Membere vun de Vereenten Natiounen

An de Vereenten Natioune si momentan (Januar 2024) 193 Länner vertrueden.

D'UNO hat 1945 51 Grënnungsmemberen (an der Lëscht fett markéiert), zwee vun hinnen, Jugoslawien an d'Tschechoslowakei, gëtt et haut net méi. Am Ënnerscheed zu der haut och net méi existenter Sowjetunioun (Sëtz vu Russland iwwerholl) gouf et bei dësen zwee kee Staat deen als offizielle Successeur hätt asprange kënnen.

Aktuell Memberlänner (alphabetesch)

Afghanistan: 19. November 1946
Albanien: 14. Dezember 1955
Algerien: 8. Oktober 1962
Andorra: 28. Juli 1993
Angola: 1. Dezember 1976
Antigua a Barbuda: 11. November 1990
Argentinien: 24. Oktober 1945
Armenien: 2. Mäerz 1992
Aserbaidjan: 2. Mäerz 1992
Australien: 1. November 1945
Bahamas: 18. September 1973
Bahrein: 21. September 1971
Bangladesch: 17. September 1974
Barbados: 9. Dezember 1966
Belsch: 27. Dezember 1945
Belize: 25. September 1981
Benin: 20. September 1960
Bhutan: 21. September 1971
Bolivien: 14. November 1945
Bosnien an Herzegowina: 22. Mee 1992
Botswana: 17. Oktober 1966
Brasilien: 24. Oktober 1945
Brunei: 21. September 1984
Bulgarien: 14. Dezember 1955
Burkina Faso: 20. September 1960
Burundi: 18. September 1962
Chile: 24. Oktober 1945
China: 24. Oktober 1945 (zanter Oktober 1971 d'Volleksrepublik China amplaz vum Grënnungsmember Republik China, Taiwan)
Costa Rica: 2. November 1945
Dänemark: 24. Oktober 1945
Däitschland: 18. September 1973 (BRD an DDR; nom 3. Oktober 1990 nëmme just nach d'Bundesrepublik Däitschland)
Commonwealth vun Dominique: 18. Dezember 1978
Dominikanesch Republik: 24. Oktober 1945
Dschibuti: 20. September 1977
Ecuador: 21. Dezember 1945
Egypten: 24. Oktober 1945
Éisträich: 14. Dezember 1955
El Salvador: 24. Oktober 1945
Côte d'Ivoire: 20. September 1960
Equatorialguinea: 12. November 1968
Eritrea: 28. Mee 1993
Estland: 17. September 1991
Eswatini: 24. September 1968
Ethiopien: 13. November 1945
Fidschi: 13. Oktober 1970
Finnland: 14. Dezember 1955
Frankräich: 24. Oktober 1945
Gabun: 20. September 1960
Gambia: 21. September 1965
Georgien: 31. Juli 1992
Ghana: 8. Mäerz 1957
Grenada: 17. September 1974
Griicheland: 25. Oktober 1945
Groussbritannien an Nordirland: 24. Oktober 1945
Guatemala: 21. November 1945
Guinea: 12. Dezember 1958
Guinea-Bissau: 17. September 1974
Guyana: 20. September 1966
Haiti: 24. Oktober 1945
Holland: 10. Dezember 1945
Honduras: 17. Dezember 1945
Indien: 30. Oktober 1945
Indonesien: 28. September 1950 (tëscht 1965 a 1966 net Member fir géint de Bäitrett vu Malaysien ze protestéieren)
Irak: 21. Dezember 1945
Iran: 24. Oktober 1945
Irland: 14. Dezember 1955
Island: 19. November 1946
Israel: 11. Mee 1949
Italien: 14. Dezember 1955
Jamaika: 18. September 1962
Japan: 18. Dezember 1956
Jordanien: 14. Dezember 1955
Kambodja: 14. Dezember 1955
Kamerun: 20. September 1960
Kanada: 9. November 1945
Kap Verde: 16. September 1975
Kasachstan: 2. Mäerz 1992
Katar: 21. September 1971
Kenia: 16. Dezember 1963
Kirgisistan: 2. Mäerz 1992
Kiribati: 14. September 1999
Kolumbien: 5. November 1945
Komoren: 12. November 1975
Demokratesch Republik Kongo: 20. September 1960 (bis de 17. Mee 1997 ënner der Bezeechnung Zaire)
Republik Kongo: 20. September 1960
Kroatien: 22. Mee 1992
Kuba: 24. Oktober 1945
Kuwait: 14. Mee 1963
Laos: 14. Dezember 1955
Lesotho: 17. Oktober 1966
Lettland: 17. September 1991
Lëtzebuerg: 24. Oktober 1945
Libanon: 24. Oktober 1945
Liberia: 2. November 1945
Libyen: 14. Dezember 1955
Liechtenstein: 18. September 1990
Litauen: 17. September 1991
Madagaskar: 20. September 1960
Malawi: 1. Dezember 1964
Malaysia: 17. September 1957 (bis de 17. September 1957 ënner der Bezeechnung Federatioun vu Malaysien)
Maldiven: 21. September 1965
Mali: 28. September 1960
Malta: 1. Dezember 1964
Marokko: 12. November 1956
Marshallinselen: 17. September 1991
Mauretanien: 27. Oktober 1961
Mauritius: 24. Abrëll 1968
Mexiko: 7. November 1945
Federéiert Staate vu Mikronesien: 17. September 1991
Moldawien: 2. Mäerz 1992
Monaco: 28. Mee 1993
Mongolei: 27. Oktober 1961
Montenegro: 28. Juni 2006
Mosambik: 16. September 1975
Myanmar: 19. Abrëll 1948 (ënner der Bezeechnung Burma bäigetrueden)
Namibia: 23. Abrëll 1990
Nauru: 14. September 1999
Nepal: 14. Dezember 1955
Neiséiland: 24. Oktober 1945
Nicaragua: 24. Oktober 1945
Niger: 20. September 1960
Nigeria: 7. Oktober 1960
Nordkorea: 17. September 1991
Nordmazedonien: 8. Abrëll 1993
Norwegen: 27. November 1945
Oman: 7. Oktober 1971
Osttimor: 27. September 2002
Pakistan: 30. September 1947
Palau: 15. Dezember 1994
Panama: 13. November 1945
Papua-Neiguinea: 10. Oktober 1975
Paraguay: 24. Oktober 1945
Peru: 31. Oktober 1945
Philippinnen: 24. Oktober 1945
Polen: 24. Oktober 1945
Portugal: 14. Dezember 1955
Ruanda: 18. September 1962
Rumänien: 14. Dezember 1955
Russland: 24. Oktober 1945 (Russland huet de 14. Dezember 1991 de Sëtz vun der Sowjetunioun iwwerholl)
Salomon-Inselen: 19. September 1978
Sambia: 1. Dezember 1964
Samoa: 15. Dezember 1976
San Marino: 2. Mäerz 1992
São Tomé a Príncipe: 16. September 1975
Saudi-Arabien: 24. Oktober 1945
Schweden: 19. November 1946
Schwäiz: 10. September 2002
Senegal: 28. September 1960
Serbien: 1. November 2000 (Serbien huet den 3. Juni 2006 de Sëtz vu Serbien a Montenegro iwwerholl)
Seychellen: 21. September 1976
Sierra Leone: 27. September 1961
Singapur: 21. September 1965
Simbabwe: 25. August 1980
Slowakei: 19. Januar 1993
Slowenien: 22. Mee 1992
Somalia: 20. September 1960
Spuenien: 14. Dezember 1955
Sri Lanka: 14. Dezember 1955
Saint Kitts an Nevis: 23. September 1983
Santa Lucia: 18. September 1979
Saint Vincent an d'Grenadinnen: 16. September 1980
Südafrika: 7. November 1945
Sudan: 12. November 1956
Südsudan: 14. Juli 2011
Südkorea: 17. September 1991
Surinam: 4. Dezember 1975
Syrien: 24. Oktober 1945
Tadjikistan: 2. Mäerz 1992
Tansania: 14. Dezember 1961 (als Tanganyika bäigetrueden)
Thailand: 16. Dezember 1946
Togo: 20. September 1960
Tonga: 14. September 1999
Trinidad an Tobago: 18. September 1962
Tschad: 20. September 1960
Tschechien: 19. Januar 1993
Tunesien: 12. November 1956
Tierkei: 24. Oktober 1945
Turkmenistan: 2. Mäerz 1992
Tuvalu: 5. September 2000
Uganda: 25. Oktober 1962
Ukrain: 24. Oktober 1945 (bis 1991 ënner der Bezeechnung Sozialistesch Sowjetrepublik Ukrain)
Ungarn: 14. Dezember 1955
Uruguay: 18. Dezember 1945
Usbekistan: 2. Mäerz 1992
Vanuatu: 15. September 1981
Venezuela: 15. November 1945
Vereenegt Arabesch Emirater: 9. Dezember 1971
Vereenegt Staate vun Amerika: 24. Oktober 1945
Vietnam: 20. September 1977
Wäissrussland: 24. Oktober 1945 (bis 1991 ënner der Bezeechnung Sozialistesch Sowjetrepublik Wäissrussland)
Jemen: 30. September 1947
Zentralafrikanesch Republik: 20. September 1960
Zypern: 20. September 1960

Historesch Memberen

Republik China

D'Republik China war 1945 ee vun deene fënnef Staaten, déi bei de Verhandlungen iwwer d'Charta vun de Vereenten Natioune mat dobäi waren an d'UNO gegrënnt hunn. D'Land war net nëmme Grënnungsmember, mä hat och e Sëtz am Sécherheetsrot. 1949, nom chineesesche Biergerkrich, huet d'republikanesch Regierung missen op Taiwan flüchten an déi nei gegrënnt kommunistesch Volleksrepublik China huet um chineesesche Festland d'Rudder an d'Hand geholl.

D'Republik China konnt bis Oktober 1971 hire Sëtz an de Vereenten Natioune behaapten, huet dunn awer op Drock vun der UNO-Generalversammlung de Stull misse fir d'Volleksrepublik fräimaachen.

Taiwan huet spéiderhin nach e puermol probéiert der UNO nees bäizetrieden, ma ouni Succès. Obwuel d'Land net méi den Usproch huet ganz China ze representéieren, gëtt Taiwan bis haut net vun de Vereenten Natiounen als souveräne Staat, mä villméi als Deel vun der Volleksrepublik China ugesinn.

Sowjetunioun

D'Sowjetunioun war vum 24. Oktober 1945 bis den 23. Dezember 1991 Member vun de Vereenten Natiounen. Hellegowend 1991 huet du Russland de sowjetesche Sëtz am Sécherheetsrot iwwerholl. Wärend Wäissrussland an d'Ukrain vun Ufank un eegestänneg Membere waren, ass de Rescht vun den ex-sowjetesche Republike vun 1991 un no an no bäigetrueden.

DDR

Déi Däitsch Demokratesch Republik (DDR) ass den 18. September 1973 gläichzäiteg mat der Bundesrepublik Däitschland (BRD) bäigetrueden. No der däitscher Reunificatioun (Wiedervereinigung) ass d'Bundesrepublik, zanter dem 3. Oktober 1990, den eenzegen däitschen UNO-Representant.

Jugoslawien

Jugoslawien war vum 24. Oktober 1945 bis den 10. November 2000 UNO-Member. No hirer Opléisung huet déi nei Federativ Republik Jugoslawien sech dru ginn den ale jugoslawesche Sëtz einfach z'iwwerhuelen, wat awer op Säite vun der UNO refuséiert gouf. Den Numm gouf spéiderhin op Serbien a Montenegro geännert. Bosnien an Herzegowina, Slowenien a Kroatien waren du schonn zanter 8 Joer (1992 bäigetrueden) bei de Vereenten Natiounen. Nordmazedonien, deemools Mazedonien, ass 1993 bäikomm, allerdéngs - no Kloe vu griichescher Säit - ënner dem Numm Fréier Jugoslawesch Republik Mazedonien (Former Yugoslav Republic of Macedonia). No der Onofhängegkeetserklärung vu Montenegro, den 3. Juni 2006 huet Serbien de Sëtz vum fréiere Staat Serbien a Montenegro iwwerholl. Montenegro ass zanter dem 28. Juni 2006 Member.

Tschechoslowakei

Nodeem datt d'Tschechoslowakei, Sylvester 1992, opgehalen huet z'existéieren an et och keen offizielle Successeur gouf, hunn déi zwou nei gegrënnte Republiken Tschechien a Slowakei op en Neits misse bäitrieden.

Sansibar an Tanganyika

Tanganyika ass der UNO de 4. Dezember 1963 bäigetrueden, Sansibar 14 Deeg méi spéit, de 16. Dezember 1963. E puer Méint drop, de 26. Abrëll 1964 goufe s'allebéid vum nei forméierten Tansania ofgeléist.

Nord- a Südjemen

Den Nordjemen (Yemesch Arabesch Republik) ass de Vereenten Natiounen den 30. September 1947 an de Südjemen (Demokratesch Volleksrepublik Jemen) de 14. Dezember 1967 bäigetrueden. Den 2. Juni 1990 sinn déi zwee Staate fusionéiert a si zanter dem 22. Mee 1992 nëmme méi als Jemen bei der UNO representéiert.

Observateuren an Net-Memberen

De Vatikanstad ass den eenzege souveräne Staat weltwäit deen net Member ass. Den Hellege Stull huet dogéint eng permanent diplomatesch Vertriedung bei de Vereenten Natiounen.

D'Exilregierung vun der West-Sahara (Demokratesch Arabesch Republik Sahara) gëtt zwar vun enger 70 Staaten unerkannt an ass och Member an der Afrikanescher Unioun, gouf awer bis haut net als souveräne Staat vun der UNO akzeptéiert.

D'Tierkesch Republik Nordzypern gëtt - op d'mannst um Pabeier - vun der Republik Zypern matvertrueden.

D'Cookinselen si méi e spezielle Fall. Deen u sech onofhängege Staat ass nämlech a fräier Associatioun mat Neiséiland a gëtt doduerch och duerch dëse bei der UNO mat representéiert.

D'Palestinensesch Autoritéit (Palestina) ass zwar kee Member, krut awer de Beobachterstatus accordéiert. Observateure sinn och eng ganz Rëtsch vu Netstaatlechen Organisatiounen (z. B. den Internationale Kommitee vum Roude Kräiz) an aneren internationalen Organisatiounen (z. B. d'Europäesch Unioun).

Um Spaweck

Liste des États Membres de l´ONU