Reduit
Den Terme Reduit (fr: réduit) bezeechent eng Plaz oder e Gebai dat besonnesch gutt befestegt ass, an an dat sech Verdeedeger zréckzéie kënne fir sech iwwer eng länger Period ze wieren.
.jpg)
FestungsbauÄnneren
E Reduit ass d'Kärbefestegung vun engem Fort baussent enger Festung. Et ass e besonnesch staarkt Gebai an dat Verdeedeger sech zréckzéie konnten wann de baussenzege Befestegungswall vum Géigner iwwerwonne gouf. Am Géigesaz zu enger Redoute ass e Reduit fir eng méi grouss Besatzung mat Gewierer an Artillerie ausgeluecht an doduerch méi schwéier z'erueweren.
Beispiller fir ReduitenÄnneren
- Reduit vum Fort Rubamprez (Festung Lëtzebuerg)
- Reduit vum Fort Lambert (Festung Lëtzebuerg)
- Reduit vum Fort Oberer Kuhberg (Bundesfestung Ulm)
- Schwäizer Reduit, e Grupp vu Forten, déi an de Bierger an der Schwäiz, haaptsächlech no 1937 op Rot vum Generol Guisan ugeluecht goufen.
Ëmgebaute fréiere Reduit zu Kaliningrad.
Reduit vum Fort Gerharda am polnesche Świnoujście.
Reduit vum Fort Prinz Karl zu Ingolstadt.
Schwäizer ReduitÄnneren
De Begrëff gëtt och am Kader vum Schwäizer Reduit benotzt, engem vun der militärescher Féierung vun der Schwäiz an den 1930er a 40er Joren definéierte Réckzuchsgebitt an de Schwäizer Alpen an dat sech d'Schwäizer Arméi am Fall vun enger Invasioun sollt zréckzéie kënnen. Zu deem Zweck sinn ëm dat Gebitt ausgedeent ënnerierdesch a getarnt Bunkeranlagen entstanen.