Haaptmenü opmaachen

Den Heywood "Woody" Allen, gebuer den 1. Dezember 1935 als Allan Stewart Konigsberg, ass en US-amerikanesche Schauspiller, Regisseur, Komiker, Museker an Dréibuchauteur, deen zanter iwwer 50 Joer aktiv ass.

Woody Allen
Woody Allen Cannes 2011.jpg
Gebuertsnumm Allan Stewart Konigsberg
Gebuer 1. Dezember 1935
Brooklyn
Nationalitéit USA
Educatioun Tisch School of the Arts
Aktivitéit Filmregisseur, Komiker, Filmschauspiller, Dréibuchauteur, Filmproduzent, Schrëftsteller, Klarinettist, Dramatiker, Jazzmuseker, Charakterschauspiller, Journalist, Museker, Schauspiller, Auteur, Science-Fiction-Schrëftsteller, Komponist
Member vun American Academy of Arts and Sciences
Famill
Liewenspartner(in) Mia Farrow, Diane Keaton
Kanner Moses Farrow
Wikidata-logo-without-paddings.svg

Hien huet an den 1950er als Auteur vu Sketcher fir d'Televisioun ugefaangen, an eng Rëtsch humoristesch Bicher mat Kuerzgeschichten, Theaterstécker a Parodië geschriwwen. An de fréien 1960er Joren huet den Allen ugefaangen, als Stand-up-Comedian ze schaffen, an huet dunn dee Personnage entwéckelt, deen een och dacks a senge Filmer eremfënnt: en onsécheren, intellektuellen Tipp, dee probéiert sech mat Wuertwitz duerch d'Liewen ze schloen (an dee wéineg mat senger richteger Personalitéit ze dinn huet).

An der Mëtt vun den 1960er Joren huet hien ugefaangen, Filmer ze dréinen. Bis haut sinn et der bal 50. Am Ufank waren dat Filmer fir ze laachen, mat vill Slapstick-Elementer dran, vun den 1970er u si seng Filmer méi eescht ginn, a sinn dacks vum Europäesche Kino (Bergman, Fellini,...) beaflosst. An deene meeschte vu senge Filmer huet hie selwer d'Dréibuch geschriwwen, a selwer an enger vun den Haaptrolle matgespillt. E Sujet, deen an deene méi eeschte Filmer dacks erëmkënnt, si Froen dono, wat fir en Afloss den Zoufall oder d'Schicksal op engem säi Liewe kann hunn.

Zu senge bekanntste Filmer zielen Annie Hall (1977), Manhattan (1979), Hannah and Her Sisters (1986), Match Point (2007), Midnight in Paris (2011) a Blue Jasmin (2012). Do dernieft spillt hien och vereenzelt a Filmer vun anere Regisseure mat.

De Woody Allen war 24-mol (Stand 2014) fir en Oscar nominéiert an huet e véiermol gewonnen dovun dräimol fir dat bescht Dréibuch an eng Kéier fir déi bescht Regie (Annie Hall). Den Allen spillt och Klarinett an trëtt reegelméisseg zu Manhattan mat enger klenger Jazzband op.

Inhaltsverzeechnes

FilmographieÄnneren

KinoÄnneren

als RegisseurÄnneren

vun 1969 bis 1979Änneren

vun 1980 bis 1989Änneren

vun 1990 bis 1999Änneren

vun 2000 bis 2009Änneren

vun 2010 bis ….Änneren

AuszeechnungenÄnneren

  • 1978: Oscar - Bescht Regie fir Annie Hall
  • 1978: Oscar - Bescht Originaldréibuch fir Annie Hall
  • 1987: Oscar - Bescht Originaldréibuch fir Hannah and her Sistsers
  • 2012: Oscar - Bescht Originaldréibuch fir Midnight in Paris

Um SpaweckÄnneren

Commons: Woody Allen – Biller, Videoen oder Audiodateien