Haaptmenü opmaachen

Compagnie des chemins de fer Prince-Henri

Aktië kuerz no der Nummännerung vun 1873

D'Compagnie des chemins de fer Prince-Henri (PH) war vun 1869 bis 1877 eng Eisebunnsgesellschaft déi zu Lëtzebuerg Niewestrecke bedriwwen huet.

Si gouf den 28. Abrëll 1869 vun der belscher Société anonyme des chemins de fer des bassins houillers du Hainaut gegrënnt, déi bal 99 % vun den Aktië gehalen huet. De Rescht vun den Aktië war an den Hänn vu 15 Privatpersounen. Den 10. Mee datselwecht Joer gouf se autoriséiert sech geschäftlech néierzeloossen.

Si krut duerch en Apport vun hirem Haaptaktionär Minekonzessiounen a 5 zougestane Eisebunsslinnen iwwerdroen[1][2]:

  • eng laanscht d'Sauer, vun Ëttelbréck op Waasserbëlleg iwwer Iechternach;
  • eng vun Ëttelbréck oder Kolmar op Péiteng oder Lamadeleine an d'franséisch Grenz, duerch d'Däll vun der Atert a Betten;
  • eng vu Beetebuerg op Athus, iwwer Bieles a mat Deelstreck op Esch-Uelzecht;
  • eng vu Beetebuerg op Réimech;
  • eng vu Réimech op Éiter.

Den 3. Oktober 1873 beschléisst se hiren Numm a Compagnie royale grand-ducale des chemins de fer Prince-Henri ze änneren[3]. Si huet domat den hollännesche Prënz Hari geéiert, deen zu där Zäit prince-lieutenant vu Lëtzebuerg war.

Wéi se 1877 a Faillite gaangen ass, do sinn hir Konzessioune vun der Société anonyme luxembourgeoise des chemins de fer et minières Prince-Henri iwwerholl ginn, déi d'Ofkierzung "PH" weidergefouert huet.

Kuckt ochÄnneren

Um SpaweckÄnneren

ReferenzenÄnneren