Haaptmenü opmaachen
Wikipedia

Horst Frank

Den Horst Bernhard Wilhelm Frank, gebuer den 28. Mee 1929 zu Lübeck, a gestuerwen de 25. Mee 1999 zu Heidelberg, war en däitsche Schauspiller.

Horst Frank
Horst Frank by Stuart Mentiply.jpg
Gebuer 28. Mee 1929
Lübeck
Gestuerwen 25. Mee 1999
Heidelberg
Doudesursaach Hireschlag
Nationalitéit Däitschland
Aktivitéit Schauspiller, Schrëftsteller, Filmschauspiller
Wikidata-logo-without-paddings.svg

Inhaltsverzeechnes

Säi LiewenÄnneren

Den Horst Frank huet zu Hamburg d'Schauspillschoul besicht.

No der Schauspillschoul huet en zu Lübeck, Bonn, Baden-Baden, Basel a Wuppertal Theater gespillt.

Seng éischt Filmroll hat hien 1957 am Krichsfilm Der Stern von Afrika.

Duerno huet en nach a weidere Krichsfilmer wéi Haie und kleine Fische an Hunde, wollt ihr ewig leben matgespillt.

Hie war vun Ufank un op d'Roll vum Béisen a senge Filmer festgeneelt, sou huet en e Mäerder an de Filmer Das Mädchen vom Moorhof, nom Roman vun der Selma Lagerlöf, an am Kriminalfilm Der Greifer duergestallt.

Hien huet awer net nëmmen an däitsche Filmer matgewierkt, a Frankräich huet hien ënner sou bekannte Regisseure wéi Georges Lautner, Claude Autant-Lara an Henri Decoin gespillt.

Am italienesche Film konnt een den Horst Frank och dacks gesinn. Hien huet net nëmme Rollen a Krimien an a Krichsfilmer gespillt, haaptsächlech war en a Spaghetti-Western ze gesinn.

Als Filmpartner hat hie sou bekannt Schauspiller wéi Karl Malden, Carroll Baker, Lee van Cleef, Hardy Krüger, Geraldine Chaplin an Hans Albers.

An de 70er Jore war den Horst Frank regelméisseg op der Televisoun ze gesinn, an dat besonnesch a Fernsehserië wéi Der Kommissar, Der Alte, Derrick oder Tatort.

1973 fänkt de Frank erëm un, Theater ze spillen. Mat enger eegener Inszenéierung vum Noel Coward sengem Fröhliche Geister geet en op Tournee. Ënner dem Peter Zadek spillt en 1992 Der blaue Engel an e puer Woche viru sengem Doud ass hien zu München opgetrueden an dem Woody Allen sengem Kaméidistéck Kugeln überm Broadway (Bullets over Broadway) ënner der Regie vum Volker Lechtenbrink. Dat war awer ze vill fir de Frank an e wollt sech an enger Privatklinik vun de Strapazen erhuelen.

Dräi Deeg viru sengem 70. Gebuertsdag, de 25. Mee 1999 owes géint néng Auer ass den Horst Frank an der Heidelberger Universitéitsklinik gestuerwen.

Den Horst Frank war véiermol bestuet, fir d'lescht mat der Schauspillerin Brigitte Kollecker. Aus sengem éischte Bestietnes stammt ee Jong. Mat senger zweeter Fra, der Schauspillerin Chariklia Baxevanos hat hien e Meedchen.

GielercherÄnneren

  • 1958 krut den Horst Frank de Preis der Deutschen Filmkritik als "Beschten däitschen Nowuesschauspiller" am Film Haie und kleine Fische
  • 1973 gouf hien Éierebierger vun der franséischer Stad Cognac.

CDenÄnneren

  • Am September 1989 koum bei Bellaphon Records eng CD eraus mat 15 Lidder. Den Horst Frank séngt ënner anerem: Geboren - In Liebe?, Schlafe,Gute Mutter Erde, Meine Kinder sollen lachen.

LiteraturÄnneren

  • Horst Frank: Leben heißt Leben. Erinnerungen, München, 1981
  • Horst Frank: Wenn ich im Spiegel mich beschau ... Gedichte, Frankfurt a.M., 1989, R. G. Fischer Verlag
    • Doraus:

Jung-Dracula

In der Vampirerei ....
bin ich ein Kuckucksei,
mir fehlt die richt'ge Lust
und auch der Schmiß -
selbst wenn es zwölfe schlägt
kein Appetit sich regt
nach einer Mädchenbrust
und einem Biß -
....

TrivialesÄnneren

  • Am Film Cariño mío (Die Liebe ist ein seltsames Spiel)", enger spuenesch-däitscher Koproduktioun vum Rafael Gil, spillt de Frank mat der Lëtzebuergerin Germaine Damar.
  • An der Serie Der Kommissar (mam Erik Ode als Kommissar) ass an der Folleg 43 Traum eines Wahnsinnigen (aus dem Joer 1972) den Horst Frank an enger fënneffacher Roll ze gesinn. Hie spillt doran de Verwandlungskënschtler Kabisch, dee fir dem Kommissar z'entwutschen, sech ëmmer nees hanner anere Maske verstoppt.

Seng FilmerÄnneren

KinofilmerÄnneren

Televisiounsfilmer (Auswiel)Änneren

Um SpaweckÄnneren

Vun „https://lb.wikipedia.org/w/index.php?title=Horst_Frank&oldid=2176242“