Haaptsäit/WDS-Spënnchen

Dat hei ass d'Reserv vun neien Teaseren fir an d'Wousst Dir schonn...-Rubrik, déi duerch Schablounen, eng fir all Dag, mat Sätz aus der Lëscht vun 2 x 365 Teaseren dohigesat ginn.

Wann der hei nach eng Kéier 365 neier zesummekomm sinn, kënnen déi dann déi aktuell ersetzen oder mat hinnen an e Roulement kommen.

Wann Dir deemno Iddie fir weider Verweiser op Artikelen hutt (oder kuriéis Detailer dodran), da sëtzt se w.e. gl. hei ënnendrënner derbäi. Logescherweis musse se sech op Saachen/Aussoe bezéien, déi an engem verlinkten Artikle stinn/erkläert ginn.

Wousst Dir schonn datt…

... de Markusbierg 1936 deen éischte Wéngertsbierg zu Lëtzebuerg war, op deem, am Kader vun engem Remembrement, kleng Wéngerten zu méi groussen zesummegeluecht goufen?
... den Alain Delon am Film L'Insoumis (1964) ee Lëtzebuerger Friemelegionär gespillt huet?
... Luxembourgichthys eng monotypesch fossill Fëschaart-Gattung ass, déi beim Kenntnisstand vun haut just eng Aart, d'Luxembourgichthys friedeni enthält?
... zanter 1986 eng Tak vum Knüllgebirgsverein un e kosmescht Evenement am Interessentenwald erënnert?
... de Grënner vun der namibescher Haaptstad Windhoek zu Lëtzebuerg gebuer gouf?

... op der Fassad vum Haus 68 Stroossbuerger-Strooss an der Stad Opschrëften ubruecht goufen, déi un d'Entkoppelung vun der Paritéit vum belschen a lëtzebuergesche Frang erënneren?
... Krung Thep Mahanakhon Amon Rattanakosin Mahinthara Ayuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit den offiziellen thailänneschen Numm fir Bangkok ass?
... d'Schëld E, 20, obwuel et vum Code de la route virgeschriwwen ass, op kenger Tramshalt zu Lëtzebuerg opgestallt ass?
... de Christoph Salzmann 1772 mat der Lutzemburgische Handbibel Neuen Testaments déi bis ewell eenzeg Bibel erausbruecht huet, déi zu Lëtzebuerg publizéiert gouf?
... d'Immigratioun vun den Italiener an d'Belsch nom Accident vun der Kuelegrouf Bois du Cazier 1956 bal ganz zesummegebrach ass?
... bei engem Vulkanausbroch 1973 op der islännescher Insel Heimaey (där gréisster vun den Vestmannaeyjar-Inselen) mat Hëllef vun Dosende vu Pompelen d'Lava mat Mierwaasser ofgekillt konnt ginn, an sou verhënnert gouf, dass de Fëschereihafen zougeschott gi wier, an domat d'wirtschaftlech Grondlag vun der Insel gerett konnt ginn?
... de Stengeforter Stauweier 1930 eidellafe gelooss gouf, fir d'Läich vun engem erdronkene Fierschter erauszehuelen, an zanterdeem net méi opgefëllt gouf?
... d'Lëtzebuerger beim Referendum vum 28. September 1919 mat 73% fir eng Wirtschaftsunioun mat Frankräich gestëmmt hunn; et schlussendlech awer 1921 mat der Belsch war, mat där esou eng ofgeschloss gouf?
... Ewige Madonna deen éischte professionell gedréinte Faarffilm ass, deen zu Lëtzebuerg gedréint gouf?
... 1907 bei archeologeschen Ausgruewungen um kelteschen Oppidum um Tëtelbierg Reschter vun engem Hypokaust fräigeluecht goufen; dës dunn awer vun engem entloossenen Aarbechter zerstéiert goufen?
... de Rasmussen, de Rasmussen an de Rasmussen noenee Premierminister an Dänemark waren?
... déi drëttgréisst Stad am Kosovo nom Patron vun engem Hotel genannt gouf?
... vum héchste Billjee a Lëtzebuerger Frang, dem Fënnefdausender, 20 Joer nom Aféiere vum Euro a Form vu Billjeeën nach ëmmer eppes iwwer 10.000 Schäiner am Wäert vun 1,3 Milliounen Euro am Ëmlaf sinn?
... d'Hollännesch Karibik an d'Karibescht Holland allebéid an der Karibik leien, ma net dat selwecht sinn?
... d'Keelbaach bei Nonkeel quasi eng zweet Kéier entspréngt, nodeems se am Uewerlaf am karstege Kaleksteen an an de Galerien aus der Géigend versickert ass, an dann do hiert Bett nees duerch eng Pompelstatioun mat Waasser aus der Grouf Ëtteng II gefiddert gëtt?
... de Bongert Altenhoven Um Bierg dee gréisste Bongert zu Lëtzebuerg ass?
... de Lëtzebuerger Jean Kuffer eng Goldmedail am Bobfuere gewonnen huet, d'Medail awer zur Belsch gezielt gëtt?
... den Iechternacher Verschéinerungsveräin den éischten Syndicat d'initiative zu Lëtzebuerg war?
... Glück und Liebe in Monaco e liechtensteinesche Film ass mat enger Lëtzebuergerin an der Haaptroll?
...de Prinzip vum Sens unique schonn am anticke Roum bestoung?
... den Nicolaus Mameranus (1500-1567), en Haffschreiwer vum Keeser Karel V., ë.a. e Lueflidd op de Kanal vu Willebroek zu Bréissel, en Text iwwer de spueneschen Handkuss a Gedichter mat Wierder, déi mat C oder P ufänken, geschriwwen huet?

Déi rout Linke musse fir d'éischt gebléitst ginn...

... ee sech mat der Ieselsbréck Voilà déi fënnef längste Flëss a Russland mierke kann? (Volga, Ob, Ienissei, Lena an Amur)
... de Batman net zu Batman City mä zu Gotham City wunnt?
... an Däischland zwéi Beem - Bräutigamseiche zu Eutin an d'Himmelgeister Kastanie zu Düsseldorf - eng eege Postleitzuel hunn?
... den F91 Diddeleng sech 2018, als éischt lëtzebuergesch Ekipp iwwerhaapt, fir d'Gruppephas vun der Europa League qualifizéiert huet?
... de Schauspiller Michael Keaton fir richteg Michael Douglas heescht, ma sech dee Pseudonym, nom Buster Keaton, zougeluecht huet, fir net mat deem anere Schauspiller mat deem Numm verwiesselt ze ginn?
... net New York d'Haaptstad vum Bundesstaat New York ass, ma Albany?
... d'Hänkbréck iwwer d'Ardèche tëscht Saint-Martin-d'Ardèche an Aiguèze 1905 gebaut gouf awer eréischt 2005 offiziell ageweit gouf.
... Flechten (Lichen) e symbiotescht Zesummeliewen tëscht engem Pilz mat enger Alg oder enger Bakteerie sinn?
... d'Chilehaus zu Hamburg säin Numm dohier huet, datt de Bauhär mam Salpéiterhandel aus Chile räich gi war?
... d'Wëllkar net zu de Grieser zielt, wéi déi aner Fruucht-Aarten, ma zu der Famill vun de Polygonaceae, zu där och de Rubbarb an de Sauerampel gehéiert?
... den Numm Molotowcocktail op de Finnesch-Sowjetesche Wanterkrich zeréckgeet, wéi d'Finne sech mat dëser Waff géint sowjetesch Tankse gewiert hunn?
...d'Charelisbréck zu Dummeldeng déi éischt Bréck an Europa war, déi mat Greyträgere gebaut war?
... den Nullmeridian, wéi e mam UTM- Koordinatesystem WGS84 gemooss gëtt, eng 100 Meter ëstlech vum Nullmeridian vum Royal Greenwich Observatory läit?
... Reykjavik (Island), Wellington (Neiséiland) a La Paz (Bolivien) déi respektiv nërdlechst, südlechst an am héchste geleeën Haaptstied sinn?
... De Markennumm Elle & Vire, vum Numm vun de Flëss Elle a Vire am Departement Manche hierkënnt.
...den Ausbroch vum Vulkan Tambora an Indonesien am Joer 1815, dat Joer duerno en grouss Hongersnout an Amerika an an Europa provozéiert hat?
... den Däitsch-Hollännesch-Belschen Dräilännereck um Vaalserberg vun 1839 bis 1919 e Véierlännereck war?
... der Ruth Belville hire Beruff dora bestoung, déi genee Auerzäit ze verkafen, a si dowéinst Greenwich Time Lady genannt gouf?
... den Tyrrell P34 den e Formel 1 Auto mat 6 Rieder war?
... d'Pompjeeë vun Tréier den 23. Abrëll 1941 an d'Stad Lëtzebuerg hëllefe koume fir d'Feier am Terres-Rouges-Gebai ze läschen?
... bis ewell just dräi Leit gläichzäiteg fir en Oscar fir dat bescht Orignial-Dréibuch an ee fir dee beschte Schauspiller an engem nämmlechte Film nominéiert goufen, nämlech de Charlie Chaplin, den Orson Welles an de Sylvester Stallone?
... de Robert Tappan Morris 1988 den éischte Computerwuerm entwéckelt hat?
... den Turner Georg Eyser bei den olympesche Spiller 1904 zu St. Louis 6 Medaile gewonnen huet, an dat trotz enger hëlzener Beeprothees?
... de Charles Maurice de Talleyrand-Périgord a Frankräich souwuel ënnert dem Ancien Régime, wéi och wärend der Franséischer Revolutioun, dem Directoire, dem Consulat, dem Premier Empire, der Restauratioun an der Julimonarchie wichteg Funktiounen am Staat hat, a bei véier Kréinungen derbäi war?
... de Geograph Mathias Ringmann, deen éischte war, deen der Neier Welt den Numm America ginn hat?
... de Charles Bech, den eenzege Lëtzebuerger war, dee fir US-Airforce Asätz op enger B-17 Flying Fortress geflunn ass.
... verschidde Schofs- a Geesserasse méi wéi 2 Haren hunn.
... de Richard Halliburton, wéi hien 1928 duerch de Panamakanal geschwommen ass, eng Tax vun 0,36 $ huet misse bezuelen.