Gemeng Wëntger
|
Dësen Artikel beschäftegt sech mat der lëtzebuergescher Gemeng am Kanton Klierf. Fir déi däitsch Stad an der Verbandsgemeng Saarburg, kuckt wgl. Wëncher. |
D'Gemeng Wëntger ass eng vun den 100 lëtzebuergesche Gemengen. Se läit am Kanton Klierf. De Chef-lieu vun der Gemeng ass d'Uertschaft Wëntger vun där se och hiren Numm huet.
| Gemeng Wëntger | |
|---|---|
 | |
.jpg) Märei vu Wëntger | |
| An anere Sproochen |
fr: Wincrange de: Wintger |
| Land | Lëtzebuerg |
| Kanton | Kanton Klierf |
| Chef-lieu | Wëntger |
| Buergermeeschter | Marcel Thommes (CSV) |
| Awunner | 4.804 |
| 1 Januar 2023 | |
| Fläch | 11.336 ha |
| Héicht | 490 m |
| Koordinaten |
50° 03’ 12’’ N 05° 54’ 52’’ O |
| LAU-Code | LU0502 |
| Websäit | https://wincrange.lu |
 | |
Geographie Änneren
Am Nord-Weste vum Éislek op engem Plateau tëscht 450 a 523 m am Kanton Klierf läit d'Gemeng Wëntger mat 27 Dierfer. Mat enger Fläch vun 113,68 km², ass se flächeméisseg déi gréisst Gemeng am Grand-Duché. D'Gemeng grenzt am Norden un Ëlwen, am Nord-Osten u Wäiswampech, am Osten u Klierf am Süden u Wanseler a Wolz an am Westen un d'Belsch.
Uertschaften a Lieu-diten an der Gemeng[1] Änneren
- Uertschaften an der fréierer Gemeng Aasselbuer:
- Uertschaften an der fréierer Gemeng Béigen:
- Uertschaften an der fréierer Gemeng Helzen:
- Uertschaften an der fréierer Gemeng Uewerwampech:
- Häff a Lieu-diten an der fréierer Gemeng Aasselbuer:
- Häff a Lieu-diten an der fréierer Gemeng Béigen:
Geschicht Änneren
D'Gemeng Wëntger ass den 1. Januar 1978 aus der Fusioun vun de Gemengen Aasselbuer, Béigen, Helzen an Uewerwampech entstanen[2]. Déi éischt 3 vun dëse Gemenge louchen am Klierfer Kanton, Uewerwampech huet zum Wëlzer Kanton gehéiert; déi nei Fusiounsgemeng gehéiert zum Kanton Klierf.
Bei där Fusioun, goufe 7 ha 88 a aus der Sektioun B vun Aasselbuer bei d'Gemeng Ëlwen geprafft.
D'Uertschaft Wëntger huet virun der Fusioun zur Gemeng Béigen gehéiert.
Odonymie Änneren
De 25. Februar 2019 kruten d'Stroossen an allen Dierfer vun der Gemeng Wëntger, als lescht am Land, offiziell Odonymmen. Virdrun hat all Haus nëmmen eng Nummer[3]. D'Nimm vun de Stroosse sinn all op Lëtzebuergesch an et gouf op déi lokal Aussprooch opgepasst. Sou heescht z. B. d'Haaptstrooss zu Kréindel an Hannerhaassel „Duarrefstrooss“ iwwerdeems et zu Helzen an Houfelt „Duärrefstrooss“ ass[4].
Entwécklung vun der Awunnerzuel Änneren
Quell:STATEC
Wopen Änneren
|
|
Beschreiwung am Originaltext: d'or à la colonne à perron surmontée d'une globe sommé d'une croix, le tout de sable, au chef de gueules au cor contourné d'or accosté de deux fleurs de lis d'argent |
Politik Änneren
De Gemengerot vun der Gemeng Wëntger gëtt nom Proporzsystem gewielt. E besteet aus 11 Conseilleren.
Zesummesetzung
D'Majoritéitskoalitioun am Gemengerot ass fett geschriwwen
| Joer | ADR | CSV | DP | LSAP |
|---|---|---|---|---|
| 2005 | 1 | 5 | 4 | 1 |
| 2011 | 1 | 5 | 2 | 3 |
| 2017 | 1 | 4 | 2 | 4 |
| 2023 | 1 | 4 | 2 | 4 |
Quell: Inneministère / RTL.lu / elections.lu
Buergermeeschteren Änneren
 Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.
|
- 1978 - ...: ...
- ...
- 1993 - 2005: Agnès Durdu
- 2005 - 2023: Marcel Thommes
Interkommunal Syndikater Änneren
D'Gemeng Wëntger ass Member vu follgenden interkommunale Syndikater:
Bekannt Leit aus der Gemeng Änneren
- Charles Becker (gebuer 1881 zu Uewerwampech), Enseignant a Schrëftsteller
- Roger Bertemes (gebuer 1927 zu Béigen), Moler a Graphiker
- Charles Bivort (gebuer 1845 zu Tratten), Entreprener, Schrëftsteller an Erfinder
- Pierre Burggraff (gebuer 1803 zu Tratten), Universitéitsprofesser
- Johan Caspar de Cicignon (gebuer ëm 1625 zu Uewerwampech), Militäringenieur, Militär, Urbanist
- Jean Mathieu Conzemius (gebuer 1775 zu Stackem), Klengadelegen an Offizéier
- Gaspard Krettels (gebuer 1918 zu Boxer), Geeschtlechen, Enseignant, Journalist a Schrëftsteller
- Nicolas Mathieu (gebuer 1880 zu Déierbech), Politiker
- Bernard-Hubert Neuman (gebuer 1818 zu Béigen), Jurist a Politiker
- Roby Treis (gebuer 1946 zu Boxer), Vëlossportler
- Nic Weber (gebuer 1926 zu Bruechtebaach), Journalist, Publizist a Schrëftsteller
- Jean Weicherding (gebuer 1843 zu Bruechtebaach), Geeschtlechen an Auteur
- Willy Wenkin (gebuer 1920 zu Weiler), Resistenzler an der belscher Resistenzgrupp B2
- Nico Wennmacher (gebuer 1947 zu Diänjen), Politiker a Gewerkschaftler
- Jean Winkin (gebuer 1905 zu Uewerwampech), Bauer a Politiker
Kuckeswäertes an der Gemeng Änneren
- D'Klaus zu Helzen
- Den Altor aus der Klaus vun Helzen an der Parkierch zu Helzen
- D'Kierch zu Houfelt
- De Kanal zu Houfelt, en Deel vum Meuse-Musel-Kanal
- Klouschter op der Pafemillen
- D'Auschwitz-Monument op der Pafemillen
- Bauerenhaff mat Kapell zu Weiler
- Halifax-Monument op der Maulesmillen
Kuckt och Änneren
- Lëscht vun den nationale Monumenter an der Gemeng Wëntger
- Naturschutzgebitt Ramescher
- La traversée des pays et des âges, e belsch-lëtzebuergesche Wanderwee deen duerch d'Gemeng Wëntger leeft
- Bemierkenswäert Lannen zu Diänjen
- Lëscht vun de Lëtzebuerger Gemengen
- Lëscht vun de Lëtzebuerger Uertschaften
- Lëtzebuerger Kantonen
- Entwécklung vun der Gemengenzuel zu Lëtzebuerg
- Lëscht vun de Lëtzebuerger Stied
Um Spaweck Änneren
| Commons: Wëntger – Biller, Videoen oder Audiodateien |
Referenzen Änneren
- ↑ D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.
- ↑ Loi du 31 octobre 1977 portant fusion des communes de Asselborn, Boevange/Clervaux, Hachiville et Oberwampach. legilux.public.lu (01.12.1977). Gekuckt de(n) 19.07.2020.
- ↑ "Gemeinde führt erstmals Straßennamen ein." wort.lu, 17.02.209.
- ↑ Registre national des adresses. Administration du cadastre et de la topographie. Gekuckt de(n) 21.07.2020.