Eisebunnsstreck Beetebuerg-Esch-Uelzecht

D'Eisebunnsstreck Beetebuerg-Esch-Uelzecht ass eng Eisebunnsstreck zu Lëtzebuerg. Se féiert vu Beetebuerg op Esch-Uelzecht.

Eisebunnsstreck Beetebuerg-Esch-Uelzecht

D'Gare vun Esch, vun der Passerelle op de Gaalgebierg aus.
Streckekaart vun der Linn 6a
Linnennummer	6a
Besëtzer	Lëtzebuerg
Bedreiwer	CFL
vu(n)	Gare Beetebuerg
op	Gare Esch-Uelzecht
iwwer	Beetebuerg-West, Gare Näerzeng, Scheierbësch, Gare Schëffleng
opgaangen	1860
Technesch Donnéeën
Längt	9,55 km
Gréisst Steigung	11 ‰
Klengste Radius	190 m
Spuerbreet	Normalspuer
Streckentyp	duebelgleiseg
Fuerrichtung	riets
Stroumsystem	25kV Wiesselstroum
Zuchsécherungssystem	European Train Control System

Streck

Garen - Uschlëss - Brécken Tunnellen - Barriären		PK
	Uschloss: Lëtzebuerg Uschloss: Diddeleng - Wuelmereng
	Beetebuerg	0.00
	N 31 (Diddelenger Strooss)
	Feldwee Laangeweiler
	Feldwee Burwiss
	CR165 Näerzeng
	CR164 Näerzeng
	Gare Näerzeng	4.090
	Ofzweigung Keel
	A 13
	Ofzweigung Scheierbësch
	CR168 Schëffleng
	Rue du Pont
	Rue de Hédange
	Gare Schëffleng	7.196
	Rue de la Gare
	Rue de Lallange
	N 31 Esch-Uelzecht
	Gare Esch-Uelzecht	9.504
	Ofzweigung Däitsch-Oth
	Uschloss Péiteng

D'Trass fir d'Eisebunnsstreck Beetebuerg-Esch-Uelzecht gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.

Geschicht

D'Streck gouf 1860 a Betrib geholl an huet deemools der Gesellschaft Guillaume-Luxembourg gehéiert. 1960 gouf se mat enger Spannung vu 25 kV - 50 Hz elektrifizéiert.

Linn

D'Eisebunnsstreck Beetebuerg-Esch-Uelzecht gëtt als Linn 6a bezeechent; am kommerzielle Passagéierverkéier ass se als Deel vun der Linn 60 bekannt. Et ass eng 9,50 km laang zweegleiseg Streck mat Normalspuer.

Weidere Streckeverlaf

D'Eisebunnsstreck 6a ass eng Ofzweigung vun der Eisebunnsstreck Lëtzebuerg-Beetebuerg Grenz, der Linn 6, a westlecher Richtung.

Vun der Linn 6a zweigt zu Näerzeng d'Streck op Rëmeleng als Linn 6c of. Vun der 6c geet dann zu Téiteng d'Streck an de Laangegronn als Linn 6d fort.

Vun Esch-Uelzecht geet d'Eisebunnsstreck Esch-Uelzecht-Péiteng als Linn 6f weider. Ausserdeem féiert vun Esch och déi kuerz Streck Esch-Uelzecht - Däitsch-Oth als Linn 6e virun.

Schlussendlech féiere vu Péiteng dräi Strecken iwwer Rodange weider a Richtung Éibeng (Linn 6g), Mont Saint-Martin (Linn 6h) an Attem (Linn 6j).

Kuckt och

• Geschicht vun der Eisebunn zu Lëtzebuerg

Um Spaweck

Commons: Eisebunnsstreck Beetebuerg-Esch-Uelzecht – Biller, Videoen oder Audiodateien

• Donnéeën iwwer d'Streck: Réseau Ferré Luxembourgeois - Document de Référence du Réseau 2024, Version 2.0.
• D'Stréck Beetebuerg - Esch-Uelzecht op rail.lu