Haaptmenü opmaachen

De Matthieu Paul Hermann Laurent, gebuer den 2. September 1841 an der Stad Lëtzebuerg[1], a gestuerwen den 19. Februar 1908 zu Paräis, war e franséische Mathematiker.

Paul Matthieu Hermann Laurent
Hermann Laurent.jpeg
Gebuer 2. September 1841
Lëtzebuerg
Gestuerwen 19. Februar 1908
Paräis
Nationalitéit Frankräich
Aktivitéit Mathematiker
Wikidata-logo-without-paddings.svg

Säi LiewenÄnneren

Seng Eltere waren den Auguste Laurent an d'Francine Schrobilgen, Duechter vum Mathieu-Lambert Schrobilgen. Gebuer gouf den Hermann zwar zu Lëtzebuerg, ass awer a Frankräich zu Bordeaux opgewuess, wou säi Papp, e bekannte Chemiker, op der Universitéit dozéiert huet. No deem sengem Doud, 1853, huet hien op der École polytechnique zu Paräis an op der École d'application zu Metz studéiert. Du war hie bis 1865 Offizéier an der franséischer Arméi. Vun 1862 un huet den Hermann Laurent mathematesch Aarbechte verfaasst, déi éischt gouf 1865 publizéiert. 1866 krut hien no senger Dokteraarbecht eng Léierplaz op der Polytechnique. Déi Plaz huet hien 1870-1871 nees opginn, well hien am Däitsch-Franséische Krich erëm an der Arméi aktiv gouf.

No 1871 huet den Hermann Laurent och als Versécherungsmathematiker geschafft. 1889 gouf hie Professer an der Paräisser École agronomique. 1905 krut hien d'Légion d'honneur. Den Hermann Laurent ass den 19. Februar 1908 zu Paräis gestuerwen.

Mathematesch AarbechtenÄnneren

Dem Hermann Laurent säin éischt Wierk vun 1862 huet Traité des séries geheescht, 1865 huet hie säin Traité des résidus publizéiert. Hien huet 30 Bicher a vill kleng Publikatioune verfaasst, an huet sech och mat der Geometrie an der Statistik beschäftegt.

LiteraturÄnneren

  • Mersch, Jules, 1947. Mathieu-Lambert Schrobilgen, 1789-1883. Biographie nationale du Pays de Luxembourg, fasc. 1, S. 17-99 (Hermann Laurent: S. 64-65). [2]
  • Mersch, Jules, 1957. Mathieu-Lambert Schrobilgen, 1789-1883. Biographie nationale du Pays de Luxembourg, fasc. 1, 2e édition revue et corrigée, S. 17-99 (Hermann Laurent: S. 65).
  • Stumper, Robert, 1953. La vie et l'oeuvre d'un grand chimiste, pionnier de la doctrine atomique: Augustin Laurent, 1807-1853. Archives de l'Institut grand-ducal de Luxembourg, section des sciences, N.S. 20 (1951-1953), S. 47-93 (Hermann Laurent: S. 68, 71).
  • Stumper, Robert, 1962. Luxemburger Wissenschaftler im Ausland. Verbesserter und ergänzter Abdruck aus der Wochenschrift “d'Letzeburger Land”. Dréckerei Bourg-Bourger, Luxembourg, 114 S. (Mathematiker Hermann Laurent: S. 61-64).

Um SpaweckÄnneren

ReferenzenÄnneren

  1. Mersch 1947, S. 65; 1957, S. 65; Stumper 1953, S. 68; 1962, S. 63. — Um Internet liest een, den Hermann Laurent wier zu Iechternach gebuer (z. B. um Site The MacTutor History of Mathematics archive [1], opgeruff den 2. Juli 2012); am Gebuertsregëster vun der Stad Iechternach vum Joer 1841 ass säin Numm awer net ze fannen.