Gare Ettelbréck

Qsicon Achtung.svg 00De Contenu vun dësem Kapitel oder dësem Artikel ass net méi aktuell. Hëlleft wgl. mat, en nees op de leschte Stand ze bréngen.
Gare Ettelbréck
Gare Ettelbruck 01.jpg
Streck 1, 1a, 2b
PK 47,184 (Linn 1)
0,00 (Linn 1a)
52,153 (Linn 2b)
Quaien 3
Gleiser 3 (+7 Ofstellgl.)
Uertschaft Ettelbréck
Gemeng Ettelbréck
Kanton Dikrech
Koordinaten 49° 50’ 50’’ N
      6° 06’ 24’’ O
Websäit CFL.lu

D'Gare vun Ettelbréck ass eng Gare op der CFL-Streck 1, der sougenannter Nordstreck, tëscht der Gare Schieren an der Gare Méchela, respektiv der Gare Dikrech, vun der Lëtzebuerger Eisebunn.

D'Nordstreck féiert vu Lëtzebuerg bis op Ëlwen an da weider an d'Belsch, wou se vu Gouvy un, Kontakt mat der belscher Linn 42 (Rivage-Gouvy) huet. Eng Antenn geet vun Ettelbréck op Dikrech an eng weider Antenn zweigt zu Kautebaach of a féiert bis op Wolz.

Vun der Gare Ettelbréck fuere Gidderzich op Colmer-Bierg an op Biissen iwwer d'Linn 2b, deen Deel vun der Atert-Linn, deen iwwreg bliwwen ass.

D'Gare Ettelbréck huet 3 gratis Park & Rail-Parkinge mat 217 Parkplazen a speziell Parkplaze fir Leit mat reduzéierter Mobilitéit. Vun 2024 un, (Stand: Nov. 2020) soll en neie Park-and-Ride-Parking zousätzlech Plaze bidden.[1]

Op de Quai 2 (Gleiser 1 an 3) féiert nëmmen eng Ënnerféierung mat Trapen, op déi Manéier ass d'Gare net fir Leit mat Rullstill ageriicht.

Bis den 23. September 1967 wéi d'Atertlinn zougemaach gouf war d'Gare vun Ettelbréck Terminus vun där Streck, a blouf dat dunn och fir de Rescht vun der Streck deen ënner der haiteger Bezeechnung Linn 2b nach just bis an d'Neelfabréck vu Bissen féiert.

Eng nei Gare fir EttelbréckÄnneren

Den 9. Dezember 2014 huet d'Chamber mat 57 Jo- an 3 Nee-Stëmmen e Gesetz gestëmmt, dat et erlaabt, en neit Gare-Gebai, mat dobäi enger neier Busgare, nei Quaien, engem Park&Ride mat 430 Plazen, an enger neier Stroossenënnerféierung ze bauen. D'Aarbechte sollen 2015/2016 ufänken a 5 Joer daueren. De Käschtepunkt läit bei 156,5 Milliounen Euro.[2]

Kontrovers ass, datt dat aalt Garegebai, dat 150 Joer al ass, ofgerappt soll ginn. Eng Asbl, Ettelbréck 21, setzt sech fir d'Erhale vum Gebai an.[2]

Am November 2020 waren d'Bauaarbechte fir en 3. Quai fäerdeg.[1] Fir dat ze maache goufen e puer Gleiser ewechgerappt an anerer frësch verluecht.


Zich déi an der Gare halenÄnneren

Aus Richtung Halt virdrun Zuch Nächst Halt A Richtung
Lëtzebuerg Schieren   RB
CFL-Linn 10 
  Dikrech Dikrech
Lëtzebuerg Miersch   RE
CFL-Linn 10 
  Méchela Ëlwen
oder Gouvy
Lëtzebuerg Miersch   IC
CFL-Linn 10 
  Méchela Ëlwen / Liers

Kuckt ochÄnneren

Um SpaweckÄnneren

Commons: Gare Ettelbréck – Biller, Videoen oder Audiodateien

ReferenzenÄnneren

  1. 1,0 1,1 "Drëtte Quai zu Ettelbréck ka vun elo un ugefuer ginn." rtl.lu, 09.11.2020 11:21.
  2. 2,0 2,1 "Chamber decidéiert: Ettelbréck kritt eng ganz nei Gare." rtl.lu, leschten Update: 09.12.2014, 18:07:10.


Garen op der Linn 1 / Nordstreck

Lëtzebuerg - Ëlwen: Lëtzebuerg - Pafendall-Kierchbierg - Dummeldeng - Walfer - Heeschdref - Luerenzweiler - Lëntgen - Miersch - Kruuchten - Colmer-Bierg - Schieren - Ettelbréck - Méchela - Giewelsmillen - Kautebaach - Wëlwerwolz - Draufelt - Klierf - Ëlwen
Antenn Ettelbréck - Dikrech: Ettelbréck - Dikrech
Antenn Kautebaach - Wolz: Kautebaach - Mäerkels - Paradiso - Wolz
Kuckt och: Gare · Rangéiergare · Linn 3 · Linn 5 · Linn 6 · Linn 6b · Linn 6c · Linn 7 · Linn 80