Haaptmenü opmaachen
Veianer Bildchen
D'Veianer Bildchen (2014)
D'Veianer Bildchen (2014)
Uertschaft / Plaz Veianen
Par Parc Our
Saint-Nicolas
Dekanat Norden
Numm / Patréiner Muttergottes
Architekt(en) Ch. Arendt
Koordinaten 49° 56’ 42.7’’ N
06° 11’ 49.8’’ O
D'Veianer Bildche vu bannen
D'Veianer Bildche vu bannen
Kierchen - Kapellen


D'Muttergotteskapell zu Veianen oder d'Veianer Bildchen, ass eng Kapell an e Madonnepilgeruert bei Veianen a mat Bildchen ass eigentlech eng Muttergottesstatu an där Kapell gemengt. D'Maria gëtt do ënner dem Titel "Heil der Kranken" veréiert. Et ass eng kathoulesch Kapell déi zur Par Parc Our Saint-Nicolas, zum Dekanat Norden an zu der Gemeng Veianen gehéiert.

Se steet op enger Héicht vun 302 m iwwer NN ongeféier 800 m nordwestlech vu Veianen.

Zur fréierer Par Veianen hunn ausser der Muttergotteskapell och nach d'Parkierch vu Veianen, d'Rochuskapell an d'Nikloskapell vu Veianen an d'Filialkierch vu Biwels gehéiert.

D'Bildchen-Kapell gouf de 6. September 2019 als nationaalt Monument klasséiert[1].

GeschichtÄnneren

D'Muttergotteskapell (fr: Chapelle Notre-Dame), wéi d'Bildchen-Kapell richteg heescht, gouf vun 1848 un no de Pläng[2] vum Staatsarchitekt Charles Arendt am neigotesche Stil gebaut. D'Kapell ass 7 m laang a 5 m breed.

Aus der Veianer Buergkapell staamt de goteschen Altor aus roudem Sandsteen, op deen en neigotesche Retabel gesat ass, wou d'Bildchen drop steet.

Vu Mee bis Oktober ass all Mëttwoch Mass a Gebiet fir déi Krank an der Kapell. Vu Sonndes virun bis Sonndes no Léiffrawëschdag ass d'Bildchen an der Trinitarierkierch. All Joer, de Sonnden nom 16. August, ass eng grouss Prëssioun bei d'Bildchen.

Urspronk vun der PilgerplazÄnneren

D'Bildche geet héchstwahrscheinlech op d'Beliewe vum Mariekult an de spuenesche Nidderlanden um Ufank vum 17. Joerhonnert zréck.

No dem Drëssegjärege Krich (1618-1648) an no de Peschtepidemië vu 1612, 1626 a 1632 koum d'Veréierung vun der Muttergottes sou richteg an de Gank an et sinn eng sëllechen nei Pilgeruerten entstanen.

D'Legend vum "Bildchen" dat an engem Bësch fonnt gouf, an ëmmer nees op d'Plaz wou et fonnt gouf, zréckgoung, erënnert staark un d'Statu, déi 1624 vu Studenten um Glacis fonnt, an an de Jesuitekolléisch bruecht gouf, awer ëmmer nees de Wee zréck op de Glacis fonnt huet.

Villes deit doropshin, datt no de Peschtjoren d'Bildche vun der Muttergottes an enger mat Eisegittere geschützter Fielsspléck heich iwwer dem Ourdall um Bonzelsbierg opgestallt gouf. E schmuele Pad huet duerch déi géi Leeën dohigeféiert.

Weeër op d'BildchenÄnneren

D'Weemarkéierunge bezéie sech op d'Wanderkaart "Fouhren - Hoscheid - Stolzembourg - Vianden" vum ESIMSO.

  • Op der Strooss fir op d'Veianer Buerg zweigt e Wee lénkserhand an de Bësch of; d'Streck vun 1.200 m ass an 20 Minutten ze packen; Weemarkéierung: um Ufank "E", duerno "A";
  • vun der Staumauer aus: riets a Richtung Norden; Weemarkéierung "A";
  • vun der Biwelser Millen aus: 150 m a Richtung 10. Maschinn vum Pompelspäicherwierk, duerno riets an de Bësch erop, uewen um Wee no lénks; beim Stroummast riets op d'Bildchen erop; Weemarkéierung: um Ufank "M", dann "E";
  • vum Niklosbierg erof: iwwer de lokale Wanderwee "M" a Richtung Veianen goen, bis een op de Wee "E" stéisst, deem een de Bierg erof bis bei d'Bildchen follegt.

BibliographieÄnneren

  • Bassing, Pierre, 1983. Das Bildchen und die Bildchenkapelle. In: Vianden in seinen Kirchen, Kapellen und sakralen Kunstschätzen - mit einem Anhang über die ehemaligen Viandener Goldschmiede und ihre Werke. Veiner Geschichtsfrënn Bd. 4:191-200. Sankt-Paulus-Druckerei, Luxemburg.
  • Bassing, Théodore, 1911. - Das Gnadenbild unserer Lieben Frau vom "Bildchen" in der Wallfahrtskapelle im Walde Porbrêtchen bei Vianden. 18p., St. Paulus-Gesellschaft, Luxemburg.
  • Bassing, Théodore, 1936. - Das Gnadenbild unserer Lieben Frau vom "Bildchen" in der Wallfahrtskapelle im Walde Porbrêtchen bei Vianden. 31p., Imprimerie Lorang, Vianden.
  • Engling, Johann (Jean), 1861. Unsere Marienbäume - einst Sitz der Abgötterei und des Aberglaubens. Ein Beitrag zur Geschichte des Christentums im Luxemburger Lande. Publications de la section historique XVI, S. 96-118.
  • Gredt, Nicolas, 1883. - Sagenschatz des Luxemburger Landes. Publications de la section historique de l'Institut grand-ducal, vol. XXXVI, 645 + XVII p. V. Bück, Luxemburg.
  • Milmeister, Jean, 1968. Das Bildchen von Vianden. Revue Jg. 24(1968), Nr. 2: 72-74.
  • Milmeister, Jean & René Feltes, 2002. Das Bildchen von Vianden. 4. Oplo., 27 S. Fabrique d'église, L-9410 Vianden.

Biller vun de 7 Statioune beim Veianer BildchenÄnneren

De Kräizwee gouf 1897 vun de Bridder Mullendorf gestëft.

Kuckt ochÄnneren

Um SpaweckÄnneren

Commons: Veianer Bildchen – Biller, Videoen oder Audiodateien

ReferenzenÄnneren