Eisebunnsstreck Lëtzebuerg-Ëlwen Grenz

Eisebunnsstreck Lëtzebuerg-Ëlwen Grenz
	En InterRegio m tëscht Ëlwen a Klierf
	Kaart vun der Linn 1
Linnennummer	1
Besëtzer	Lëtzebuerg
Bedreiwer	CFL
vu(n)	Gare Lëtzebuerg
op	Ëlwen Grenz
iwwer	Gare Pafendall-Kierchbierg, Gare Dummeldeng, Gare Walfer, Gare Heeschdref, Gare Luerenzweiler, Gare Lëntgen, Gare Miersch, Gare Kruuchten, Gare Colmer-Bierg, Gare Schieren, Gare Ettelbréck, Gare Méchela, Gare Giewelsmillen, Gare Kautebaach, Gare Wëlwerwolz, Gare Draufelt, Gare Klierf, Gare Ëlwen
Technesch Donnéeën
Längt	76,8 km
Gréisst Steigung	17 ‰
Klengste Radius	220 m
Spuerbreet	Normalspuer
Streckentyp	duebelgleiseg
Fuerrichtung	riets
Vitesslimitatioun	90 km/h, 120 km/h
Stroumsystem	25kV Wiesselstroum
Zuchsécherungssystem	European Train Control System

D'Eisebunnsstreck Lëtzebuerg-Ëlwen Grenz ass eng Eisebunnsstreck zu Lëtzebuerg. Se féiert vu Lëtzebuerg op Ëlwen, a vun do weider op d'belsch Grenz wou se Uschloss un dat belscht Eisebunnsnetz huet, iwwer d'Infrabel-Linn 42 Gouvy - Rivage.

Streck
Garen - Uschlëss - Brécken Tunnellen - Barriären		PK
	Uschloss: Péiteng Uschloss: Beetebuerg
	Gare Lëtzebuerg	16,650
	Tunnel Gare Lëtzebuerg (413 m)	16,954 - 17,367
	Biisserbréck
	Clausener Viaduc
	Pafendaller Viaduc
	Viaduc Dräi Eechelen
	Gare Kierchbierg-Pafendall
	Gare Dummeldeng	20,830
	Uschloss Arbed Dummeldeng/Eech
	Gare Walfer	24,004
	Gare Heeschdref	25,530
	Gare Luerenzweiler	28,161
		29,111
	A 7 Tunnel Nordstrooss (172 m)
		29,283
	Gare Lëntgen	31,123
	Gare Miersch	34,735
	Uelzecht
	Gare Kruuchten	40,845
	Kruuchtener Tunnel (251 m)	40,645 - 40,896
	Uelzecht
	Gare Colmer-Bierg	43,232
	Gare Schieren	44,950
	Uelzecht	46,930
	Uschloss Atertlinn
	Gare Ettelbréck	47,184
	Ofzweigung Antenn Dikrech
	Bierdener Tunnel (594 m)	51,395 - 51,989
	Tunnel vu Méchela (287 m)	52,152 - 52,439
	Gare Méchela	53,255
	Buerschter Tunnel (423 m)	54,350 - 54,773
	Tunnel Féischterhaff (447 m)	56,549 - 56,996
	Gare Giewelsmillen	57,746
	Tunnel Schankewier (64 m)	59,872 - 59,936
	Tunnel Schwaarzepull (81 m)	60,125 - 60,206
	Tunnel Hockslee (143 m)	61,523 - 61,666
	Gare Kautebaach	62,021
	Ofzweigung Wolz
	Kierchbierger Tunnel (77 m)	62,260 - 62,337
	Kautebaacher Tunnel (185 m)	62,810 - 62,995
	Bierdener Tunnel (67 m)	63,141 - 63,208
	Schibbreger Tunnel (236 m)	64,190 - 64,426
	Lellgener Tunnel (179 m)	65,745 - 65,924
	Gare Wëlwerwolz	67,277
	Gare Draufelt	70,960
	Mecher Tunnel (180 m)	74,050 - 74,230
	Mecherbuscher Tunnel (84 m)	74,908 - 74,992
	Schneidermuhler Tunnel (101 m)	75,862 - 75,963
	Klierfer Tunnel (250 m)	76,503 - 76,753
	Gare Klierf	77,174
	Gare Maulesmillen (Zougemaach Dez. 2014)	80,983
	Pafemillener Tunnel (190 m)	83,128 - 83,318
	Gare Ëlwen	85,562
	Ëlwener Tunnel (166 m)	85,926 - 86,092
	belsch Grenz	93,431
	Uschloss Gouvy

D'Trass fir d'Eisebunnsstreck Lëtzebuerg-Ëlwen Grenz gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.

D'Eisebunnsstreck Lëtzebuerg-Ëlwen Grenz gëtt vun der Eisebunnsverwaltung als Linn 1 bezeechent; bis Enn 2024 war s'am kommerzielle Passagéierverkéier vun der CFL als Linn 10 bekannt. Iwwer d'Streck fuere follgend d'CFL-Linnen^{(Stand: Januar 2025)}:

Lëtzebuerg - Ettelbréck - Ëlwen - Gäilech (Gouvy)
Rodange - Esch-Uelzecht - Lëtzebuerg - Ëlwen.

Geschichtleches

Duerch e Kontrakt vum 9. November 1855 huet de Lëtzebuerger Staat dem Banquier Adolphe Favier vun Nanzeg, an dem Stephane Jouve, engem Ingenieur och vun Nanzeg, d'Konzessioun fir de Bau vun enger Eisebunnslinn tëscht der Stad a Wäiswampech, via Dikrech an Ëlwen, ausgestallt. Fir ze héich Käschten z'evitéieren hat den éischte Plang vum Favier virgesinn d'Streck an der Ëmgéigend vu Stroossen vun der Linn Lëtzebuerg-Klengbetten ofzweigen ze loossen a se dann iwwer Koplescht a Schëndels op Miersch ze féieren. Virun allem déi déif Däller am Norden an Oste vun der Stad hunn dem Adolphe Favier a senger Wëllem-Lëtzebuerg Gesellschaft Suerge gemaach.

Dee Plang ass bei der deemoleger Regierung net gutt ukomm, well een d'Dummeldenger Schmelz onbedéngt iwwer d'Schinn ubanne wollt.

Well deemools d'Festung Lëtzebuerg nach vun de Preise besat war, hu sech d'Regierung an den Adolphe Favier am November 1856 an enger Konventioun drop g'eenegt, den Tracé iwwer véier grouss Viaduce laanscht d'Festung ze féieren. Op déi Aart a Weis waren d'Schinnen tëscht der zukünfteger Stater Gare an der deemoleger Gemeng Eech, am Radius vun de preisesche Kanounen an et huet nëmme missen am Pafendall een Duerchbroch gemaach ginn.

Well den Dall vun der Uelzecht tëscht Dummeldeng a Miersch breet genuch ass, konnt d'Streck ouni gréisser Aarbechten op der rietser Säit vum Dall lafen. Hanner Miersch gëtt den Dall méi enk, an et hu missen eng Rei Brécke gebaut ginn, fir iwwer d'Uelzecht ze kommen. Bei Kruuchten leeft d'Uelzecht duerch eng grouss Kéier, déi duerch en Tunnel evitéiert gouf.

Fir op d'Héichte vum Éislek ze komme war eng Pente vun 0,3 % virgesinn, an de Bau vun der Streck sollt sechs Joer daueren.

D'Streck bis Ettelbréck gouf den 21. Juli 1862 offiziell mat engem Spezialzuch ageweit. A Wierklechkeet waren d'Aarbechten nach net ofgeschloss an et konnt een eréischt bis Schieren fueren. Ganz fäerdeg war d'Streck de 16. November 1862, zäitgläich mat der Streck op Dikrech a gouf a Presenz vum Henri vun Oranien-Nassau ageweit. Et goufen 3 Koppelen Zich den Dag, déi 1 Stonn an 20 Minutte gebraucht hu fir d'Streck Lëtzebuerg-Ettelbréck an 8 Minutte fir weider op Dikrech.

Mat der Streck a Richtung Léck gouf am September 1862 ugefaangen. Bis de 15. Dezember 1866 gouf d'Streck bis op Ëlwen gebaut^[1].

Uschlëss op der Streck:

Ettelbréck: Atertlinn
Y Ettelbréck: Antenn Dikrech
Y Kautebaach: Kautebaach-Wolz
Fréier Y Ëlwen: Ëlwen-Wilwerdang-belsch Grenz

Biller

De Viaduc Dräi Eechelen iwwer d'Rue des Trois Glands am Pafendall
Eisebunnsbréck iwwer d'Sauer an d'Nationalstrooss 27) südlech vum Wilspull a vu Méchela.
D'Gare vu Méchela.jpg
D'Gare vun Ëlwen op engem Bild vum Jean-Marie Biwer