Nationalmusée fir Archeologie, Geschicht a Konscht
Den Nationalmusée fir Archeologie, Geschicht a Konscht, offiziell Musée national d'archéologie, d'histoire et d'art (MNAHA), dacks vereinfacht Staatsmusée genannt, an der Stad Lëtzebuerg, ass ee vun de Kulturinstituter vum Lëtzebuerger Staat. De Musée krut säin aktuellen Numm mam Gesetz vum 16. Dezember 2022, virdrun housch e Musée national d'histoire et d'art[1].
 Den Nationalmusée fir Archeologie, Geschicht a Konscht um Fëschmaart | |
| MNAHA | |
|---|---|
| Land | Lëtzebuerg |
| Secteur | Kultur |
| Leedung | Michel Polfer |
| Adress | Fëschmaart, L-2345 Lëtzebuerg |
| Ënnersteet der/dem | Kulturministère |
| Gegrënnt | 1869 |
| Um Spaweck | http://www.mnha.public.lu/ |
Zanter 1939 ass en um Fëschmaart am fréieren Hôtel Colart-De Scherff. An den 1970er Jore goufen d'Haiser vis-à-vis an der Wiltheimstrooss mat abezunn, fir dora konschthandwierklech an Alldagsgéigestänn aus de vergaangene Joerhonnerten auszestellen.
1997 huet de Fonds de la rénovation de la vieille ville en Architekteconcours ausgeschriwwen, fir de Musée ze moderniséieren an ze vergréisseren. De Gewënner, de Christian Bauer, konnt säi Projet realiséieren, deen et erméiglecht huet, d'Ausstellungsfläch ze verduebelen, ouni datt dat op d'Käschte vun den Nopeschhaiser goung. Hien huet de Fiels ënner dem Fëschmaart aushielege gelooss, fir do op 5 Stäck ënner dem Buedem Säll anzeriichten. Virun d'Säitefassad vum Haaptgebai gouf eng nei Fassad gebaut, déi, streng rechteckeg an ouni Fënsteren (bis op d'Entrée), e modernen Accent setzt.
D'Konzept vum Musée ass et z'erméiglechen, d'Chronologie vu Geschicht a Konscht vun ënnen no uewen nozevollzéien. Sou sinn Ur- a Fréigeschicht am ënneschte Keller, um -5 (de fräigeluechte Sandsteen bitt heifir e giedleche Kader), an d'geet dann erop bis op de 4. Stack, wou d'modern Molerei ënnerbruecht ass.
De Musée ass a senger neier Form den 22. Juni 2002 (iwwer dem Buedem) an den 29. November 2002 (ënner dem Buedem) ageweit ginn.
Direkter ass zanter 2006 de Geschichtsprofesser an Archeolog Michel Polfer.
DirekterenÄnneren
- 1939-1964: Joseph Meyers
- 1964-1969: Marcel Heuertz
- 1969-1990: Gérard Thill
- 1990-2005: Paul Reiles
- zanter 2006: Michel Polfer
Kuckt ochÄnneren
- Lëscht vu lëtzebuergesche Muséeën
- Schéieschlach, e Passage an der rue Wiltheim ënner engem vun de Gebaier vum Musée
Um SpaweckÄnneren
| Commons: Nationalmusée fir Archeologie, Geschicht a Konscht – Biller, Videoen oder Audiodateien |
- De Site vum Musée
- Interview mam Christian Bauer vun 2001 iwwer den Ausbau an d'Nei-Organisatioun am d'Lëtzebuerger Land vum 23.03.2001, op eluxemburgensia.lu
- Loi du 17 août 1960 ayant pour objet l'organisation des Musées de l'Etat am Mémorial N° 52 vum 17. August 1960, S. 1279 - S. 1280
- Loi du 28 décembre 1988 portant réorganisation des instituts culturels de l'Etat am Mémorial A - N°71 vum 28. Dezember 1988, S. 1480 - 1492
- Loi du 25 juin 2004 portant réorganisation des instituts culturels de l'Etat am Mémorial A - N° 120 vum 15. Juli 2004, S. 1798 - S. 1810
- Nationalmusée fir Geschicht a Konscht: Youtube channel
Referenzen an NottenÄnneren
- ↑ Loi du 16 décembre 2022 portant modification de la loi modifiée du 25 juin 2004 portant réorganisation des instituts culturels de l'État. data.legilux.public.lu (16.12.2022). Gekuckt de(n) 20.12.2022.