Haaptmenü opmaachen

Syndicat intercommunal de l'Ouest pour la conservation de la nature

(Virugeleet vu(n) SICONA-Ouest)
De Biodiversitéitszentrum vum Sicona-Ouest, dem Sicona-Centre an der biologescher Statioun zu Ollem.

De Syndicat intercommunal de l'Ouest pour la conservation de la nature, ofgekierzt SICONA-Ouest, ass e Gemengesyndikat fir Naturschutz a Landschaftsfleeg an 20 Gemengen am Südweste vu Lëtzebuerg.

De SICONA-Ouest huet zesumme mat dem SICONA-Centre an der biologescher Statioun déi derzou gehéiert, zanter 2014 säi Sëtz an engem Gebai zu Ollem.[1]

AktivitéitenÄnneren

  • Inventairen an Etüde fir Naturschutzprojeten;
  • Praktesch Naturschutzprojeten;
  • Projeten zesumme mat Privatpersounen aus der Regioun;
  • Opstelle vun Date fir d'Gemengeplanungen;
  • Organisatioun vun Aktivitéiten fir d'Bevëlkerung;
  • Intensiv Zesummenaarbecht mat de Baueren aus der Regioun;
  • Bedeelegung u nationale Programmen a Projeten.

OrganisatiounÄnneren

De SICONA-Ouest besteet aus:

  • engem Büro, deen aus engem President, zwéi Vizepresidenten an dräi Membere besteet;
  • engem Comité, deen aus 20 Membere besteet (ee Vertrieder pro Gemeng);
  • dem Personal: déi administrativ an technesch Servicer an d'biologesch Statioun SICONA.

HistoriqueÄnneren

De SICONA-Ouest gouf duerch en Arrêté grand-ducal vum 3. Abrëll 1989[2] geschaf. En huet deemools aus 10 Gemengen aus dem Südweste vu Lëtzebuerg bestanen: Nidderkäerjeng, Bartreng, Kënzeg, Dippech, Koplescht, Leideleng, Mamer, Monnerech, Péiteng a Stroossen.

An de Joren duerno koumen 10 aner Gemengen dobäi: Beetebuerg a Kielen (1993) [3], Garnech (1996) [4], Recken op der Mess (1997) [5], Suessem a Schëffleng (2001) [6], Diddeleng, Keel a Rëmeleng (2001) [7], Déifferdeng (2006) [8].

Duerch en Arrêté grand-ducal vum 10. Abrëll 2007 krut de Syndikat nei Statuten.[9]

2008 koum als lescht Gemeng Réiser nach dobäi a gläichzäiteg goufen d'Statuten nach eng Kéier geännert.[10]

Ugeschlosse GemengenÄnneren

Um SpaweckÄnneren

ReferenzenÄnneren

  1. c.g.f., 2014. Multifunktionelles Gebäude des Sicona in Olm eingeweiht. Regionales Biodiversitätszentrum krönt 25 Jahre kommunalen Naturschutz. Luxemburger Wort vum 28. Abrëll 2014, S. 30
  2. Mémorial B n° 23 du 21.04.1989
  3. Arrêté grand-ducal vum 30. Abrëll 1993
  4. Arrêté grand-ducal vum 15. Mäerz 1996
  5. Arrêté grand-ducal vum 8. September 1997
  6. Arrêté grand-ducal vum 25. Mee 2001
  7. Arrêté grand-ducal vum 23. November 2001
  8. Arrêté grand-ducal vum 31. Juli 2006
  9. Statute vun 2007
  10. Statute vun 2008