Coma Berenices (Stärebild)
D'Coma Berenices (Hoer vun der Berenike) ass e Stärebild an der Ëmgéigend vum Himmelsequator.
| Date vun der Coma Berenices | |
|---|---|
| Lëtzebuergeschen Numm | Hoer vun der Berenike |
| Laténgeschen Numm | Coma Berenices |
| Laténgesche Geenitiv | Comae Berenices |
| Laténgesch Ofkierzung | Com |
| Positioun | Himmelsequator |
| Rektaszensioun | 11h 55m bis 13h 35m |
| Deklinatioun | +14° bis +34° |
| Fläch | 386 Quadratgrad |
| Siichtbar op de Breetegraden | 90° Nord bis 56° Süd |
| Observatiounszäitraum fir Mëtteleuropa |
Fréijoer |
| Zuel vu Stäre mat Gréisst < 3m |
0 |
| Hellste Stär, Gréisst |
Diadem (α Com) 4,3m |
| Meteorstréim | Coma-Bereniciden |
| Nopeschstärebiller (vun Norden am Auerzäresënn) |
Canes Venatici Ursa Major Leo Virgo Bootes |
 | |
Beschreiwung
ännerenD'Coma Berenices ass en onopfällegt Stärebild um Fréijoershimmel tëscht de markante Konstellatioune Leo a Bootes. Et erschéngt wéi eng Usammlung vu liichtschwaache Stären. Nëmmen zwéi Stären hunn eng visuell Magnitude déi knapps iwwer 4 mag. leien.
Vill vun de Stäre gehéieren zum Coma-Stärekoup. De Melotte 111 läit 260 Liichtjoer wäit ewech an ass en Oppene Stärekoup.
A Richtung Hoer vun der Berenike läit de galakteschen Nordpol vun eiser Mëllechstrooss. Well an dëser Bléckrichtung sou gutt wéi keng Gas- a Stëbswolleke vun der Mëllechstrooss d'Siicht behënneren, kënne vill wäit Galaxië gesi ginn. De sougenannte Coma-Galaxiëkoup ass e risege Galaxiëkoup op enger Distanz vu 450 Millioune Liichtjoer. Seng ronn 1.000 Galaxien erreechen um Stärenhimmel eng Gréisst vun iwwer 6 Grad.
Am südlechen Deel sinn e puer hell Eenzelgalaxien op enger Distanz vun 20 bis 40 Millioune Liichtjoer, souwéi Membere vum grousse Virgo-Galaxiëkoup dee 65 Millioune Liichtjoer vun eis ewech ass.
Geschicht
ännerenAn der anticker griichescher Mythologie war d'Coma Berenices keen eegent Stärebild. Déi Stäre goufe fréier dem Stärebild Léiw zougerechent. Am Joer 245 v. Chr. soll den Astronom Konon vu Samos d'Stärebild no der deemoleger Pharaonin Berenike II. genannt hunn.
D'Hoer vun der Berenike gëtt et a villen astronomesche Kommentare vun der Antiquitéit. An der Neizäit gouf et fir d'éischt am Joer 1536 vum Peter Apian op enger Stärekaart notéiert, an 1541 zeechent de Gerhard Mercator et op sengem bekannten Himmelsglobus of.
Meteorstroum
ännerenAm Stärebild läit de Radiant vun engem schwaache Meteorstroum, déi sougenannt Coma-Bereniciden. D'Meteore kënne vu Mëtt Dezember bis Mëtt Januar observéiert ginn.
Himmelsobjeten
ännerenStären
änneren| B | F | Numm o. aner Bezeechnungen | Gréisst | Lj | Spektralklass |
|---|---|---|---|---|---|
| β | 43 | 4,26m | 27 | G0 V | |
| α | 42 | Diadem | 4,3m | 60 | F5 V |
| γ | 15 | 4,36m | 250 | K1 III | |
| 11 | 4,74m | ||||
| 36 | 4,78m | ||||
| σ | 24 | 4,78m | 250 | K2 + A9 | |
| 41 | 4,80m | ||||
| 12 | 4,81m | ||||
| 23 | 4,81m | ||||
| 37 | 4,90m | ||||
| 31 | 4,94m | ||||
| 14 | 4,95m | ||||
| 16 | 5,00m | ||||
| 6 | 5,10m | ||||
| 27 | 5,12m | ||||
| 13 | 5,18m | ||||
| 17 | 5,29m | 250 | A0 + A1 | ||
| 21 | 5,46m | ||||
| 26 | 5,46m |
Den hellste Stär ass de β Comae Berenices. Et handelt sech ëm e Stär, deen nëmme 27 Liichtjoer vun eis ewech ass. Hien huet eng Gréisst an och eng Liichtkraaft wéi eis Sonn.
De γ Comae Berenices läit 250 Liichtjoer ewech am Coma-Stärekoup.
| System | Gréissten | Ofstand |
|---|---|---|
| α | 5,1m/5,1m | 0,1" |
| 2 | 5,9m/7,4m | 3,7" |
| 17 | 5,3m/6,6m | 145" |
| 24 | 5,0m/6,6m | 20,3" |
| 32 | 6,3m/6,9m | 196" |
| 35 | 5,1m/7,2m | 1,1" |
Den zweethellste Stär α Comae Berenices, och den Diadem genannt, ass en Duebelstär op enger Distanz vu 60 Liichtjoer. Déi zwéi Stäre si gläichhell.
Am System 24 Coma Berenices sinn zwéi Stären, woubäi den Haaptstär e Roude Ris ass, an den aneren e blo-wäisse Begleeder ass.
| Objet | Gréisst | Period | Typ |
|---|---|---|---|
| FS | 5,3m bis 6,1m | 58 Deeg | hallefreegelméisseg Verännerlechen |
| R | 7,1m bis 14,6m | 363 Deeg | Mira |
| FK | 8,14m bis 8,33m | 2,4 Deeg | FK-Coma-Stär |
Am „Hoer vun der Berenike“ gëtt et méi wéi 200 verännerlech Stären.
Den FS Coma Berenices verännert seng Hellegkeet iwwer en Zäitraum vu ronn 58 Deeg.
Den R Coma Berenices ass e verännerleche vum Typ Mira. Hie verännert seng Hellegkeet ganz staark iwwer en Zäitraum vun 363 Deeg.
Den FK gëtt säin Numm hir fir eng Grupp vu Verännerlechen, d'FK-Coma-Stären. Et handelt sech ëm Stären, deenen hir Hellegkeetsschwankunge vun ausgedeenten donkele Flecken op der Uewerfläch verursaacht ginn.
| Messier (M) | NGC | aner | Gréisst | Typ | Numm | Distanz (Lj) |
|---|---|---|---|---|---|---|
| Melotte 111 | 4m | Kugelstärekoup | Coma-Stärekoup | 260 | ||
| 53 | 5024 | 8m | Kugelstärekoup | 60.000 | ||
| 64 | 4826 | 8m | Galaxie | Black-Eye-Galaxy | 22 Mio. | |
| 85 | 4382 | 9m | Galaxie | 65 Mio. | ||
| 88 | 4501 | 9m | Galaxie | 65 Mio. | ||
| 91 | 4548 | 10m | Galaxie | 65 Mio. | ||
| 98 | 4192 | 10 | Galaxie | 65 Mio. | ||
| 99 | 4254 | 10 | Galaxie | 65 Mio. | ||
| 100 | 4321 | 9,5 | Galaxie | 65 Mio. | ||
| 4147 | 10 | Kugelstärekoup | ||||
| 4494 | 10 | Galaxie | 40 Mio. | |||
| 4559 | 10 | Galaxie | 40 Mio. | |||
| 4565 | 10 | Galaxie | Needle-Galaxy | |||
| 4676A | 13,5 | Irregulär Galaxie | 300 Mio. | |||
| 4676B | 13,8 | Irregulär Galaxie | 300 Mio. | |||
| 4725 | 9,5 | Galaxie | 60 Mio. | |||
| 5053 | 10 | Kugelstärekoup |
Am Comas Berenices leien e puer Galaxien a Kugelstärekéip. Aacht dovun huet de franséischen Astronom a Koméitejeeër Charles Messier a säi Katalog mat niwwelegen Objeten opgeholl.
Objeten an der Mëllechstrooss
ännerenMelotte 111, de Coma-Stärekoup ass eng labber Associatioun vu ronn 40 Stären op enger Distanz vun 260 Liichtjoer. Et ass nom Bierestroum an den Hyaden den drëttnächsten oppene Stärekoup. De Stärekoup beweegt sech all Joer ëm 0,02 Bousekonnen no Südwest a Richtung vum Stärebild Vela (Schëffsegel).
Den M 53 ass e Kugelstärekoup op enger Distanz vu 60.000 Liichtjoer. Hie gouf onofhängeg 1775 vum Johann Elert Bode an 1777 vum Charles Messier entdeckt.
De Kugelstärekoup NGC 4147 ass 85.000 Liichtjoer vun eis ewech.
No Galaxien
ännerenDen M 64 ass eng Spiralgalaxie op enger Distanz vun 22 Millioune Liichtjoer. Well den Ubléck un en A erënnert, gëtt si am Engleschen och „Black-Eye-Galaxy“ genannt. Aktuell Studie weisen, datt d'interstellar Matière an den Aussenberäicher géint d'Dréirichtung vum Banneberäich rotéiert. Dat weist dorophin, datt d'Galaxie viru maximal enger Milliard Jore mat op d'mannst enger anerer Galaxie kollidéiert war.
Den NGC 4494 ass eng elliptesch Galaxie op enger Distanz vu 40 Millioune Liichtjoer.
Den NGC 4565 ass eng sougenannt Edge-On-Galaxie, dat heescht, mer gesi se vun der Säit. Si huet en Duerchmiesser vun 13 Bouminutten. Wéinst hirer längelzeger Form gëtt si och als als „Needle-Galaxy“ (Nole-Galaxie) bezeechent.
Den NGC 4725 ass eng Balkespiralgalaxie.
Galaxien am Virgo-Galaxiëkoup
ännerenDe Messier 85 ass eng lënsefërmeg Galaxie an ee vun den nërdlechste Membere vum Virgo-Galaxiëkoup.
De Messier 88 ass eng Spiralgalaxie, déi zu der Markarjan-Kette gehéiert.
De Messier 98 ass eng relativ hell a grouss Spiralgalaxie.
Och de Messier 100 ass eng Spiralgalaxie. Mat 7 Bouminutten ass si déi gréisst vun alle Galaxien am Virgo-Koup. Hiren Duerchmiesser ass ronn 120.000 Liichtjoer.
Galaxien am Coma-Galaxiëkoup
ännerenAm nordëstlechen Deel vum Stärebild ass de Coma-Galaxiëkoup. Wéinst der riseger Distanz, déi dës Galaxien hunn (450 Millioune Liichtjoer) erreeche si nëmmen Hellegkeete vu 14 mag.
Kuckt och
änneren
Um Spaweck
änneren| Commons: Coma Berenices – Biller, Videoen oder Audiodateien |
