Nationalstrooss 5

Nationalstrooss 5
	Um Wupp vun der N5 zu Rodange
	Laf vun der N5
Lëtzebuerg - Rodange
Land	Lëtzebuerg
Gestioun	Administration des ponts et chaussées
Ufank	Lëtzebuerg,; Nationalstrooss 7
Koordinaten	49°36'38,16"N, 6°7'33,89"O
Enn	Rodange
Koordinaten	49°32'26,30"N, 5°48'50,54"O
Duerch	Lëtzebuerg, Bartreng, Dippech, Käerjeng, Péiteng
Informatiounen a Websäiten
P & Ch	Beschreiwung vum Stroossennetz
Fandom	Nationalstrooss 5

D'Nationalstrooss 5 oder N5, och „Escher Strooss“ genannt, ass eng lëtzebuergesch Nationalstrooss an de Kantone Lëtzebuerg a Esch-Uelzecht. Si féiert vu Lëtzebuerg op Rodange a vun do weider a Frankräich, wou se Uschloss un déi franséisch D618 huet.

Laf an Uschlëss
Lëtzebuerg	N 7 Bd Royal
	CR 204 Bd Prince Henri
	CR 211 Bd Joseph II
	N 51 Bd G.-D. Charlotte
Belair	N 5A Avenue Guillaume
Märel	CR 230 rue de Strassen
Märel	CR 230 rue de Merl
Helfenter Bréck	N 34
	Eisebunnsstreck Lëtzebuerg-Péiteng
	A 6
	CR 181
	Péitruss
Gréiwelsser Barrière	N 35 CR 163
Dippech	CR 103
Dippech	N 13
Schuller	CR 103
	CR 103
	Mess
	CR 106
	CR 106A
Nidderkäerjeng	CR 110
Nidderkäerjeng	CR 110
Rond-point Biff	Kuer
	N 31
	A 13
Péiteng	N 5B
	CR 175
	N 5C
	N 5D
	Eisebunnsstreck Lëtzebuerg-Péiteng
Rodange	CR 177
	N 5E CR 176
	N 5F
Longlaville	D618

Se huet hiren Ufank an der Stad op der Kräizung vum Boulevard Royal (N7) mat der Avenue Monterey. Vun do féiert se iwwert d'Avenue Monterey an d'Avenue du Dix-Septembre bis op Kräizung mat der N5A (Avenue Guillaume). Vun do geet et weider iwwert d'Avenue du Dix-Septembre an iwwert d'Route de Longwy duerch Märel bis op d'Helfenter Bréck, wou se ënner der A6 erduerch geet.

Vun do un ass d'N5 en Deel vun der E44. Et geet weider iwwert d'Route de Longwy bis op e Rond-point, wou se op d'N35 an den CR163 trëfft, an da viru laanscht d'Gréiwelsser Barrière an de Findelshaff duerch Dippech. Hanner Dippech kräizt se op engem Rond-point d'N13 a geet weider duerch Schuller a laanscht d'Industriezon Robert Steichen (fréier: Bommelscheuer) an dann iwwert d'Avenue de Luxembourg duerch Nidderkäerjeng.

Am Ausgank vun Nidderkäerjeng kräizt se am Rond-point d'N31 respektiv d'A13. Vun hei un ass d'N5 net méi Deel vun der E44. Et geet weider iwwert d'Route de Luxembourg a Route de Longwy duerch Péiteng.

Um Enn geet d'N5 iwwert d'Route de Luxembourg a Route de Longwy duerch Rolleng a Rodange bis op d'franséisch Grenz, wou se an déi franséisch D618 iwwergeet, déi op Longlaville féiert.

D'N5 ass ronn 24,6 km laang.

Entwécklung vun der N5

D'Strooss Lëtzebuerg - Rodange - franséisch Grenz besteet zanter 1843. Se gouf deemools als „Lonkecher Strooss“ bezeechent an huet déi belsch Grande route de deuxième classe ersat, déi vu Lëtzebuerg op Lonkech gelaf ass;
1845 ass d'Streck vun der Strooss festgeluecht ginn, fir se vu Péiteng op d'franséisch Grenz ze bauen^[1];
Am Laf vun de Jore gouf et Upassungen um Tracé op der Héicht vum Gréiwelsser Haff a beim Bouferterhaff. Mat der Ëmklasséierung vun Deeler vum staatleche Stroossereseau sinn deemno 1958 Deeler vun der fréierer Strooss deklasséiert ginn^[2].
Mëtt vun den 1970er Jore gouf en Deel vun der N5 tëscht der Helfenter Bréck an Dippech am Kader vum Gesetz iwwer déi grouss Stroosseprojeten ugepasst^[3].
Den Tracé op der Héicht vu Schuller gouf ugepasst^[Wéini ?].
1995 ass d'Streck iwwer d'Rollenger Bréck geluecht ginn; de fréieren Tracé (rue des Prés - route de Luxembourg) gouf an eng Gemengestrooss deklasséiert^[4].
Mam geplangte Contournement vun Nidderkäerjeng kënnt eng weider gréisser Upassung op d'N5 duer^[5].