Kuer

D'Kuer (och Kar, Kor oder Korn, Chiers op Franséisch; Korn op Däitsch) ass e Floss zu Lëtzebuerg, laanscht der Belsch an a Frankräich. Si ass en Niewefloss vun der Meuse.

Kuer

D'Kuer zu Charency-Vezin
An anere Sproochen	fr: Chiers de: Korn
Längt	112 km
Duerchnëttsdebit	30,6 m³/s
Hydrographesche Baseng	Meuse-Baseng
Fläch vum Baseng	2.222 km²
Originn
Originn	Quell
Héicht	340 m
Koordinaten	49° 30’ 14.2’’ N       05° 53’ 51.7’’ E
Konfluenz
Leeft an	Meuse
Plaz	Bazeilles Remilly-Aillicourt
Héicht	151 m
Koordinaten	49° 39’ 31.0’’ N       4° 59’ 39.8’’ E
Geographie
Land	Lëtzebuerg Belsch Frankräich
Regioun	Minettsgéigend Gaume

D'Kuer entspréngt an der Gemeng Déifferdeng südlech vun Uewerkuer op enger Héicht vun 318 m, um Fouss vum Ronnebierg um Flouer Korspronk, a leeft dann a Richtung Norde bis op d'Biff tëscht Nidderkäerjeng a Péiteng. Do béit se of no Westen, fir da weider laanscht Lénger a Péiteng bis op Rodange ze lafen. Zu Rodange leeft s'eriwwer a Frankräich, duerch Lonkech a Longuyon (Departement Meurthe-et-Moselle) a mécht bei Torgny (Gemeng Rouvroy) op e puer Kilometer d'Grenz mat der Belsch. Se leeft virun duerch Frankräich, laanscht Montmédy, (Departement Meuse) a Carignan (Departement Ardennes).

Op der Gemengegrenz vu Bazeilles mat Remilly-Aillicourt, no bei Sedan, leeft d'Kuer, no 112 km an d'Meuse.

Si ass ee vun de lëtzebuergesche Waasserleef, deen net zum Baseng vun der Musel gehéiert.

Nieweflëss

• Zu Lëtzebuerg
  • Rouerbaach tëscht Déifferdeng a Käerjeng
  • Mierbaach op der Biff
  • Wessegbaach bei Lénger
  • Millebaach zu Rolleng
  • Maragole am Grousse Brill tëscht Péiteng a Rodange
• An der Belsch
  • Miezegerbaach zu Attem
• Op der belsch-franséischer Grenz
  • Ton
• A Frankräich

• • Brühl mat dem Ruisseau des Chmettes bei Mont-Saint-Martin
  • La Moulaine
  • Crusnes
  • Ruisseau de Poncel
  • Dorlon zu Charency-Vezin
  • Ruisseau d'Épiez zu Épiez-sur-Chiers
  • Ruisseau de la Naue
  • Ruisseau de Fresnois
  • Othain
  • Le Chabot
  • Ruisseau des onze Fontaines
  • Thonne
  • Loison
  • Ruisseau de la Charpenterie
  • Ruisseau du Bouillon
  • Ruisseau de Baâlon
  • Ruisseau de Bièvres
  • Ruisseau du Moulin
  • Marche
  • Fossé des Dors
  • Ruisseau du Woyen
  • Ruisseau de Prêle
  • Ruisseau du Fond de Naive
  • Ruisseau de Nonne
  • Aunois
  • Ruisseau de la Fabrique
  • Ruisseau de Lombut
  • Ruisseau de Vaudimé
  • Ruisseau rouge
  • Ruz de Londres
  • Ruisseau de Magne
  • Ruisseau de Boulacourt
  • Ruisseau de Rubecourt

Debit

Mëttleren Debit vun der Kuer (a m³/Sekonn), gemooss an der hydrologescher Statioun vu Carignan
Gerechent iwwer 43 Joer .

Pollutioun am August 2019

Den 1. August 2019 ass um Terrain vun der Firma Kronospan zu Suessem e groussen Holzbrand ausgebrach. Wéi d'Réckhaltebecken d'Läschwaasser net méi all faasse konnten, ass et vun do aus an d'Kuer gelaf. An engem Pressecommuniqué hunn den Ëmweltministère an de CGDIS (Corps grand-ducal d'incendie et de secours) matgedeelt, datt Kuer duerch d'Läschwaasser staark belaascht gouf : d'Konzentratioun vun Ammonium (NH4⁺) hat staark zougeholl an et war kee geléiste Sauerstoff méi am Waasser, wat fatal fir d'Liewewiesen an der Baach war.

Kuckt och

• Lëscht vun de lëtzebuergesche Waasserleef
• Lëscht vun de lëtzebuergesche Waasserleef mat hiren Anzuchsgebidder

Um Spaweck

Commons: Chiers – Biller, Videoen oder Audiodateien