Eisebunnsstreck Ettelbréck-Waasserbëlleg

fréier Lëtzebuerger Eisebunnsstreck
Transportation template.svg Dësen Transportsartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.


De Bau vun der Eisebunnsstreck Ettelbréck-Waasserbëlleg, och nach ënner dem Numm Sauerstreck bekannt, an zwar wéinst hirem Tracé laanscht d'Sauer, geet zréck op eng Konventioun tëscht dem lëtzebuergesche Staat an der Société anonyme des chemins de fer des bassins houillers du Hainaut vum 14. Dezember 1868 respektiv dem 27. Februar 1869, déi an engem Gesetz vum 19. Mäerz 1869 festgehale gouf[1].

Eisebunnsstreck Ettelbréck-Waasserbëlleg
Gare Diekirch.jpg
CFL lijn 1a.png
Linnennummer 1a
Besëtzer Lëtzebuerg
Bedreiwer CFL
Technesch Donnéeën
Längt 59 km
Gréisst Steigung 16 ‰
Spuerbreet Normalspuer
Stroumsystem 25 kV Wiesselstroum, Catenaire

Wéi dunn den 10. Mee 1869 d'Compagnie des chemins de fer Prince-Henri (PH) gegrënnt gouf, krut si d'Rechter an d'Flichte vun der belscher Gesellschaft iwwerdroen[2], déi mat Aktionär war, an 49.375 Aktië vun am Ganze 50.000 an hirem Besëtz hat. Déi éischt Gesellschaft vum Prënz wéi se am Volleksmond genannt gouf, huet d'Sauerlinn grad sou wéi de Rescht vun hirem Streckennetz bis 1877 exploitéiert. Wéinst Finanzschwieregkeete gouf se du liquidéiert an hir Geschäfter goufe vun der Société anonyme luxembourgeoise des chemins de fer et minières Prince-Henri (och PH gekierzt) där hir Statuten den 28. Oktober 1877 duerch en Arrêté Royal grand-ducal approuvéiert goufen[3].

D'Streck déi tëscht 1873 an 1874 gebaut gouf war am Ufank 53,85 km laang, an 1891 koum nach d'Streck vu Waasserbëlleg op Gréiwemaacher mat enger Längt vu 6,16 Kilometer dobäi. Deen Deel war dem PH den 30. Januar 1890 aus der Konzessioun vun de Kantonalstrecken iwwerdroe ginn.

An der Zäit vun der däitscher Occupatioun (1940-1945) gouf d'Streck vun der Reichsbahn exploitéiert, déi och bei Steenem en Uschloss un déi däitsch Sauerdallbunn gebaut hat.

Vun 1946 u gouf d'Streck vun der CFL bedriwwen[4].

Well d'Sauerstreck sech am Laf vun der Zäit als onwirtschaftlech erwisen huet, gouf se no an no zougemaach: de 4 Mäerz 1963 den Deel Iechternach - Waasserbëlleg[5] an de 27. Mee 1964 vun Dikrech - Iechternach[6]. Se gouf duerch en Autobusservice ersat, deen haut aus den RGTR-Linne 500 (Ettelbréck - Dikrech - Iechternach) a 485 (Iechternach - Waasserbëlleg - Gréiwemaacher) besteet.

Iwwer e groussen Deel vun der fréierer Zuchstreck tëscht Reisduerf a Waasserbëlleg féiert d'Vëlospist PC3 och Piste des trois rivières genannt.

BetribschronologieÄnneren

GarenÄnneren


Um SpaweckÄnneren

Referenzen an NottenÄnneren

  1. (fr)Loi du 19 mars 1869 par laquelle est approuvée la convention portant concession du réseau des chemins de fer Prince-Henri. legilux.public.lu (19.03.1869). Gekuckt de(n) 07.11.2020.
  2. (fr)Statuts de la Compagnie des chemins de fer Prince-Henri (Art. 7) als Annexe vum Arrêté royal grand-ducal du 10 mai 1869 par lequel est autorisé l'établissement de la Compagnie des chemins de fer Prince-Henri et sont approuvés les statuts de cette Compagnie. legilux.public.lu (10.05.1869). Gekuckt de(n) 07.11.2020.
  3. (fr)Arrêté royal grand-ducal du 28 octobre 1877 portant approbation des statuts de la « Société anonyme luxembourgeoise des chemins de fer et minières Prince-Henri». legilux.public.lu (28.10.1877). Gekuckt de(n) 07.11.2020.
  4. (fr)Loi du 16 juin 1947 concernant l'approbation de la convention Belgo-Franco-Luxembourgeoise du 17 avril 1946 relative à l'exploitation des chemins de fer du Grand-Duché et des conventions annexes. legilux.public.lu (16.06.1947). Gekuckt de(n) 07.11.2020.
  5. (fr)Règlement grand-ducal du 4 mars 1963 portant suppression du service ferroviaire sur le tronçon de ligne Echternach-Wasserbillig de la ligne à voie unique Diekirch-Grevenmacher. legilux.public.lu (04.03.1963). Gekuckt de(n) 07.11.2020.
  6. (fr)Règlement grand-ducal du 27 mai 1964 portant suppression du service ferroviaire sur le tronçon de ligne Echternach-Diekirch de la ligne à voie unique Diekirch-Grevenmacher. legilux.public.lu (27.05.1964). Gekuckt de(n) 07.11.2020.