humanitären Aktiounen a Bosnien-Herzegowina, um Balkan an am Burkina Faso mat der Associatioun Chrëschte mam Sahel.[4]

Hien ass zanter dem 3. August 2004 Deputéierten aus dem Walbezierk Zentrum an der Chamber, wuer hien 2009 an 2013 erëmgewielt gouf. Op internationalem Plang ass hie Member vum Benelux-Parlament, wou hien de Vizepresident vun der Lëtzebuerger Delegatioun ass. Aktuell ass hie Vizepresident vun der parlamentarescher Kulturkommissioun, an där hien och schonn an der viregter Legislaturperiod (2009-2013) aktiv war.[5] Fir d'Chamberwalen 2018 huet hien net méi kandidéiert.[6]

Hien ass zanter dem 1. Januar 1994 Conseiller an der Gemeng Steesel. No de Walen 2011, wéi d'CSV eng Koalitioun mat der LSAP gemaach huet, gouf hien zum 1. Schäffe vun der Gemeng ernannt. Den 31. Dezember 2016 ass hien vun dësem Posten zréckgetrueden, an duerch de Jean Rossy ersat ginn.[7]

De Marcel Oberweis ass bestuet a Papp vun 2 erwuessenen Duechteren.

GielchenÄnneren

ReferenzenÄnneren