Dummeldeng

Ee vun de 24 offizielle Quartiere vun der Stad Lëtzebuerg
Luxembourg geo stub.svg Dëse Geographiesartikel iwwer Lëtzebuerg ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Dummeldeng ass e Quartier am Norde vun der Stad Lëtzebuerg.

Dummeldeng
Luxembourg, Raspert (1).JPG
Aussprooch
An anere Sproochen fr: Dommeldange
de: Dommeldingen
Land Lëtzebuerg
Kanton Lëtzebuerg
Gemeng Blason ville lu Luxembourg-ville.svg Lëtzebuerg
Buergermeeschter Lydie Polfer (DP)
Awunner 2.579
  31.12.2017
Fläch 235,56 ha
Koordinaten 49° 38’ 02.3’’ N
      06° 08’ 13.3’’ O
Dommeldange quarter highlighted.png
Dummeldeng (blo)
an der Stad Lëtzebuerg (gro)

Dummeldeng huet zur fréierer Gemeng Eech gehéiert, bis déi den 1. Juli 1920 mat der Stad Lëtzebuerg fusionéiert huet[1]. Et ass zanterhier e Quartier vun der Stad Lëtzebuerg.

Ursprong vum NummÄnneren

Den Numm Dummeldeng ass schonn am 13. Joerhonnert nogewisen. Dem Théodore de la Fontaine no geet en zréck op d'Grouss Dommel ((de) Rohrdommel, Botaurus stellaris), e Vull dee sech sengerzäit masseg an de Lëtsche laanscht d'Uelzecht opgehalen huet.

GeschichtÄnneren

Nach ier am Minett déi éischt Schmelz opgoung, ass zu Dummeldeng schonn Eise produzéiert ginn. Uganks vum 17. Joerhonnert krut de Jean de Ryaville d'Autorisatioun fir eng Schmelz ze bauen. Duerno hunn d'Schmelzhären Thomas Marchant an d'Famill Collart d'Schmelze bedriwwen.

1865 gouf eng nei Schmelz mat engem Héichuewen, laanscht d'Schinnen ënnen un der Uelzecht, gebaut.

  Méi Informatioun doriwwer am Artikel: Dummeldenger Schmelz.

Laanscht d'Dummeldenger Baach, déi vun de Glasbuere bis an d'Uertschaft leeft, louchen an der Zäit net manner wéit sechs Millen: d'Schmelzmillen, d'Schëttermillen, d'Schlassmillen, d'Seemillen, d'Bannmillen an d'Ënneschtmillen.

Um Enn vun den 1970er Joren ass um Dummeldenger Bierg e Wunnengsbauprojet realiséiert ginn, absënns fir Wunnengen ze schafen, fir europäesch Beamten déi an der Verwaltungen um Kierchbierg geschafft hunn. De Véierel ass haut nach ënnert dem Numm „Parc de l'Europe“ bekannt, als Referenz un d'Aktiegesellschaft déi sengerzäit den éischte Bauprojet presentéiert hat.

AwunnerÄnneren

Enn 2015 hunn zu Dummeldeng 2.470 Leit gewunnt, dovu waren 29,27 % Lëtzebuerger a 70,73 % Auslänner. Op den 31.12.2017 waren et 2.579 Leit. Den Undeel vun de Lëtzebuerger louch bei 30,13 % géintiwwer 69,87 % Auslänner[2].

Dummeldenger no Nationalitéit (31.12.2017)
Rang Nationalitéit Awunner Prozent
TOTAL 2 579 100,00%
1   Lëtzebuerg 777 30,13%
2   Frankräich 339 13,14%
3   Portugal 228 8,84%
4   Belsch 173 6,71%
5   Däitschland 137 5,31%
6   Italien 122 4,73%
7   China 71 2,75%
8   Griicheland 68 2,64%
9   Vereenegt Kinnekräich 65 2,52%
10   Dänemark 51 1,98%
Top 10 2 031 78,75%
Aner Nationalitéiten 548 21,25%

Kuckt ochÄnneren

LiteraturÄnneren

Um SpaweckÄnneren

Commons: Dummeldeng – Biller, Videoen oder Audiodateien

Referenzen an NottenÄnneren

  1. Loi du 30 juin 1920 concernant la réunion de la commune d'Eich à la ville de Luxembourg. - Legilux. legilux.public.lu. Gekuckt de(n) 2021-05-21.
  2. État de la population 2017 - Statistiques sur la population de la Ville de Luxembourg vdl.lu, der Websäit vun der Stad Lëtzebuerg (gekuckt den 8. Februar 2018)