Roger Muller

De Roger Muller, gebuer 1937, a gestuerwen den 2. November 2016, war e lëtzebuergeschen Enseignant an Auteur.

Roger Muller
Gebuer	1937
Gestuerwen	2. November 2016
Nationalitéit	Lëtzebuerg
Aktivitéit	Auteur

Hien huet eng Rëtsch Aarbechten iwwer d'lëtzebuergesch Literatur aus dem 19. Joerhonnert verëffentlecht.

Vun 1996 bis 2008 war hie fräie wëssenschaftleche Mataarbechter am Centre national de littérature zu Miersch.

Hie war Coediteur vum Luxemburger Autorenlexikon (2007).

Studium an Enseignement

De Roger Muller huet seng Karriär am Enseignement als Schoulmeeschter ugefaangen; hien huet zu Ouljen an zu Lenningen Schoul gehalen. No engem zousätzleche Studium an den Erzéiungswëssenschaften an an der Germanistik zu Lëtzebuerg, Metz an Tréier, gouf de Roger Muller Professer am Collège d'enseignement moyen (haut Lycée Michel-Lucius) an am Centre de langues an der Stad Lëtzebuerg.

Publicatiounen (Auswiel)

• Dicks - Rodange - Lentz. Die Geschichte ihrer literarischen Beziehungen; erausgi vum Centre national de Littérature, Miersch, 2017; 320 S.

Literatur

• Goetzinger, G. & G. Mannes, 2017. Roger Muller (1937-2016). Seine Liebe gehörte der Luxemburger Literatur. Die Warte 2017-10-05, S. 4-5.
• Roth, L., 2016. Äddi, léif Komeroden, Kollegen a Frënn! Luxemburger Wort 2016-11-11, S. 55 (betrëfft: André Schmit, Roger Muller, Jos Scheer).