Gemeng Bartreng
D'Gemeng Bartreng ass eng vun den 100 lëtzebuergesche Gemengen. Se läit am Kanton Lëtzebuerg. De Chef-lieu vun der Gemeng ass d'Uertschaft Bartreng vun där se och hiren Numm huet.
| Gemeng Bartreng | |
|---|---|
 | |
 d'Gemengenhaus zu Bartreng | |
| An anere Sproochen |
fr: Bertrange de: Bartringen |
| Land | Lëtzebuerg |
| Kanton | Kanton Lëtzebuerg |
| Chef-lieu | Bartreng |
| Buergermeeschter | M. Smit-Thijs (DP) |
| Awunner | 8.892 |
| 1. Januar 2024 | |
| Fläch | 1.737,9084 ha |
| Héicht | 287 m |
| Koordinaten |
49° 36’ 36’’ N 06° 02’ 59’’ O |
| LAU-Code | LU0301 |
| Websäit | https://www.bertrange.lu/ |
 | |
 | |
Zu der Gemeng Bartreng gehéieren ausser Bartreng selewer nach déi follgend Lieu-diten an Häff:
- Tossebierg
- Bartreng-Gare
- Helfenter Bréck
- Findelshaff
- Gréiwelsser Barrière a Gréiwelsser Haff
- Nidert mat dem Niderterhaff an engem Haus
- Boufert mat dem Bouferterhaff an engem Haus
- Luerenzscheier mat dem Luerenzscheierhaff
Kadastersektiounen
ännerenD'Gemeng Bartreng huet dräi Kadastersektiounen:
- A de Bertrange mat 550,4480 ha
- B de Beaufort mat 522,2668 ha
- C de Lorenzscheuer mat 665,1936 ha
Geographie
ännerenD'Gemeng Bartreng läit westlech vun der Stad Lëtzebuerg op enger Héicht tëscht zirka 280 an 345 m (NG-L).
D'Nopeschgemenge si Mamer a Stroossen am Norden, Lëtzebuerg am Osten, Leideleng a Reckeng op der Mess am Süden an Dippech am Westen.
Duerch d'Gemeng leeft vu Westen no Osten d'Péitruss. D'Grouf, eng Baach déi hiren Ursprong grad wéi d'Péitruss am ëstlechen Deel vun der Gemeng Dippech huet, leeft och vu Westen no Osten duerch d'Gemeng a fléisst da bei der Helfenter Bréck an d'Péitruss.
Verkéier
ännerenIwwer den Tossebierg leeft d'Nationalstrooss N6 déi op hirer ganzer Längt zu der Voie de la Liberté gehéiert.
Weider wichteg Stroosse sinn d'N34 an d'N35, déi d'Verbindung tëscht der N6 an der N5 maachen, déi an Ost-Westrichtung duerch d'Gemeng féiert.
Op der Helfenter Bréck ass d'Gemeng un d'Autobunn A6 ugeschloss, déi do zirka 350 m iwwer d'Gebitt vun der Gemeng leeft.
Ausserdeem lafen nach d'Chemin reprisen CR163 an CR181 duerch d'Gemeng.
D'Gemeng ass duerch d'Eisebunnsstreck Lëtzebuerg-Klengbetten un d'Eisebunnsnetz ugeschloss un där se eng Gare huet.
Duerch d'AVL-Buslinne 5, 6, 8, 10, 11 a 16 ass d'Gemeng duerch Busse mat der Stad Lëtzebuerg verbonnen.
Geschicht
ännerenDen 1. Januar 1850 (duerch Gesetz vum 6. August 1849) goufen d'Sektioun Stroossen an den Deel vun der Sektioun Reckendall dat um "ban de Strassen" louch, vun der Gemeng Bartreng ofgetrennt, fir eng nei Gemeng Stroossen ze schafen.
Am Annuaire officiel 1917 fënnt ee fir d'Gemeng Bartreng 1.202 Awunner, 250 bewunnten Haiser an 252 Famillen.
Wope vu Bartreng
änneren|
|
Beschreiwung am Originaltext Coupé d'argent et de gueules, au lion de l'un en l'autre, armé, lampassé et couronné d'or, la queue fourchue et passée en sautoir. |
Entwécklung vun der Awunnerzuel
änneren
Quell: STATEC
Politik
ännerenDe Gemengerot vu Bartreng gëtt nom Proporz-Walsystem gewielt. E setzt sech zanter 2011 aus 13 Conseilleren zesummen.
No de Gemengerotswale vum 8. Oktober 2017, bei deenen d'DP déi absolut Majoritéit krut, stellt dës Partei de Schäfferot, mam Frank Colabianchi als Buergermeeschter.[2] Virdru war d'DP an enger Koalitioun mat deene Gréngen.
Zesummesetzung
| Joer | CSV | DP | gréng | LSAP |
|---|---|---|---|---|
| 1999 | 2 | 7 | - | 2 |
| 2005 | 3 | 6 | 1 | 1 |
| 2011 | 3 | 6 | 3 | 1 |
| 2017 | 3 | 7 | 2 | 1 |
| 2023 | 3 | 7 | 2 | 1 |
Quell: Inneministère / RTL.lu / elections.lu
Buergermeeschteren
änneren- 1805-1808: Jean-François-Joseph d'Huart
- 1809-1816: Jean-Pierre Suttor
- 1817-1824: Jean-François-Joseph d'Huart
- 1825-1830: Jean-François Molitor
- 1831-1837: Jean-François-Joseph d'Huart
- 1838-1843: Jean Beissel vu Stroossen
- 1844-1848: Richard Wolter vu Stroossen[3]
- 1849-1854: Pierre Hutmacher
- 1855-1860: Nicolas Goergen
- 1661-1868: Jean-Pierre Muller
- 1869-1875: Théophile Fries
- 1875-1878: Jean-Pierre Muller
- 1879-1884: Hubert Hilger
- 1885-1896: Alexandre de Colnet
- 1897-1908: Hubert Hilger
- 1909-1918: Jean Kaufmann
- 1918-1925: Jean Theisen
- 1925-1935: Antoine Schneider
- 1935-1940: Nicolas Hilger
- 1944-1957: Nicolas Hilger
- 1958-1972: André Wolff
- 1972-1981: Joseph Marson
- 1982-2001: Niki Bettendorf
- 2002-2009: Paul Geimer
- 2009-2022: Frank Colabianchi
- Mäerz 2022 - : Monique Smit-Thijs
Jumelage
ännerenZanter dem 23. Mäerz 1997 ass Bartreng mat der italieenescher Gemeng Santa Maria Nuovo (Regioun Marken (Marche), Provënz Ancona) jumeléiert.
Interkommunal Syndikater
ännerenD'Gemeng Bartreng ass Member vu follgenden interkommunale Syndikater:
Kuckeswäertes an der Gemeng
änneren- Schlass Schauwebuerg
- Schlass De Colnet d'Huart
- Kierch Bartreng
- Bemierkenswäert Lannenallee um Gréiwelsser Haff
- d'Nëmmeswiss, en Naturschutzgebitt
-
Kierch a Schlass Schauwenburg -
Lannenallee -
Nëmmeswiss
.JPG)
Perséinlechkeeten aus der Gemeng Bartreng
änneren- Alexandre de Colnet d'Huart (1821-1905), Politiker
Literatur
änneren- Helbach, Jos: Der private Grossgrundbesitz in Luxemburg im 19. Jahrhundert - Seine Entwicklung und sein Schicksal, Eegeverlag, 2009. S. 29 - S. 40
Kuckt och
änneren
Um Spaweck
änneren| Commons: Bartreng – Biller, Videoen oder Audiodateien |
Referenzen
änneren- ↑ D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.
- ↑ "De Frank Colabianchi behält Buergermeeschterposten." rtl.lu,12.10.2017, 10:09:56.
- ↑ ARRÊTÉ ROYAL GRAND-DUCAL, du 29 décembre 1843, n°2926f, portant nomination des Bourgmestres et Echevins des villes, et des Bourgmestres des campagnes du Grand-Duché am Memorial N°3 vun 1844