Ara (Stärebild)

Der Altor (Latäin: Ara) ass e Stärebild vum südleche Stärenhimmel.

Date vum Stärebild Ara
Lëtzebuergeschen Numm	Altor
Laténgeschen Numm	Ara
Laténgesche Geenitiv	Arae
Laténgesch Ofkierzung	Ara
Positioun	um Himmelsequator
Rektaszensioun	16h 34m bis 18h 10m
Deklinatioun	-67° 41' bis -45° 29'
Fläch	237 Quadratgrad
Siichtbar op de Breetegraden	25° Nord bis 90° Süd
Observatiounszäitraum fir Mëtteleuropa	Net ze gesinn
Zuel vu Stäre mat Gréisst < 3^m	2
Hellste Stär, Gréisst	β Ara, 2,85^m
Meteorstréim
Nopeschstärebiller (vun Norden am Auerzäresënn)	Scorpius Norma Triangulum Australe Pavo Telescopium Corona Australis
Kaart vum Stärebild Ara
Stéch vum Johannes Hevelius 1690

Beschreiwung

Den Ara ass e klengt, awer androcksvollt Stärebild, dat südlech vum Scorpius um Stärenhimmel steet. Duerch den Ara zitt sech dat stäreräicht Band vun der Mëllechstrooss, dofir fënnt een hei vill oppe Stärekéip.

Geschicht

Den Ara gehéiert zu den 48 Stärebiller vun der anticker griichescher Astronomie, déi schonn dem Ptolemäus bekannt waren.

Den Numm Ara gouf vum Eudoxos vu Knidos, engem griicheschen Naturphilosoph a Mathematiker aus dem 4. Joerhonnert viru Christus, festgeluecht.

Himmelsobjeten

Stären

B	Numm	Gréisst	Lj	Spektralklass
β		2,85^m	603	K3 Ib
α	Choo	2,95^m	242	B2 V
ζ		3,34^m	574	K3 III
γ		3,34^m	1140	B1 Ib + A7 V
δ		3,62^m	187	B8 Vn
θ		3,65^m	1010	B2 Ib
η		3,77^m	313	K5 III
ε¹		4,06^m	304	K4 III
σ		4,56^m	386	A0 V
λ		4,76^m	713	F3 IV
μ		5,14^m	49,8	G3 IV
κ		5,19^m	398	G8 III
ι		5,21^m	720	B2 III
π		5,25^m	138	A5 IV
ε²		5,27^m	85,9	F6 V
ν¹		5,68^m	820	B2V + B3 V
ν²		6,09^m	508	B9 III

De β Arae ass den hellste Stär am Ara, hien ass ronn 603 Liichtjoer vun eiser Sonn ewech. De Stär gehéiert zu der Spektralklass K3 Ib.

Den μ Arae ass e sonnenänleche Stär op enger Distanz vun 49,8 Liichtjoer. Hien huet ongeféier 30 % méi Mass wéi eis Sonn an déi 1,7fach Liichtkraaft. Am Mount August 2004 goufen do dräi Exoplanéiten entdeckt.

Duebelstären

System	Gréissten	Ofstand
γ	3,5^m/10,5^m	17,9"
η	3,77^m/14^m	25,7"
κ	5,19^m/14^m/14^m	25/30"
ε²	5,4^m/8,6^m/13^m	0,6/25"
ν¹	5,67^m/9^m	12,3"

Den γ Arae ass en Duebelstäresystem op enger Distanz vun 187 Liichtjoer zu eiser Äerd. Den 3,5^m hellen, blo-wäissen Haaptstär huet e liichtschwaache wäisse Begleeder mat 10,5^{m Hellegkeet}.

De ν¹ Area ass 820 Liichtjoer wäit ewech an ass en Dräifachstär. Déi béid ënnerschiddlech hell Haaptkomponenten ëmkreese sech an engem enken Ofstand. All 3,17 Deeg zitt den donkele Stär virun den helle Stär, woubäi d'Hellegkeet eppes fält. Sou Duebelstären nennt ee Bedeckungsverännerlecher. An engem Ofstand vun 12,3 Bousekonnen ass e weidere Stär mat enger $hellegkeet vun 9^m.

Verännerlech Stären

Objet	Gréisst	Period	Typ
α	2,79^m bis 3,13^m		Verännerleche Stär
ι	5,18^m bis 5,26^m		Gamma-Cassiopeia-Stär
ν¹	5,66^m bis 6,18^m	3,17 Deeg	Bedeckungsverännerleche Stär
R	5,9^m bis 6,9^m	4,4 Deeg	Bedeckungsverännerleche Stär

Den R Arae ass e weidere Bedeckungsverännerleche vum Typ Algol, bei deem e liichtschwaache Begleeder all 4,4 Deeg virum Haaptstär laanscht zitt an hie bedeckt. Déi visuell Magnitude hëlt dobäi vu 5,9 op 6,9 ^m of.

Messier- an NGC-Objeten

NGC	aner	Gréisst	Typ
6188			Oppene Stärekoup
6193		5,2^m	Oppene Stärekoup
6352		8,1^m	Kugelstärekoup
6362		8,3^m	Kugelstärekoup
6397		5,3^m	Kugelstärekoup
	IC 4651	6,9^m	Oppene Stärekoup

Den NGC 6193 ass en helle Stärekoup, deen ongeféier 30 Stären huet. D'System gouf am Joer 1828 vum James Dunlop entdeckt.

Den NGC 6397 ass mat enger Distanz vun 8.000 Liichtjoer ee vun den nooste Kugelstärekéip. De Kugelstärekoup gouf am Joer 1752 vum Nicolas Louis de Lacaille entdeckt.

Kuckt och

Portal Astronomie

Um Spaweck

Commons: Ara – Biller, Videoen oder Audiodateien