Légion d'honneur

D'franséisch Éierelegioun, op Franséisch Ordre national de la Légion d'honneur, ass eng Associatioun vu verdéngschtvolle Militärpersounen oder Zivilisten, déi den 19. Mee 1802 vum Generol an Éischte Konsul Napoleon Bonaparte, nom Virbild vun der ofgeschaafter Monarchie sou wéi ë. a. den Ordre de Saint-Michel, den Ordre du Saint-Esprit, den Ordre de Saint-Louis gegrënnt gouf. Den Ordre de la Légion d'honneur ass zanterhier den héchsten a bekanntsten Uerde vu Frankräich a gouf nom Doud vum Napoleon bäibehalen. Haut ass de President vun der Republik Groussmeeschter vum Uerden (Grand maître); hie kritt deen Dag, wou e seng Funktiounen offiziell iwwerhëlt, de Collier du Grand-Maître – deemno eng Halsketten – iwwerreecht.

Am Uerde sinn ongeféier zwee Drëttel Militärpersounen an een Drëttel Zivilpersoune Member.

Déi éischt Verdeelung vun dëser Auszeechnung war de 15. Juli 1804^[1]. Den eelste Mënsch, deen d'Éierelegioun krut, war de Marcellin Babaud, en Zaldot aus dem Éischte Weltkrich. Hie gouf de 27. Juli 1994 am Alter vun 106 Joer Ritter vun der Legioun.

Zu Paräis gëtt et, direkt nieft dem Musée d'Orsay, de Musée de la Légion d'honneur. D'Légion d'honneur ënnerhält och eng schoulesch Institutioun mat engem Internat fir déi mannerjäreg Meedercher vu militäresche Memberen, déi am Asaz fir Frankräich gefall sinn.

Graden

Lëtzebuergesch	Franséisch	Zil am Code	Bestand am Joer 2000
Ritter	Chevalier^[2]	125.000	87.371
Offizéier	Officier	10.000	22.401
Commandeur	Commandeur^[3]	1.250	3.626
Groussoffizéier	Grand officier	250	321
Grousskräiz	Grand-croix	75	61
Groussmeeschter	Grand maître	1	1

Persounen, déi ausgezeechent goufen (Auswiel)

Éischt Verdeelung vum Uerden de 15 Juli 1804 an der église des Invalides.
Bild vum Jean-Baptiste Debret, 1812. Musée national du château de Versailles

Institutiounen, déi ausgezeechent goufen

Stied a Gemengen a Frankräich

Abbeville - Albert (Somme) - Amiens - Argentan - Arras - Ascq - Audun-le-Roman - Badonviller - Bapaume - Bazeilles - Beauvais - Belfort - Béthune - Bitche - Boulogne-sur-Mer - Brest - Caen - Calais - Cambrai - Chalon-sur-Saône - Château-Thierry - Châteaudun - Dijon - Douai - Dunkerque - Étobon - Évreux - Falaise (Calvados) - Gerbéviller - Landrecies - Le Havre - Lens (Pas-de-Calais) - Lille - Longuyon - Longwy - Lorient - Lyon - Metz - Montdidier - Nanzeg - Nomeny - Noyon - Oradour-sur-Glane - Paräis - Péronne (Somme) - Phalsbourg - Pont-à-Mousson - Rambervillers - Reims - Roanne - Rouen - Saint-Dié-des-Vosges - Saint-Dizier - Saint-Jean-de-Losne - Saint-Lô - Saint-Malo - Saint-Nazaire - Saint-Quentin - Soissons - Strasbourg - Thionville - Tournus - Valenciennes - Verdun

Stied am Ausland

Stad	Land	Datum vun der Auszeechnung
Alger	Algerien	2004-08-1515. August 2004
Belgrad	Jugoslawien	1920-12-2828. Dezember 1920
Léck	Belsch	1914-08-077. August 1914
Lëtzebuerg	Lëtzebuerg	1957-06-1818. Juni 1957
Volgograd^[4]	Russland	1984-12-2020. Dezember 1984

Schoulen

École polytechnique vu Paräis

Entreprisen

Déi franséisch Eisebunn, d'SNCF

Organismen

Croix-Rouge française

Um Spaweck

Commons: Légion d'honneur – Biller, Videoen oder Audiodateien

Offiziell Säit iwwer d'Légion d'honneur

Referenzen

↑ Cf. d'Kapitel Les premières remises d'insignes op der Säit Historique vun der grande chancellerie op http://www.legiondhonneur.fr
↑ D'Bezeechnung vum chevalier war bis 1808 légionnaire (Legionär)
↑ D'Bezeechnung vum commandeur war bis 1816 commandant (Kommandant)
↑ Volgograd ass den haitegen Numm vu Stalingrad.

[1] Cf. d'Kapitel Les premières remises d'insignes op der Säit Historique vun der grande chancellerie op http://www.legiondhonneur.fr

[2] D'Bezeechnung vum chevalier war bis 1808 légionnaire (Legionär)

[3] D'Bezeechnung vum commandeur war bis 1816 commandant (Kommandant)

[4] Volgograd ass den haitegen Numm vu Stalingrad.

[1]

[2]

[3]

[4]

Légion d'honneur

Graden

Persounen, déi ausgezeechent goufen (Auswiel)

Fransousen

Belsch

Däitscher

Italieener

Lëtzebuerger

Schotten

US-Amerikaner