Fort Thüngen
De Fort Thüngen, am Volleksmond Dräi Eechele genannt wéinst der apaarter Dekoratioun vu sengen Tierm, war e Fort vun der Festung Lëtzebuerg, deen zum baussenzege Festungsrank gehéiert huet an um Kierchbierg läit, nordëstlech vum Fort Obergrünewald a südlech vum Fort Olizy. E war op der Plaz vum Vauban senger Redoute du Parc, opgeriicht ginn.
 | |
| Land | Lëtzebuerg |
|---|---|
| Gemeng | Lëtzebuerg |
| Koordinaten | 49°36'59"N, 6°8'20"O |
| Datum vum Bau | 1733 |
 | |
De Fort Thüngen gouf nom éisträichesche Festungskommandant Adam Sigmund von Thüngen genannt. 1836 gouf de Fort vun de Preisen erweidert a krut och seng dräi ronn Tierm mat den Dräi Eechelen. De Fort gouf an de Joren 1870 - 1874 ofgerappt am Kader vum Schleefe vun der Festung Lëtzebuerg. Nëmmen d'Agangstierm an d'Grondmaueren, déi 1991 nees fräigeluecht goufe sinn erhale bliwwen.
De Ravelin vum Fort ass deelweis zerstéiert ginn, fir dorop de Musée d'Art Moderne Grand-Duc Jean ze bauen.
Um Kierchbierg erënnert nach eng Strooss un de Fort: d'Rue du Fort Thüngen.
Musée Dräi Eechelen Änneren
No Restauratiounsaarbechte ass de Musée Dräi Eechelen, Forteresse, Histoire, Identités. 2012 dran installéiert ginn. De Musée ass eng Annexe vum Nationalmusée a steet ënnert der Leedung vum Conservateur délégué à la direction François Reinert.
Méi Informatioun doriwwer am Artikel: Musée Dräi Eechelen - forteresse, histoire, identités.
Um Spaweck Änneren
- Websäit vum Musée Dräi Eechelen
- De Fort Thüngen op der Websäit vun de " Frënn vun der Festungsgeschicht Lëtzebuerg (fr)
- Pläng vum Fort Thüngen
| Commons: Fort Thüngen – Biller, Videoen oder Audiodateien |
Biller Änneren
-
Dräi Eechelen
-
Vue vun den Dräi Eechelen op d'Stad, 1899, Foto Charles Bernhoeft
-
De Fort Thüngen, ëm 1893, Foto Charles Bernhoeft
