Eisebunnsstreck Lëtzebuerg-Beetebuerg Grenz

Eisebunnsstreck Lëtzebuerg-Beetebuerg Grenz
	E Persounenzuch an der Gare Bierchem
	Streckekaart vun der Linn 6
Linnennummer	6
Besëtzer	Lëtzebuerg
Bedreiwer	CFL
vu(n)	Gare Lëtzebuerg
op	Beetebuerg Grenz
iwwer	Gare Houwald, Gare Bierchem, Gare Beetebuerg
opgaangen	11 August 1859
Technesch Donnéeën
Längt	16,6 km
Gréisst Steigung	9 ‰
Klengste Radius	190 m
Spuerbreet	Normalspuer
Streckentyp	duebelgleiseg
Fuerrichtung	riets
Vitesslimitatioun	140 km/h, 120 km/h, 60 km/h
Zuchsécherungssystem	European Train Control System

Dësen Artikel beschäftegt sech mat der aktueller Zuchstreck iwwer Bierchem. Fir déi nei direkt Streck Lëtzebuerg-Beetebuerg déi am Bau ass, kuckt wgl. Eisebunnsstreck Lëtzebuerg-Beetebuerg.

D'Eisebunnsstreck Lëtzebuerg-Beetebuerg Grenz ass eng Eisebunnsstreck zu Lëtzebuerg. Se féiert vun der Gare vu Lëtzebuerg op Beetebuerg an doriwwer eraus op d'franséisch Grenz südëstlech vun Diddeleng a Richtung Zoufftgen, wou s'Uschloss un d'Eisebunnsstreck Metz - Zoufftgen huet.

Garen - Uschlëss - Brécken - Tunnellen - Barrièren		Km
	Uschloss: Waasserbëlleg Uschloss: Ettelbréck - Ëlwen
	Gare Lëtzebuerg	0,0
	N 3 (Diddenuewener Strooss)

	B 3
	Gare Houwald	2,2
	CR231
	A 1
	Feldwee Grousseweier
	Feldwee Duelem
	Vizinalstrooss Fenteng - Kockelscheier
	Uschloss Linn 4
	CR158 (Kockelscheier - Réiser)
	Béiweng
	Gare Bierchem	7,5
	Bierchem Rue de Livange
	Kréimerchen
	N 31 Léiweng
	Léiweng Rue de la Chapelle
	A 3
	Feldwee
	Uelzecht
	Beetebuerg Rue Michel Lentz
	N13
	Gare Beetebuerg	11,4
	Ofzweigung Esch-Uelzecht an Diddeleng
	A 13
	CR161
	Bréck Um Tunnel
	CR160 (Diddeleng - Zoufftgen)
	franséisch Grenz	16,6
	Uschloss Metz

D'Trass fir d'Eisebunnsstreck Lëtzebuerg-Beetebuerg Grenz gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.

LinnÄnneren

D'Eisebunnsstreck Lëtzebuerg-Beetebuerg Grenz gëtt als Linn 6 bezeechent; am kommerzielle Passagéierverkéier ass se als Linn 60 bekannt^[1].

Et ass eng 16,65 km laang zweegleiseg Eisebunnsstreck mat Normalspuer. Se gouf den 11. August 1859 a Betrib geholl an huet deemools der Gesellschaft Guillaume-Luxembourg gehéiert. Se gouf 1956 mat enger Spannung vu 25 kV - 50 Hz elektrifizéiert.

Weidere StreckeverlafÄnneren

A Frankräich gëtt se vun der Linn Metz-Zoufftgen weidergefouert a Richtung Grouss-Hetteng, Diddenuewen a Metz. Se ass vu Lëtzebuerg bis op d'franséisch Grenz en Deel vun der kommerzieller internationaler Streck Lëtzebuerg - Dijon

Zu Beetebuerg zweigen zwou weider Strecken of:

d'Eisebunnsstreck Beetebuerg-Esch-Uelzecht als Linn 6a.
d'Eisebunnsstreck Beetebuerg-Wuelmereng als Linn 6b.

Vun der Linn 6a zweigt zu Näerzeng d'Streck op Rëmeleng als Linn 6c of. Vun der 6c geet dann zu Téiteng d'Streck an de Laangegronn als Linn 6d fort.

Vun Esch-Uelzecht geet d'Eisebunnsstreck Esch-Uelzecht-Péiteng als Linn 6f weider. Ausserdeem féiert vun Esch och déi kuerz Streck Esch-Uelzecht - Däitsch-Oth als Linn 6e virun.

Schlussendlech féiere vu Péiteng dräi Strecken iwwer Rodange weider a Richtung Éibeng (Linn 6g), Mont Saint-Martin (Linn 6h) an Attem (Linn 6j).

Nei Streck vu Lëtzebuerg op BeetebuergÄnneren

Am Januar 2015 hunn déi éischt Virbereedungaarbechte fir de Bau vun enger neier Eisebunnsstreck Lëtzebuerg-Beetebuerg ugefaangen^[2]^,^[3]. D'Ursaach dofir ass déi zäitweis Saturatioun vun där aler Streck, déi eng Haaptachs vum lëtzebuergeschen Eisebunnsnetz ass. Déi nei Streck soll méi oder wéineger parallel zur Autobunn A3 gebaut ginn an no 2024 fäerdeg sinn^[4].

Méi Informatioun doriwwer am Artikel: Eisebunnsstreck Lëtzebuerg-Beetebuerg.