Wikipedia:WikiProjet Comics

Dëst ass d' Projetssäit iwwer Comicken, am Kader vum Benoît Majerus sengem Cours Histoire de Bulles, deen am Wantersemester 2018/19 an 2019/2020 am Bachelor en Cultures Européennes op der Uni Lëtzebuerg, ugebuede gouf, resp. gëtt.

Fir eng Iddi ze kréien, wat et scho gëtt: All d'Artikelen zum Thema "Comics" op dëser Wikipedia sinn an der Kategorie:Comics zesummegefaasst.

Wichteg Informatiounen zum Schreiwe vun Artikelen

Fir déi meescht vun Iech ass dat hei déi éischt Kéier, wou der op Wikipedia schreift. Dat ass u sech keng Hexerei, ma setzt awer viraus, datt Der Iech u bestëmmte "Spillreegelen" haalt: Well dee Moment, wou der Ären Artikel späichert, publizéiert Der en als en Deel vun engem Gemeinschaftsprojet.

Ier der mat "Ärem" Artikel lassleet, huelt Iech dofir am Virfeld e bëssen Zäit fir hei ënnendrënner déi nëtzlech Linken zu Explikatiounen, wéi d'Wikipedia funktionéiert, Konventiounen zu Formatéierung, Opbau, Stil, asw. ze liesen.

Et ass besonnesch recommandéiert, sech aner Artikelen unzekucken, wéi déi opgebaut, formatéiert a geschriwwe sinn. E gudden "Test" ass et, an engem aneren Artikel eppes z'änneren, oder e klengen neien unzeleeën, fir sech vertraut ze maachen. Méi grouss Tester kann een an der "Sandkaul" maachen, ouni datt eppes op d'Kopp geheit gëtt.

D'Orthographie vum Lëtzebuergeschen ass norméiert.
Geschwat Sprooch a geschriwwe Sprooch si verschidde Sproochregister.
Zu enger akademescher Aarbecht gehéiert e feelerfräien Text, an e Stil, deen engem universitären Niveau entsprécht.

Et gëtt dofir erwaart:

Schreift Ären Artikel fir d'éischt an engem Textveraarbechtungsprogramm. Ier der en op Wikipedia setzt, loosst en duerch de Spellchecker jauwen.
Iwwerliest Iech selwer e puermol. An dann nach eng Kéier. Ass dat orthographesch korrekt? Seet een dat esou? Kléngt dat gutt a flësseg? Ass dat e proppere Stil?
Loggt Iech an, wann der op d'Wikipedia gitt. Da kritt der do (ganz uewen) ugewisen, ob der Messagë kritt hutt, an et gesäit een, wie wat schreift.
Dann eréischt den Artikel eroplueden/uleeën. Schreift {{EnCours}} driwwer, soulaang der net fäerdeg sidd. Da loossen déi aner d'Fangeren dervun, an et kënnt net zu Versiounskonflikter.
Formatéiert en no de Wikireegelen - Iwwerschrëften, fett, kursiv, Referenzen, asw. (kuckt ënnen).
Diakritesch Zeechen sinn am Lëtzebuergesche keng Dekoratioun, an och net optional; "frei", "fréi" a "fräi" ass net dat selwecht. Benotzt se, wou se higehéieren.
Applizéiert dono d' 'Wiki-Prinzip' am Klengen: Schwätzt Iech zu 2-4 of, fir Iech géigesäiteg z'iwwerliesen an ze verbesseren (oder ze beschwätzen wat eventuell nach besser ze maachen ass). Besonnesch sief dat recommandéiert fir déi, déi Lëtzebuergesch net als éischt Sprooch ("Mammesprooch") hunn, datt si sech hiren Text vun engem Mammesproochler ukucke loossen.

Wat net toleréiert gëtt:

En Artikel einfach dohisetzen an dann näischt méi dru maachen, och wann aner User op der Diskussiounssäit drop hiweisen, wat onbedéngt nach ze änneren/verbessern ass.
E Stil, dee vum Sproochregëster hier éischter an d'Kategorie "Whatsapp Messenger" wéi "wëssenschaftlech-sachlechen Text" fällt.
Texter, déi sech net un d'Basisreegele vun der Orthographie halen, oder déi offensichtlech keng eenzeg Kéier iwwerlies goufen.

Esou Artikele riskéieren, geläscht ze ginn.

Der kënnt allzäit Froen un aner Mataarbechter stellen (op der Diskussiounssäit vun Ärem Artikel), Der kritt dann och duer g'äntwert. Zéckt net!

E grousse Merci fir Är Mataarbecht, a vill Succès gewënscht!

Auteuren an Artikelen

Hei drënner stinn d'Nimm (Pseudonymen) vun den Auteure vun den Artikelen, déi am Kader vun deem Cours geschriwwe ginn, a vun den Artikelen, déi se op dëser Wiki geschriwwen hunn. Eng extern Lëscht mat den Artikelen, déi am Kader vum Cours realiséiert goufen, ass hei ze fannen.

002019 / 2020

Auteur	Artikel(en)
Jennifer Jacquemin	Powerpuff Girls
Prentic Irfat	Monkey D. Ruffy
Mulic Armin	Der rote Puma und Superjhemp...Krossen Ouwer!!
Massoutre Cindy	The Walking Dead
Glesener Philippe	Gian Alfonso Pacinotti
Schwarz Maurice	Adopekid Comix
Juchem Benjamin	Léon la Came
Boettel Luca	Den Astérix bei den Helveten
MélinaWan	Fairy Tail
LisaNL	Superjhemp
Nessaya22	Philippe Chappius (Zep)
Luxusbuerger	Déck Mënz fir de Prënz
Dérisée	Kumiyo Maurel
Helena Vieira Da Silva	Dōkyūsei
Tim Ewert	Tintin au Congo
Swiro615	Betty Boop
Jeff Dondelinger	Berserk (Manga)
Ferreira.Matias	Saint Seiya
SilvaJess	Junji Itō

An anere Sproochen

Auteur	Artikel(en)	Wikipedia
Anne Feltz	June Tarpé Mills	de:
Liz Weis	Draft:Vietnamerica (Projet_Comics)	en:
Rui Vieira	Draft:Toyotarou (Projet_Comics)	en:
Aija Livca	Draft:Steam Clean (Projet_Comics)	en:
Sharon Pesch	Draft:What's Wrong with Secretary Kim (Webtoon)(Projet_Comics)	en:
Ana Ferreira	Given (manga)	fr:
Estec305	Balades en philosophie	fr:
26fiona	No War (bande dessinée)	fr:
Tania Lopes Peixoto	Shōwa Genroku rakugo shinjū	fr:
Gugelhupf97	Tim im Irak	de:
Kevin Kunnert	Radiant (Comic)	de:
Lea Maizieres	Heartstopper	fr:

002018 / 2019

Auteur	Artikel(en)
Mel Jun97	Akira Toriyama
Music.Emir	Assassination Classroom
Alexandre Halter‎	Astérix et Cléopâtre‎‎
Funkytaro	Dragon Ball
Irfan Korac	Der Boxer
Aldin007	Captain Tsubasa
Basic.Ernest	Rolf Kauka
LanGi94	Flash (Barry Allen) Robert Kanigher Carmine Infantino‎‎ DC Comics
‎SchSt103	Hergé
Cuveliers_David	Iron Man
Heiphi1997	Lucky Luke (Comic-Serie) Lucky Luke (Personnage)
Raph226	Bakuman
BacKr020	Akatsuki no Yona
Michael.Wantz	Garfield Jim Davis (Comicszeechner)
Ferreira Figueiredo Joao Paulo	Detektiv Conan
Ilaria Comes	Spiderman
Alex Lepesant	Aya de Yopougon
Joanna Vanderkerken	Sabrina d'Teenage Hex
Theto22	Deadpool
Anna Monaco	Titeuf Zep
Maurice Krieger	Legion (David Charles Haller)
Mandy Nourissier	Albert Uderzo
Dan MorCo	Alan Moore
Emrah Adrovic	Watchmen
DamienSchmit	Yu-Gi-Oh!
Bob Romm	Overlord (Manga)
Ribma97	Captain America
Pereira Jessica	Wonder Woman
GillesTh	Marvel Comics
EmmanuelDec	One Punch Man
Monteiro De Jesus Kim	Death Note
SackmannL96	Hulk
Schwarmes Jean-Claude	Tokyo Ghoul
JackieMCZ	Maus (Comicroman)