Gemeng Walfer

D'Gemeng Walfer ass eng vun den 102 lëtzebuergesche Gemengen. Se läit am Kanton Lëtzebuerg, an ass no der Uertschaft Walfer benannt.

Walfer
d'Gemengenhaus
Aussprooch
An anere Sproochen	fr: Walferdange de: Walferdingen
Land	Lëtzebuerg
Kanton	Lëtzebuerg
Buergermeeschter	François Sauber (CSV)
Awunner	8.231 (1 Januar 2019)
Fläch	706 ha
Koordinaten	49° 39’ 46’’ N 06° 08’ 00’’ O
Websäit	http://www.walferdange.lu/
D'Gemeng Walfer (orange) am Kanton Lëtzebuerg (rout)

Geographie

D'Gemeng Walfer läit am Uelzechtdall a grenzt am Süden un d'Stad Lëtzebuerg, am Westen un d'Gemeng Koplescht an am Norden an Osten un d'Gemeng Steesel.

Uertschaften an der Gemeng

• Walfer
• Bäreldeng
• Helsem

Geschicht

D'Gemeng Walfer gouf duerch e Gesetz vum 25. November 1850 an d'Liewe geruff, virdrun hunn d'Uertschafte vun der Gemeng Walfer zu der Gemeng Steesel gehéiert.

Am Annuaire officiel 1917 fënnt ee fir d'Gemeng Walfer 1.077 Awunner, 221 bewunnten Haiser an 239 Famillen.

Entwécklung vun der Awunnerzuel

Quell:STATEC

Politik

De Gemengerot vu Walfer gëtt nom Proporz-Walsystem gewielt. E setzt sech aus 13 Conseilleren zesummen.

De Schäfferot, deen aus de Gemengewalen 2011 ervirgoung, huet sech op eng DP-LSAP-Koalitioun gestäipt. Zanter deene vun 2017 ass et eng Koalitioun vun CSV an deene Gréngen. Buergermeeschter ass de François Sauber.

Zesummesetzung

Joer	CSV	DP	gréng	LSAP
1999	5	5	-	3
2005	4	4	2	3
2011	3	5	2	3
2017	5	4	2	2

Quell: Inneministère / RTL.lu / elections.lu

Buergermeeschteren

00Dëst Kapitel ass nach eidel oder onvollstänneg. Hëlleft w.e.g. mat, fir et ze komplettéieren.

• ...
• 1967 - 1987: Carlo Meintz
• 1988 - 1995: Erna Hennicot-Schoepges
• 1995 - 1999: Marcel Sauber
• 2000 - 2002: Carlo Meintz
• 2003 - 2015: Guy Arendt
• 2016 - 2017: Joëlle Elvinger
• zanter 2017: François Sauber

De Wope vun der Gemeng

De Gemengerot vu Walfer huet an der Sëtzung vum 11. November 1983 iwwer de Wopen ofgestëmmt an en ugeholl. Duerch arrêté ministériel vum 26. Mäerz 1984 gouf de Wopen agreéiert. (Mémorial B vun 1984 Säit 454).

Am Originaltext am Mémorial gëtt de Wopen sou beschriwwen:

« D'or au renard rampant de gueules tenant de ses pattes de devant une flèche du même posée en pal, accompagné de sept billettes aussi de gueules posées en orle aux flancs et en pointe, au chef, d'azur à la porte de trois tours ouverte d'or ».

Jumelagen

Walfer ass zanter 1971 mat follgende Stied a Gemenge jumeléiert:

• Limana an Italien
• Longuyon a Frankräich
• Schmitshausen an Däitschland

Interkommunal Syndikater

D'Gemeng Walfer ass Member vu follgenden interkommunale Syndikater:

• PIDAL
• SEC
• SICEC
• SIDERO
• SIDOR
• SYVICOL

Kuckeswäertes

• Kierch vu Walfer
• Naturschutzgebitt Sonnebierg
• Raschpëtzer
• Réimesch Villa Helsem
• Rousegäertchen
• Walfer Gipsgrouwen
• Walfer Schlass

Literatur

• Wey, Claude, 2000. Genèse de la commune de Walferdange. In: 150 Joer Gemeng Walfer: 1851 - 2000. Walferdange: Administration communale, Vol. 2: 6-49.

Kuckt och

• Seismologesche Laboratoire zu Walfer
• Lëscht vun den nationale Monumenter an der Gemeng Walfer 0
• Walfer Bicherdeeg
• Gare Walfer
• Elterstrachen - Op der Tonn - Foussgängerbréck zu Walfer
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Walfer – Biller, Videoen oder Audiodateien

• Offiziell Internetsäit vun der Gemeng Walfer
• D'Gemeng Walfer op der Websäit vum Syvicol
• D'Gesetz iwwer d'Kreatioun vun der Gemeng Walfer Loi du 25 novembre 1850 qui érige une nouvelle commune sous le nom de Walferdange.