Roger Manderscheid
De Roger Manderscheid, gebuer den 1. Mäerz 1933 zu Izeg, a gestuerwen den 1. Juni 2010[1] war e lëtzebuergesche Schrëftsteller. Hien huet op Däitsch a Lëtzebuergesch Romaner, Gedichter, Theaterstécker, Lauschterspiller, Dréibicher an Erzielunge geschriwwen a war och als Zeechner aktiv.
| Roger Manderscheid | |
|---|---|
 | |
| Gebuer |
1. Mäerz 1933 Izeg |
| Gestuerwen |
1. Juni 2010 Lëtzebuerg |
| Doudesursaach | Kriibs |
| Nationalitéit | Lëtzebuerg |
| Educatioun | Stater Kolléisch |
| Aktivitéit | Schrëftsteller, Dréibuchauteur, Schauspiller |
| Member vun | Lëtzebuerger Schrëftstellerverband |
 | |
Bekannt gouf e virun allem fir säin Dréibuch vu Stille Tage in Luxemburg (1973), e Portrait vun der Stad Lëtzebuerg, an deem e mat kriteschen an ironesche Commentairen net gespuert huet an dat dofir fir munnech Kritik gesuergt huet, a fir seng Romantrilogie Schacko Klak - De Papagei um Käschtebam - Feier a Flam (1988-1995), eng Zort Bildungsroman-Serie, an där d'Kandheet an d'Jugend vum Haaptpersonnage Christian Knapp erzielt gëtt, an déi munnech autobiographesch Elementer opweist.
Säi LiewenÄnneren
Vun 1946-1952 goung de Roger Manderscheid an de Stater Kolléisch, an no sengem Premièresexamen war hien dräi Méint laang Stagiaire als Schoulmeeschter. Vun 1953-1956 war hie Reserve-Offizéier an der Lëtzebuerger Arméi a vun 1956-1973 Fonctionnaire bei der Eisebunn, dunn um Ministère du Travail. Tëscht 1973 an 1993 war hie Fonctionnaire um Ministère de la Culture.
De Roger Manderscheid war Member vum däitsche PEN-Club an Éierepresident vum Lëtzebuerger Schrëftstellerverband (LSV). 2000 war hien ee vun de Matgrënner vun den Éditions Ultimomondo.
No sengem Doud krut de Passage nieft dem Kapuzinertheater, deen d'Theaterplaz mat der Kapuzinerstrooss verbënnt, den Numm Passage Roger Manderscheid. Zu Izeg dréit zanter dem Mee 2013 eng Plaz dem Roger Manderscheid säin Numm.[2]
Säi WierkÄnneren
- Der taube Johannes. Erzielungen, Lëtzebuerg: Luja-Beffort, 1963.
- Die Glaswand. Lauschterspill, Esch-Uelzecht, 1966.
- Statisten: 3 Lauschterspiller. Radiografie, Buergbesichtegung, Papiertiger, Esch-Uelzecht, 1970.
- Die Dromedare: Stilleben für Johann den Blinden, Lëtzebuerg; Esch-Uelzecht. 1973.
- Stille Tage in Luxemburg: ein Drehbuch, Lëtzebuerg, 1975.
- Schrott, Déifferdang, 1978.
- Leerläufe mit Zeichnungen von Anna Recker, Esch-Uelzecht, 1978.
- Ikarus. Dreissig Ausflüge und ein Absturz. Lëtzebuerg, 1983.
- Rote Nelken für Herkul Grün, Iechternach, 1983.
- Mam Velo bei d'Gëlle Fra: Gedichter a Prosastécker, handgeschriwwen a gezeechent vum Roger Manderscheid, Lëtzebuerg, 1986.
- Schacko Klak: Biller aus der Kandheet (1935-1945), Iechternach, 1988.
- Hannerwëtz mat Bireschnëtz / Lëtzebëtz, Esch/Sauer, 1991.
- De Papagei um Käschtebam: Zeenen aus der Nokrichszäit, Iechternach, 1991.
- Mein Name ist Nase: Geschichten aus dräi Joerzéngten, Iechternach, 1993.
- Zwee Gedichter: e Buch aus Eisen v. Jeannot Bewing, 1994.
- Feier a Flam: Geschichten aus de fofzeger Joren, Iechternach, 1995.
- Papier libre: Konschtbuch, d'Gedicht v. R.M. mat Zeechnunge vum Rico Sequeira, Lissabon, 1998.
- Summa summarum: Gedichter aus engem vergangene Joerhonnert, Iechternach, Ed. Phi., 2000.
- BUZZ-Kalenner fir Kanner 2001, Nouspelt, ultimomondo, 2000.
- schwarze engel. Geschichten, Nouspelt, ultimomondo, 2001.
- D'Magali flitt an den Himmel, Nouspelt, ultimomondo, 2001.
- Polaroid: instant texte, Esch-Uelzecht, Ed. Phi, 2002.
- Kasch - E genie verschwënnt an der Landschaft. roman fir de jeannot bewing, ultimomondo 2005.
- Der sechste Himmel ass dee vum Auteur iwwersate Feier a Flam, Gollenstein Verlag, 2006
- ech fléie wann dee schluet eriwwer ass / schrëftbiller, mat Texter vum Guy Rewenig. D'Buch ass an engems de Katalog zur Ausstellung mam nämmlechten Numm am Centre national de littérature (18. Mäerz bis 8. Mee 2009) gewiescht. Éditions ultimomondo, 2009, 108 S. ISBN 978-2-919933-52-5
- Lies de bal, zesumme mat Cathy Clement, Lucien Blau, Josy Braun, Tullio Forgiarini, Pol Greisch, Jhemp Hoscheit, Nico Graf, Henri Losch, Editions Saint-Paul, Editions Guy Binsfeld, 2014
Kuckt och: Bibliographie BNL [1]
FilmerÄnneren
- Stille Tage in Luxemburg, (Dréibuch a Schauspiller) (TV) 1973
AuszeechnungenÄnneren
- 1990: Batty-Weber Präis.
- 1992: Servais-Präis (Fir säi Roman Papagei um Käschtebam).
- 1995: Premier prix beim Concours littéraire national (Fir seng Erzielung Pflastersteine).
- 2005: Gustav-Regler-Preis vun der Kreisstadt Merzig fir säi Gesamtwierk
LiteraturÄnneren
- Frank Wilhelm, <<houreschräiss schlot se freckt>> - Hommage à Roger Manderscheid (1933-2010), écrivain, dessinateur, outrancier et juste ; in: forum, Nr. 299 (September 2010), Ss. 43-45 (ill.).
- Bicherbuch - Livre des livres - Bücherbuch - Book of books, Éditions Ultimomondo, 2010, ISBN 978-2-919933-65-5, Ss. 59-90
- Goetzinger, Germaine, 2007. Manderscheid, Roger. in: Goetzinger, Germaine & Claude D. Conter, zesumme mat Gast Mannes, Pierre Marson, Roger Muller, Nicole Sahl, Sandra Schmit a Frank Wilhelm, 2007. Luxemburger Autorenlexikon. 687 S. Publications nationales du Ministère de la culture. Centre national de littérature, Mersch. ISBN 978-2-919903-06-1. Online-Versioun. Stand: 21. November 2011. http://www.autorenlexikon.lu/page/author/260/1260/DEU/index.html [opgeruff de 4. Januar 2012].
Um SpaweckÄnneren
| Commons: Roger Manderscheid – Biller, Videoen oder Audiodateien |
ReferenzenÄnneren
- ↑ Der Schriftsteller Roger Manderscheid verstorben (Artikel am Tageblatt)
- ↑ Luxemburger Wort 2013, Nr. 115 (18. Mai), S. 33 (Gestern im Gemeinderat Hesperingen: Platz nach Roger Manderscheid benannt).