Gare Houwald

Gare Houwald
ass eng	Gare
Status	am Gebrauch
opgaang	10. Dezember 2017
Lag vun der Statioun
Land	Lëtzebuerg
Gemeng	Hesper
Koordinaten	49°35'10"N, 6°8'16"O
Héicht i. M.	289 m
Reseau
Statiounscode	Ho
Bedreiwer	CFL
Reseau	TER Grand Est, CFL-Zuchreseau
Linn(en)	L01 Nanzeg - Metz - Lëtzebuerg
Gleiser	3
Gleiser mat Quai	2
Passagéier/Joer	415.367
	(2022)
Nopeschstatioun(en)	Gare Lëtzebuerg,; Gare Bierchem

D'Gare Houwald ass eng Gare vun der Lëtzebuerger Eisebunn an en Deel vum Pôle d'échange Houwald. Se läit um Houwald an der Gemeng Hesper, op der Limitt mat der Stad Lëtzebuerg.

Lag vun der Gare Houwald

Se gehéiert zu follgende Linne vum CFL-Zuchreseau:

Lëtzebuerg - Diddenuewen - Metz
Ëlwen - Lëtzebuerg - Esch-Uelzecht - Rodange
Lëtzebuerg - Esch-Uelzecht - Rodange.

Vun der Gare Houwald aus huet een Uschloss un de Park-and-Ride Lëtzebuerg-Süd. Bei der Gare gëtt e eng Bikebox fir säi Vëlo ënnerdaach ze stellen.

Den Accès fir op d'Iwwerféierung fir de Quai ze wiesselen ass behënnertegerecht amenagéiert.

Geschicht

2016 hunn d'Aarbechten mam Bau vum éischte (vun am Ganzen zwéin) Quaien ugefaangen.^[1] Den 10. Dezember 2017 gouf se zäitgläich mat der Gare Pafendall-Kierchbierg an deem éischten Deelstéck vum Tram, opgemaach.

Am Januar 2024 hunn d'Bauaarbechte fir den zweete Quai ugefaangen, sou datt dräi Joer dono d'Zich vun Esch op deem stallhale kënnen, iwwerdeems d'Zich aus Frankräich, wann dann déi nei Linn op Beetebuerg a Betrib ass, um 'ale' Quai stallhalen, an esou déi zwou Strecke komplett vun enee getrennt sinn, wat ë. a. verhënnert, datt Stéierungen op enger Linn op déi aner iwwerdroe ginn^[2]^[3]. Och de Ballast an d'Gleiser ginn 2024 dofir op 6 km ersat.^[4]

Den Tram hält zanter dem 7. Juli 2024 op sengem Wee bei de Stadion direkt iwwer der Gare. Dofir gouf uganks 2021 mam Bau vun enger neier Bréck ugefaangen. Do dernieft gouf nach eng Busgare amenagéiert, fir sou e kamouden Iwwergang tëscht den eenzelen Transportmëttelen z'erméiglechen^[1]. Dëse Pôle d'échange goung mam éischt Gleis vum Tram a Betrib.^[5]

Och den Neibau vum Lycée technique du centre soll wéinst dem gudden Uschloss nieft d'Gare kommen; e soll bis 2027 fäerdeg sinn.^[6]

Zuelen

An den éischten 11 Méint, an deene se a Betrib war, goufen am Ganzen 185.743 Passagéier do gezielt.^[5]

Zich déi an der Gare halen

^{(Stand: Mäerz 2025)}

Aller

Aus Richtung	Halt virdrun		Nächst Halt	A Richtung
Lëtzebuerg ↔ Diddenuewen ↔ Metz änneren
Lëtzebuerg	Lëtzebuerg	TER	Beetebuerg	Diddenuewen oder Metz-Ville
Ëlwen ↔ Lëtzebuerg ↔ Esch-Uelzecht ↔ Rodange änneren
Ëlwen	Lëtzebuerg	RE	Beetebuerg	Rodange
Miersch	Lëtzebuerg	RE	Bierchem	Péiteng
Lëtzebuerg ↔ Esch-Uelzecht ↔ Rodange änneren
Lëtzebuerg	Lëtzebuerg	RE	Beetebuerg	Rodange
Lëtzebuerg	Lëtzebuerg	RB	Bierchem	Péiteng oder Rodange^[7]