Clausen

Ee vun de 24 offizielle Quartiere vun der Stad Lëtzebuerg

Clausen ass eng Uertschaft an e Quartier an der Stad Lëtzebuerg. Clausen läit an der Ënnerstad, am Uelzechtdall, um Fouss vum Kierchbierger-Plateau.

Clausen
Luxembourg, Clausen 2021 (101).jpg
Vue vum Seminärsbierg op Clausen (2021)
Aussprooch
An anere Sproochen fr: Clausen
de: Clausen
Land Lëtzebuerg
Kanton Lëtzebuerg
Gemeng Blason ville lu Luxembourg-ville.svg Lëtzebuerg
Buergermeeschter Lydie Polfer (DP)
Awunner 989 (31.12.2017)
Fläch 36,06 ha
Koordinaten 49° 46’ 48’’ N
      06° 08’ 36’’ O
Clausen quarter highlighted.png
Lag vu Clausen (blo) an der Gemeng Lëtzebuerg (gro)

Ursprong vum NummÄnneren

Den Numm Clausen[1] kënnt vun der Klaus, déi op där Plaz stoung, wou de Péiter Ernest vu Mansfeld d'Schlass La Fontaine baue gelooss hat.

GeschichtÄnneren

Fir säi Schlass bauen ze kënnen, hat de Mansfeld de Laf vun der Uelzecht änneren an d'Strooss tëscht dem Neiduerf a Clausen ënnerbrieche gelooss. Dat huet mat sech bruecht, datt – nodeems d'Schlass verfall an zerstéiert gi war – grouss Fläche fräi goufen déi uganks landwirtschaftlech gebraucht goufen.

De Vauban hat aus strategesche Grënn Clausen net mat an d'Festung mat abezunn. Wéi dunn an der Éisträichescher Zäit de Festungsingenieur Simon de Beauffe 1733 beim Hondshaus och nach d'Mansfeldsschleis gebaut huet, war den Deel laanscht d'Uelzecht Iwwerschwemmungsgebitt an et konnt do net gebaut ginn.

Bis datt d'Eisebunn ëm 1860 gebaut gouf, ass a Clausen net vill geschitt. 1864 ass du vum Jean-François Eydt, Architekt vun der Stad, e Projet vu Bauvirschrëfte[2] presentéiert ginn, wéi a Clausen gebaut kéint ginn. Well et engersäits ëmmer méi schwéier gouf präiswäert Bauplazen an der Uewerstad ze kréien an et anersäits vu Clausen aus einfach war iwwer d'Neiduerf fort ze kommen, resp. iwwer de Clausener Bierg an d'Stad ze kommen, sinn a Clausen, absënns beim fréiere Mansfeld-Schlass, am Clausener Bierg oder der Rue de la Tour Jacob no an no nei Haiser gebaut ginn.

BrauereienÄnneren

Clausen ass och fir seng (fréier) Brauereie bekannt.

  Méi Informatioun doriwwer am Artikel: Brauereien zu Lëtzebuerg.

KuckeswäertesÄnneren

Mansfeld-SchlassÄnneren

A Clausen hat de Péiter Ernest vu Mansfeld säi Schlass La Fontaine, vun deem haut awer just nach zwou Paarten erhale sinn. Well d'Gemeng Lëtzebuerg 2003 op der Plaz, op där d'Schlass stoung, eng Schoul baue wollt, koum et zu archeologeschen Noutgruewungen, déi et sollten erméiglechen, méi iwwer d'Schlass an de Gaart gewuer ze ginn. D'Schoul ass dunn net wäit dovun ewech gebaut ginn, an de Musée ass mat den Ausgruewunge weider gefuer.

Haut ass op der Plaz vum fréierer Schlass e klenge Park ugeluecht ginn.

  Méi Informatioun doriwwer am Artikel: Schlass La Fontaine.

Ale jiddesche KierfechtÄnneren

Nieft der Stroossekéier beim Malakoff-Tuerm läit den ale jiddesche Kierfecht, wou tëscht 1817 an 1883/84 déi jiddesch Verstuerwe begruewe goufen.

  Méi Informatioun doriwwer am Artikel: Kierfecht Malakoff.

Däitschen ZaldotekierfechtÄnneren

Um däitschen Zaldotekierfecht an der Jules-Wilhelm-Strooss si Griewer vun 1813 bis zum Zweete Weltkrich.

  Méi Informatioun doriwwer am Artikel: Däitschen Zaldotekierfecht a Clausen.

Gebuertshaus vum Robert SchumanÄnneren

Nërdlech vun der Kunigundekierch, am Hank erop op de Kierchbierg, steet d'Gebuertshaus vum Robert Schuman. Haut ass do e Fuerschungszentrum dran.

KunigundekierchÄnneren

D'Clausener Kierch ass der helleger Kunigunde dediéiert.

BillerÄnneren

AwunnerÄnneren

Vun alle stättesche Quartieren huet Clause sech am 19. an uganks vum 20. Joerhonnert verhältnisméisseg am stäerksten entwéckelt:

Joer Awunner
1815 643
1850 1.200
1864 1.337

Op den 31. Dezember 2015 hunn a Clausen 973 Leit gewunnt, 197 Persoune méi wéi am Joer 2010. Op den 31.12.2017 waren et der 989. Den Undeel vun de Lëtzebuerger louch bei 25,38 % géintiwwer 74,62 % Auslänner[3].

Clausener no Nationalitéit (31.12.2017)
Rang Nationalitéit Awunner Prozent
TOTAL 989
1   Lëtzebuerg 251 25,38%
2   Frankräich 135 13,65%
3   Portugal 117 11,83%
4   Italien 86 8,70%
5   Belsch 47 4,75%
  Däitschland 47 4,75%
6   Spuenien 42 4,25%
7   Vereenegt Kinnekräich 34 3,44%
8   USA 22 2,22%
9   Russland 18 1,82%
10   Indien 14 1,42%
Top 10 813 82,20%
Aner Nationalitéiten 176 17,80%

LiteraturÄnneren

Kuckt ochÄnneren

Um SpaweckÄnneren

Commons: Clausen – Biller, Videoen oder Audiodateien

ReferenzenÄnneren

  1. Et gëtt och d'Schreifweis "Klausen".
  2. Projet de règlement sur les bâtisses dans le faubourg de Clausen de Clausen, proposé par l'architecte de la Ville Eydt le 23 avril 1864
  3. État de la population 2017 - Statistiques sur la population de la Ville de Luxembourg vdl.lu, der Websäit vun der Stad Lëtzebuerg (gekuckt den 8. Februar 2018)