Lannenallee um Gréiwelsser Haff

D'Lannenallee um Gréiwelsser Haff zu Bartreng féiert vun der Lonkecher Strooss (E44 / N5), op der Héicht vu Gréiwelsser Barrière, bis bei dat éischt Wunnhaus beim Haff. Tëscht de Lanne stinn vereenzelt Eschen an Eechen.

D'Lannenallee um Gréiwelshaff, Richtung Lonkecherstrooss gekuckt. (Mee 2008).
D'Allee am Virfréijoer (Mäerz 2008).

Dës Lanne gehéieren wéinst hirem Gesamtandrock zu de bemierkenswäerte Beem zu Lëtzebuerg. De geneeën Alter vun der Allee ass net bekannt an et ass och net gewosst ob et sech ëm Summer- oder Wanterlannen handelt.

D'Lannenallee gouf 2002 fir d'éischt op d'Lëscht vun de bemierkenswäerte Beem zu Lëtzebuerg gesat.

Ëm 2000 gouf beim déckste Bam en Ëmfank op Broschthéicht vun 2,54 m bei enger Gréisst vun 21 m gemooss.

Geographesch Koordinaten: 49° 35’ 48.63’’ N 06° 02’ 49.60’’ O

InteressantesÄnneren

  • Op de Lanne vun dëser Allee kënnt eng bemierkenswäert héich Zuel vu Flechtenaarte vir, dorënner och e puer seelener. Ënner deene ronn 50 Aarten déi hei festgestallt goufen, ass och eng, déi bis haut nach net vun de Spezialiste konnt identifizéiert ginn.
  • Bis elo (2008) gouf et nach keng Verëffentlechung mat der Beschreiwung a Fotoe vun dëser Allee.

QuellenÄnneren

  • Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. Tabell S. 247; keng Beschreiwung a keng Foto vun der Allee an dësem Buch).

Kuckt ochÄnneren

Um SpaweckÄnneren

FotoalbumÄnneren

 
E Stamm deen dicht mat Flechte bewuess ass.
 
Op dëser Bamschuel sinn dräi Flechtenaarten ze gesinn