Keelbaach
D'Keelbaach[2] ass eng Baach déi duerch Frankräich a Lëtzebuerg leeft.
.jpg) De renaturéierten Deel vun der Keelbaach op der Héicht vum Park Ouerbett zu Keel | |
| Längt | 17,97 km[1] |
|---|---|
| Debit | 0,05 m³/s |
| Originn | |
| Originn | Quell |
| Plaz | Aumetz |
| Héicht | 380 m |
| Konfluenz | |
| Leeft an | Uelzecht |
| Plaz |
Hueschtert Hunchereng |
| Héicht | 273 m |
| Koordinaten |
49° 30’ 52.37’’ N 06° 03’ 52.70’’ O |
 | |
Hir Quell ass hautdesdaags administrativ zu Aumetz lokaliséiert, op enger Héicht vu ronn 380 Meter. Vun do leeft se no Osten, duerch de Fonds de Pierreuse an Direktioun Nonkeel, wou se am Dall da praktesch e rechte Wénkel an Direktioun Ëtteng mécht. Well awer praktesch all d'Waasser aus hirem ieweschte Laf am karstege Kaleksteen an an de Galerien aus der Géigend versickert, entspréngt d'Keelbaach quasi eng zweet Kéier bei Nonkeel, wou eng Pompelstatioun Waasser aus der Grouf Ëtteng II pompelt [3]. Ier d'Minièren zougemaach hu gouf se vun dräi Pompelstatiounen zu Ëtteng, an e puer anerer vun Aumetz, Tressange a Bure gefiddert.
Bei der Grenzmaark FL85 tëscht Rëmeleng an Ëtteng kënnt d'Baach op Lëtzebuerger Terrain a fléisst zu Hunchereng tëscht dem CR165 an der Huncherenger Millen an d'Uelzecht.
Um Territoire vu Lëtzebuerg huet Baach eng Längt vu ronn 9 km, dovun zu Rëmeleng 450 Meter ënner dem Buedem. De Sandre gëtt fir Frankräich eng Längt vun 8,97 km un, mat dem Numm Kaelbach an dem Code A8910300.
Niewebaachen
änneren- Pierreuse (haut vum Sandre als Quell festgeluecht, versickert awer ier se d'Keelbaach erreecht)
- Les Fontaines (op der topographescher Kaart nach just bis virun Ëtteng agezeechent)
- Walertflass (existéiert net méi)
- zu Keel d'Biermecht an d'Puelbech
Biller
änneren-
De fréiere Weier op der Grenz viru Rëmeleng -
Nonkeel - Zweet Quell zu Ëtteng -
Nonkeel - betonéiert Bett -
Rëmeleng - renaturéiert bei der Schleis -
Rëmeleng - betonéiert Bett -
Téiteng - stenge Bett -
Keelbaach zu Keel -
Hunchereng - Mëndung an d'Uelzecht
.jpg)
.jpg)
.jpg)
.jpg)
.jpg)
.jpg)
.jpg)
Kuckt och
änneren- Lëscht vun de lëtzebuergesche Waasserleef
- Lëscht vun de lëtzebuergesche Waasserleef mat hiren Anzuchsgebidder
Um Spaweck
änneren| Commons: Keelbaach – Biller, Videoen oder Audiodateien |
Referenzen an Notten
änneren- ↑ zesumegerechent Längt vum SANDRE a Geoportal.lu
- ↑ Op den topographesche Kaarte vum lëtzebuergesche Kadaster ass se mat Kaelbaach (1:20.000 Nr. 28 Esch-sur-Alzette, Editioun 1989) respektiv Kälbaach (Online-Editioun 2010) agedroen
- ↑ Déi Pompelstatioun gëtt vu Lëtzebuerg finanzéiert, fir d'Baach um Liewen ze halen