AVL-Linn 16

D'AVL-Linn 16 ass eng Buslinn vun de Stater Bussen. Si fiert zanter dem 13. Dezember 2020 um Trajet Bartreng, Europaschoul II - Stroossen - Stad - Kierchbierg - Flughafen. Tëscht Bartreng an der Stad fiert se parallel mat der Linn 11 an duerno, bis op de Flughafen, deels parallel mat der Linn 6. Den 2. Mäerz 2025 ass den Trajet um Kierchbierg liicht ugepasst ginn, fir eng besser Verbindung mam Spidol um Kierchbierg ze garantéieren.

AVL-Linn 16

D'Linn 16 virum Rond-point Robert-Schuman
Bartreng - Flughafen
Bedreiwer	Autobus de la Ville de Luxembourg, Régime général des transports routiers
vu(n)	Bartreng, École Européenne II 49°37'4,4080"N, 6°2'18,0935"O
op	Aéroport Quai 1 49°38'5,2192"N, 6°12'55,3885"O
iwwer	Bartreng, Stroossen, Belair, Uewerstad, Kierchbierg, Sennengerbierg, Fluchhafe Lëtzebuerg
Gefiertyp	Gelenkbus
opgaang	13. Dezember 2020
Technesch Donnéeën allkéiers fir Aller a Retour
Längt	19.585 m, 18.790 m
Fuerzäit	50 min, 48 min
mëttel Vitess	23,50 km/h, 23,49 km/h

D'Linn 16 huet 29 Halte pro Richtung. Se fiert vu méindes bis freides all 15-20 Minutten an de Weekend all hallef Stonn. Op den Halte Stäreplaz / Étoile, Hamilius, Rout Bréck - Pafendall, Luxexpo, Héienhaff / PE an Aéroport kann ee vun der Linn 16 op d'Tramslinn T1 ëmklammen.

Duerch eng Konventioun tëscht der Stad Lëtzebuerg an dem Mobilitéitsministère iwwer AVL-Buslinnen déi vun der Stad aus an eng Nopeschgemeng fueren, gehéiert d'Linn 16 zum “service coordonné AVL/RGTR”.

Halten op der Linn 16

(D'Nimm vun den Halte si sou uginn, wéi s'am offizielle Fuerplang publizéiert sinn.)

	Halten	Bemierkung
	Bertrange, École Européenne II
↑	Bertrange, Gaston Thorn / LJBM	just dräi Faarte bei Schoulufank
	Bertrange, Belle Étoile
	Strassen, Schoenacht
	Strassen, Geesseneck
	Strassen, Kesseler
	Strassen, Barblé
	Strassen, Benelux
	Strassen, Aurélia
	Strassen, Hondseck
	Strassen, Huorgarten
	Wandmillen
	Rue d'Ostende
	Nicolas Simmer
	Stäreplaz / Étoile
↓	Wampach
	Hamilius
	Fondation Pescatore
	Rout Bréck - Pafendall	Gare Pafendall-Kierchbierg
	B.E.I.
	Jean Monnet
	Antoine de St Exupéry
	Konrad Adenauer
	Avalon
	Chambre des Métiers
	Alphonse Weicker
	Hôpital Kirchberg
	Luxexpo
	Senningerberg, Héienhaff / PE
	Senningerberg, Parishaff
	Aéroport	gemeinsamen Terminus mat der Linn 6

Entwécklung vun der Linn 16

Mat der selwechter Linnennummer goufe follgend Trajete gefuer:

• vum 08.06.1931 un ass déi Pafendaller Linn um Trajet Stad - av. de la Liberté - Gare - Stadgronn - Pafendall gefuer. Den 01.10.1962 gouf si als Linn 16 bezeechent.
• 1971 - 1981: Stad - Gare - Stadgronn - Clausen - Pafendall
• 1981 - 1992: Gare - Stad - Pafendall - Clausen - Stadgronn - Gare - Stad. Eng Linn mat der Nummer 16A ass an der entgéintgesater Richtung gefuer.
• 1992 - 2001: Gare - Stad - Kierchbierg / Institutions Européennes
• 2001 - 2003: Hesper/Cité um Schlass - Gare - Stad - Kierchbierg / Edward Steichen
• 01.09.2003 - 12.12.2020: Hesper, Cité um Schlass - Houwald - Gare - Stad - Kierchbierg - Flughafen; sonndes gouf den Deel tëscht der Gare an Hesper awer net ugefuer.

Fir net parallel mam Tram iwwer d'Avenue John F. Kennedy ze fueren, ass den Trajet den 10. Dezember 2017 um Kierchbierg liicht geännert ginn. D'Linn 16 ass vun deem Dag un iwwer de Boulevard Konrad Adenauer an de Circuit de la Foire internationale gefuer. Duerno, den 3. November 2019, ass wéinst dem Tramsschantje d'Streck tëscht der Gare an der Uewerstad iwwer d'Al Avenue, d'Al Bréck an de Boulevard Roosevelt amplaz iwwer d'Nei Avenue an d'Nei Bréck ëmgeleet ginn.

Um Spaweck

Commons: AVL-Linn 16 – Biller, Videoen oder Audiodateien

• Linn 16 op der Säit vun der Stad Lëtzebuerg