Vëlospist PC3
D'Vëlospist PC3, och nach Pist vun den dräi Flëss, offiziell Itinéraire cyclable des trois rivières, ass eng vun den 41 Vëlosstrecke vum nationale Reseau zu Lëtzebuerg[1].
 | |
 D'PC3 bei Méischdref | |
| offiziellen Numm | Itinéraire cyclable des trois rivières |
|---|---|
| Lëtzebuerger Numm | Vëlospist vun den dräi Flëss |
| vu(n) | Schengen |
| op | Veianen |
| Längt | 89 km |
| déifste Punkt | Waasserbëlleg |
| héchste Punkt | Veianen |
| Land | Lëtzebuerg |
Streck änneren
D'PC3 ass 89 km laang a féiert vu Schengen op Veianen. Se verleeft flaach an op hirer ganzer Längt laanscht déi dräi Flëss, déi d'Grenz mat Däitschland maachen: Musel, Sauer an Our. Den déifste Punkt (134 m) ass zu Waasserbëlleg an den héchsten (240 m) zu Veianen.
Se féiert laanscht oder duerch follgend Uertschaften: Schengen, Rëmerschen, Schwéidsbeng, Welleschten, Bech-Maacher, Réimech, Stadbriedemes, Hëttermillen, Éinen, Wuermer, Ohn, Meechtem, Gréiwemaacher, Mäertert, Waasserbëlleg, Méischtref, Bur, Hénkel, Rouspert, Steenem, Iechternach, Weilerbaach, Bollenduerfer Bréck, Grondhaff, Déiljen, Wallenduerfer Bréck, Reisduerf, Héischdref, Bëttel, Furen a Veianen.
Uschlëss un aner Pisten änneren
D'Pist vun den dräi Flëss huet ënnerwee Uschlëss un aner Pisten:
- PC4 (Sirpist) zu Gréiwemaacher;
- PC2 (Iechternacher Pist) zu Iechternach;
- PC7 (Jangelispist) zu Réimech
- PC5 (Pist vun der Wäisser Iernz) a PC16 (Mëttelsauerpist) zu Reisduerf;
- PC22 (Ardennerpist) zu Bëttel.
Bemierkungen änneren
Tëscht Reisduerf a Waasserbëlleg féiert d'Vëlospist PC3 zu engem groussen Deel iwwer déi fréier Eisebunnsstreck Ettelbréck-Waasserbëlleg.
Biller änneren
-
D'Vëlospist zu Steenem -
... an ënnert der Sauerdallbréck -
Schëlter zu Iwwersiren
Um Spaweck änneren
| Commons: Vëlospist PC3 – Biller, Videoen oder Audiodateien |
Referenzen an Notten änneren
- ↑ Loi du 28 avril 2015 relative au réseau cyclable national et aux raccordements de ce réseau vers les réseaux cyclables communaux op legilux.lu, gekuckt den 1. Juni 2019