Däitschen Zaldotekierfecht a Clausen
Den däitschen Zaldotekierfecht a Clausen läit laanscht d'Jules Wilhelm-Strooss, déi vu Clausen erop op de Kierchbierg féiert.
 Den Däitschen Zaldotekierfecht a Clausen. | |
| Land | Lëtzebuerg |
|---|---|
| Gemeng | Lëtzebuerg |
| Uertschaft | Clausen |
| Adress | rue Jules-Wilhelm |
| Fläch | 1,0963 ha |
| Koordinaten |
49° 36’ 55.1’’ N 06° 08’ 25.7’’ O |
| Gestioun | Volksbund Deutsche Kriegsgräberfürsorge |
 | |
De Kierfecht besteet aus zwéin Deeler, déi op verschidden Niveauen am Hank leien. Op dem ieweschten Deel leien d'Griewer vun 205 Zaldoten aus dem Éischte Weltkrich. Hir Nimm stinn op zwou Placke bei der Trap déi op de Kierfecht erof féiert.
Op dem ënneschten Niveau fënnt een d'Griewer vun 262 Zaldoten aus dem Zweete Weltkrich. Déi aner Griewer op dësem Niveau stamen aus dem Krich vun 1813 géint den Napoleon. Méi spéit goufen do an de Joren 1815-1866, an der Zäit vun der preisescher Garnisoun, Offizéier an Zaldote begruewen, déi an der Garnisoun gestuerwe waren. Do kommen nach d'Affer vum Franséisch-Preisesche Krich vun 1870-1871 derbäi.
De Volksbund Deutsche Kriegsgräberfürsorge këmmert sech ëm den Ënnerhalt vun de Griewer a Clausen an ëm déi um däitschen Zaldotekierfecht zu Sandweiler.
Literatur
änneren- Bodo Bost: An den Soldatengräbern - Alter preußischer Garnisonsfriedhof zum Soldatenfriedhof umfunktioniert - Die Warte vum 23. Oktober 2014, S. 5
Kuckt och
ännerenBiller
änneren-
Den ieweschte Niveau mat de Griewer aus dem Éischte Weltkrich. Riets nieft der Mëtt: d'Plack mat den Nimm vun de gefalenen Zaldoten. -
Den ënneschte Niveau vum Kierfecht. Vir d'Griewer aus dem Zweete Weltkrich.
-
Den Agank vum Kierfecht mat Vue op déi zwéin Niveauen. -
Am Hannergrond: d'Trap déi op deen ieweschten Deel vum Kierfecht féiert. -
D'Schëld am Agank vum Kierfecht a Clausen. -
Am Éischte Weltkrich goufen och franséisch Zaldoten hei begruewen. -
Panneau mam Kierfechtsreglement.
Um Spaweck
änneren| Commons: Däitschen Zaldotekierfecht a Clausen – Biller, Videoen oder Audiodateien |
- De Kierfecht op der Websäit vum Volksbund Deutsche Kriegsgräberfürsorge
- Onlineprojekt Gefallenendenkmäler - Luxemburg-Clausen, mat den Nimm vun de Gefalen aus dem 1. Weltkrich