Antoine Diederich
|
Dëse Geschichtsartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
Den Antoine Diederich, gebuer den 21. Februar 1923[1] zu Déifferdeng[2] a gestuerwen de 27. Mee 1978 zu Wasserbëlleg[3], war e lëtzebuergesche Resistenzler, dee virun allem am franséische Maquis aktiv war, wou e just ënner dem Numm Capitaine Baptiste bekannt war.
| Antoine Diederich | |
|---|---|
| Gebuer |
21. Februar 1923 Déifferdeng |
| Gestuerwen |
27. Mee 1978 Waasserbëlleg |
| Nationalitéit | Lëtzebuerg |
 | |
Hien hat bis zu 77 Leit ënner sengem Kommando, an ass virun allem bekannt dofir, den 13. August 1944 de Prisong vu Riom mat senge Leit iwwerfall ze hunn, a sou 114 politesch Prisonéier, déi zum Doud verurteelt waren, befreit ze hunn.[4] Um Prisong vu Riom hänkt eng Plackett fir un dat Evenement z'erënneren.
Nom Krich huet hien zu Gréiwemaacher op der Douane geschafft a goung do als Receveur a Pensioun an hien huet zu Waasserbëlleg gewunnt.[5]
Den 29. Mee 1977 gouf hie Chevalier vun der Légion d'honneur.[5]
Zu Esch-Uelzecht, am Quartier Lalleng, ass 2001 eng Strooss no him genannt ginn,[6] an dat Joer drop gouf e Gedenksteen an där Strooss opgeriicht.[7]
Um Spaweck änneren
Referenzen änneren
- ↑ 1923 steet op sengem Gebuertsschäi vun der Stad Déifferdeng
- ↑ Den Antoine Diederich op www.ons-jongen-a-meedercher.lu
- ↑ Doudesannonce vum Antoine Diederich am Luxemburger Wort vum 30. Mee 1978 op eluxemburgensia.lu gekuckt den 8. Februar 2022
- ↑ Raths, Aloyse, 2008: Unheilvolle Jahre für Luxemburg - Années néfastes pour le Grand-Duché, S.375-377.
- ↑ 5,0 5,1 'Les origines du jumelage entre Grevenmacher et Aubière' mat Informatiounen iwwer den Antoine Diederich op der Websäit vun der Stad Aubière
- ↑ "Esch/Alzette - Straße nach dem Widerstandskämpfer Antoine Diederich benannt." Luxemburger Wort, 26. Mee 2001.
- ↑ "Esch-s-Alzette Gedenkstein für Resistenzler Antoine Diederich enthüllt". Luxemburger Wort 12. September 2002.